Natiq Camal Afşar

Natiq Camal Afşar 1961-ci il 12 avqust tarixində Bakı şəhərində ziyalı ailəsində anadan olub. 1977–1980-ci illərdə Əzim Əzimzadə adına Azərbaycan Dövlət Rəssamlıq Məktəbini rəssam ixtisası üzrə bitirib. 1981-ci ildə Moskva Hərbi Dairəsində həqiqi hərbi xidmət keçib. 1982-ci ildə Moskva Hərbi Dairəsində hərbçi rəssamlar arasında keçirilən rəsm müsabiqəsinin laureatı olub.^[3]

Hərbi xidməti bitirdikdən sonra 1983-cü ildə Şixəli Qurbanov adına Musiqili Komediya teatrında dekorçu rəssam və Azərbaycan Rəssamlar İttifaqının istehsalat Kombinatında icraçı heykəltaraş işləmişdir.^[4]

1985-ci ildə Yuri Qaqarin adına Məktəblilərin yaradıcılıq evində rəsm və heykəltaraşlıq müəllimi, eyni zamanda keramika fabrikasında keramikaçı rəssam vəzifəsində işləmişdir.

1987–1992-ci illərdə Azərbaycan Dövlət Mədəniyyət və İncəsənət Universitetinin Rəssamlıq fakültəsini heykəltaraş ixtisası üzrə bitirmişdir. Tələbəlik illərində 1989-cu ildə Rusiyanın Smolensk Vilayəti Qaqarin Şəhərində fərdi sərgi keçirmişdir. Müxtəlif illərdə Abdulla Şaiq adına Uşaq Teatrında dekorçu rəssam, quruluşçu rəssam vəzifələrində çalışmışdır. 

1993-cü ildə M. Şəhriyar adına Mədəniyyət evində və İstiqlal Muzeyində "İstiqlal Yolları" adlı fərdi sərgilər keçirmişdir (1993–2004-2007). 1993-cü ildə rəssam Türk Araşdırmaları Vakfının dəvəti ilə İstanbulda müxtəlif ictimai məkanlarda daha üç sərgi keçirmişdir. 1997-ci ildə Türkiyənin Niğde Ömer Halisdemir Universitetində rəsm müəllimi işləmək üçün dəvət edilmişdir.

Rəssam 1993-cü ildən 2019-cu ilə qədər Azərbaycan Respublikası Müdafiə Nazirliyi nəzdində təşkil edilən Azərbaycan Hərb Tarixi Muzeyi Hərbi rəssamlıq və Hərb Tarixi şöbələrinin açılmasına nail olmuş və 2019-cu ilə qədər Hərbi rəssamlıq studiyasına rəhbərlik etmişdir. Muzeydə işlədiyi müddətdə Muzeyə 470 eksponat hazırlayıb vermişdir.

1980-ci ildə Rəssamlar İttifaqının keçirdiyi sərgilərdə iştirak etmişdir. Əsərləri Türkiyədə, Rusiyada, İranda, Portuqaliyada, İspaniyada, İrlandiyada, İngiltərədə, Çexoslovakiyada, Macarıstanda, Amerika Birləşmiş Ştatlarında sənət sevərlər tərəfindən alınıb saxlanmaqdadır.

Rəssam müxtəlif janrlarda çalışır. 1979-cu ildən Azərbaycan Rəssamlar İttifaqının keçirdiyi sərgilərdə iştirak edir. 2018-ci ildə Azərbaycan Müdafiə Nazirliyi Veteranlar Birliyi tərəfindən "Cəmşid Naxçıvanski" medalı ilə təltif olunmuşdur.

2018-ci ildə Azərbaycan Mədəniyyət Nazirliyi tərəfindən Əməkdar rəssam adı layiq görülməyinə dair təqdimat Azərbaycan Respublikası Prezidentinin Administrasiyasının Humanitar Məsələlər Şöbəsinə göndərilmişdir.^[2]

Rəssamın Azərbaycanda 7 fərdi sərgisi keçirilib:

1. 1993-cü ildə M. Şəhriyar adına Mədəniyyət evində keçirilən Azərbaycan Hərb Tarixinə dair sərgi.
2. 1993-cü ilin aprel ayında Azərbaycan İstiqlal muzeyində "İstiqlal Yollarında" adlı fərdi sərgi.
3. 1997-ci ildə Yeni Azərbaycan Partiyasının tədbir və sərgisi.
4. 2004-cü ildə Azərbaycan İstiqlal muzeyində "İstiqlal Yollarında" adlı fərdi sərgi.
5. 2004-cü ildə Bakı Caz mərkəzində Dünya caz ulduzlarına həsr edilmiş fərdi sərgi.
6. 2006-cı ildə Azərbaycan İstiqlal muzeyində "İstiqlal" adlı fərdi sərgi.^[2]
7. 2021-ci il 8 dekabr tarixində — Beynəlxalq Rəssamlar Günündə Bakı Xətai Sənət Mərkəzində Milli Məclisin Mədəniyyət Komitəsinin, "Avrasiya Beynəlxalq Araşdırmalar İnstitutu" İB, "Regional Hüquqi və İqtisadi Maarifləndirmə" İB, "NƏFƏS" İB, "Masallı Təhsil Fondu"-nun dəstəyi ilə keçirilən sərgidə "Beynəlxalq Mahmud Kaşqari" Mükafatı laureatı, rəssam-heykəltaraş Natiq Camal Afşarın dahi Azərbaycan şairi Nizaminin 880 illik yubileyi münasibətilə, dahi şairin əsərlərinin motivləri əsasında çəkdiyi, əsasən miniatür əsərlər sərgilənib.^[5]

