Natiq Qasımov (tam adı:Qasımov Natiq Əbülfəz oğlu; 19 mart 1960, Bakı) — iqtisadçı, iqtisadi elmləri doktoru, professor, Azərbaycan Respublikası vergilər nazirinin müavini (2002–2010).[1]
| Natiq Qasımov | |
|---|---|
| Qasımov Natiq Əbülfəz oğlu | |
| Doğum tarixi | 19 mart 1960 (65 yaş) |
| Doğum yeri | |
| Milliyyəti | Azərbaycanlı |
| Atası | Əbülfəz Qasımov |
| Elm sahəsi | İqtisadiyyat |
| Elmi dərəcəsi | İqtisadiyyat elmlər doktoru |
| Elmi adı | Professor |
| İş yerləri | Azərbaycan Respublikası vergilər nazirliyinin müavini (2002-2010), Azərbaycan Dövlət İqtisad Universiteti |
| Təhsili | Azərbaycan Kənd Təsərrüfatı İnstitutu |
| Üzvlüyü | Beynəlxalq İqtisadçılar İttifaqı |
Qasımov Natiq Əbülfəz oğlu 19 mart 1960-cı ildə Bakıda anadan olub.[2]
1982-ci ildə Azərbaycan Kənd Təsərrüfatı İnstitutu iqtisadiyyat fakütləsini bitirib.[3]
1988-ci ilədək Azərbaycan Elmi Tədqiqat Kənd Təsərrüafının iqtisadiyyatı və Təşkili İnstitutunda böyük elmi işçi işləmişdir. 1988–93-cü illərdə Azərbaycan İqtisadçılar İttifaqı sədr müavini olub. 1993–94-cü illərdə Azərbaycan Elmi Tədqiqat Yeyinti Sənayesi İnstitutunun direktoru olub. 1994–1998-ci illərdə Azərbaycan Dövlət İqtisad Universitetinin dosenti olmuşdur. 1998–2002-ci illərdə Əmək və Sosial Problemlər üzrə Elmi Tədqiqat və Tədris Mərkəzinin direktoru olub. Azərbaycan Respublikası vergilər nazirinin müavini (2002–2010) olub.[4]
6 monoqrafiyanın,80-dən çox elmi məqalənin,9 kitabçanın müəllifidir. 1998-ci ildə iqtisadiyyat elmlər doktoru, 1999-cu ildə professor olub. Tədqiqatları, əsasən Azərbaycanda bazar münasibətlərinə keçid şəraitində sosial islahatlar və cəmiyyət, sosial-iqtisadi inkişaf və demoqrafik proses problemlərinə həsr edilmişdir. İqtisadçıların simpozium və konfranslarında məruzələr etmişdir.
2010-cu ildən Azərbaycan Dövlət İqtisad Universitetinin "Əməyin iqtisadiyyatı və təşkili" kafedrasında, 2019-cu ildən "Sosial inkişaf iqtisadiyyatı və qiymətləndirmə" kafedrasında çalışıb. 2022-ci ildən "İctimai idarərtmə və sosial innovasiyalar" kafedrasının professordur.[5]
- Beynəlxalq İqtisadçılar İttifaqı
- ↑ "AZƏRBAYCAN RESPUBLİKASI PREZİDENTİNİN SƏRƏNCAMI". 2020-06-29 tarixində arxivləşdirilib. İstifadə tarixi: 2020-06-08.
- ↑ "Natiq Qasımov". 2022-03-03 tarixində arxivləşdirilib. İstifadə tarixi: 2020-06-08.
- ↑ Naxçıvan Ensiklopediyası. Bakı. 2002. səh. 264. ISBN 5-8066-1468-9.
- ↑ "N. Ə. Qasımovun Azərbaycan Respublikası vergilər nazirinin müavini təyin edilməsi haqqında". 2020-06-08 tarixində orijinalından arxivləşdirilib. İstifadə tarixi: 2020-06-08.
- ↑ "UNEC – Azərbaycan Dövlət İqtisad Universiteti — i.e.d., prof. Qasımov Natiq Əbülfəz" (ingilis). 2024-07-28 tarixində arxivləşdirilib. İstifadə tarixi: 2024-12-13.