Natiq Yusifov

Natiq Yusifov
Natiq Yusifov
Doğum tarixi	8 iyun 1948
Doğum yeri	Həmzəlli, Qəbələ rayonu, Azərbaycan SSR, SSRİ
Vəfat tarixi	22 fevral 2014 (65 yaşında)
Vəfat yeri	Bakı, Azərbaycan
Dəfn yeri	Qəbələ rayonu;
Vətəndaşlığı	SSRİ→; Azərbaycan
Elmi dərəcəsi	filologiya elmləri doktoru
Elmi adı	professor
İş yeri	Azərbaycan Universitetinin prorektoru (2000-2014)

Natiq Yusifov (8.6.1948–22.2.2014) — Azərbaycan Universitetinin prorektoru (2000–2014), İngilis dilinin Leksikologiyası kafedrasının professoru.^{[mənbə göstərilməlidir]}

Həyatı

Natiq Yusifov 1948-ci ildə Qəbələ rayonunun Həmzəlli kəndində anadan olub. Orta məktəbi bitirdikdən sonra Azərbaycan Pedaqoji İnstitutunun Qərbi Avropa dilləri fakültəsinə İngilis və Azərbaycan ixtisasına qəbul olunub, 1971-ci ildə həmin ixtisası fərqlənmə diplomu ilə bitirib.

İnstitut Elmi Şurasının qərarı ilə 1971-ci ilin sentyabrından İngilis dili kafedrasının müəllimi vəzifəsinə işə qəbul olunub. 1973-cü ildə həqiqi hərbi xidmətdə olub. Hərbi xidmətdən sonra əmək fəaliyyətini Azərbaycan Pedaqoji Xarici İnstitutunun İngilis dili fakültəsində davam etdirib.

1975–1978-ci illərdə həmin institutun aspiranturasında German i ixtisası üzrə təhsil alıb və 1985-ci ildə Pyatiqorsk Dövlət Xarici İnstitutunda German i ixtisası üzrə "İngilis dilində səs təqlidi sözlərin struktur-semantik təhlili" mövzusunda dissertasiya müdafiə edərək, filologiya elmləri namizədi alimlik dərəcəsi alıb. 1986-cı ildə 1№li Leksika kafedrasının dosenti seçilib. 1990–1999-cu illərdə İnstitutun İngilis dilinin Leksikologiyası kafedrasının müdiri, 1999–2000-cu illərdə İngilis dili fakültəsinin dekanı vəzifələrinə müsabiqə yolu ilə seçilib.

2000-ci ildən indiyədək Azərbaycan Universitetinin tədris işləri üzrə prorektoru vəzifəsini tutub.

45-dən çox elmi məqalənin, dərsliyin, fənn proqramlarının, monoqrafiyanın müəllifidir.

1998-ci ildən indiyədək həm də Azərbaycan Universitetinin İngilis dilinin Leksikologiyası kafedrasında pofessor olub.

Natiq Yusifov 2000-ci ildən Avropa Şurasının Ali Təhsil Komitəsində Azərbaycan Respublikası Təhsil Nazirliyinin nümayəndəsi kimi də təmsil olunub. 22 fevral 2014-cü ildə vəfat edib. Qəbələdə dəfn olunub.

3 övladı var.

Natiq Yusifov

Həyatı

İstinadlar