Rəssam 1993-cü ildən Türkiyədə keçirilən müxtəlif sərgilərdə iştirak etmişdir:

• 1993-cü ildə Türk Araşdırmaları Vakfının dəvəti ilə İstanbul Süleymaniyə Mədəniyyət mərkəzində keçirilən fərdi sərgi.
• 1995-ci ildə Türk Araşdırmaları Vakfının dəvətiylə bir daha İstanbul Süleymaniyə Mədəniyyət mərkəzində keçirilən fərdi sərgi.
• 1997-ci ildə İstanbul Rəşid Rey Tiyatrosu binasında Azərbaycanlı rəssamların sərgisi.
• 1997-ci ildə Tatarıstan Kazan şəhərində "Altun Urda" cəmiyətinin təşkil etdiyi fərdi sərgi.
• 2021-ci il Osmaniyə Korkut Ata ünversiteti rəhbərliyi tərəfindən sərgidə iştirak etdiyinə görə təşəkkürnamə.^[2]

• Aydın Adnan Menderes Ünversitesi Türk sanatı ve Kültürü uyqarlama və araşdırma merkezi müdirliyi tərəfindən sərgidə iştirak etdiyinə görə təşəkkürnamə.
• Dr. Öğr. Üyesi Ahmet Aytaç Aydın Adnan Menderes Üniversitesi Türk Sanatı ve Kültürü Araştırma ve Uygulama Merkezi Müdirü sərgidə iştirak etdiyinə görə təşəkkürnamə
• 2021-ci ilin mart ayında təşkil edilən "Uluslararası Davetli İstiklal Marşı ve Mehmet Akif Ersoy Plastik Sanatlar Sanal" sərgisində iştirak etdiyinə görə təşəkürnamə.^[6]
• Rəssam Uluslararası Türk Sanatı, Tarixi və Folkloru Çevrimçi Kongresi / Sanat Etkinlikleri sərgisində iştirak etdiyinə görə təşəkkürnamə ilə təltif olunmuşdur.
• Hərb tarixi muzeyinin qurucusu olduğuna görə Cəmşid xan Naxçıvanski adına medal ilə təltif edilib (2017).
• Beynəlxalq Mahmud Qaşqarlı fondunun laureatı.^[2]

•  
  Atropatena hökmdarı Atropatın dairəvi heykəli (2004-2006). Azərbaycan Hərb Tarixi Muzeyi
•  
  Babəkin büstü. Azərbaycan Hərb Tarixi Muzeyi
•  
  Midiyalıların Assuriya üzərində qələbəsinə həsr edilmiş Midiya Zəfər Qapıları. Aslanlı Qapılar. 4mx7m. (2007). Azərbaycan Hərb Tarixi Muzeyi
•  
  Cavad xan Ziyadxan oğlunun büstü. Azərbaycan Hərb Tarixi Muzeyi
•  
  Ağrı heykəli (1993)

• "Bu dövlət rəssama 300–400 manat pulu niyə çox görür", Azərbaycan Hərb Tarixi Muzeyinin rəssamı — www.bbc.com
• "Gücümüz birlikdədir!" mövzusunda rəsm müsabiqəsi keçirilib — mod.gov.az/
• Classical art of Azerbaijan artist Natik Jamal Afshar — Video
• Azərbaycan Hərb Tarixi Muzeyindən reportaj — AzərTAC — Video
• Yurduna Sadiq rəssam — Qafqaz TV
• Художник-баталист из династии Афшаров — газета Каспий, 17.05.2013
• Rəssam Natiq Camal Afşarın Nizami Gəncəvinin əsərlərinin motivləri əsasında rəmslərindən ibarət sərgisi keçirildi — FOTOLAR
• Natig Jamal Afshar
• Natiq Camal Əfşarın müəllifi olduğu əsərlər - I hissə. - lib.az
• Natiq Camal Əfşarın müəllifi olduğu əsərlər - II hissə. - lib.az

1. ↑ Атешгях, Н. Натиг Джамал: Это наш батальный жанp: [о творчестве художника, скульптора и художественного оформителя Музея Военной Истории Н.Джамала] //Зеркало.- 2013. — 8 марта — С.22.
2. ↑ ^{1 2 3 4 5} "Natiq Camal Afşar - rəssam-heykəltaraş (özünün şəxsən verdiyi məlumatlar əsasında)". 2021-12-21 tarixində arxivləşdirilib. İstifadə tarixi: 2021-12-21.
3. ↑ "Hərb tarixini canlandıran rəssam. Xalq qəzeti.- 2010.- 20 oktyabr.- S. 7". 2021-11-30 tarixində arxivləşdirilib. İstifadə tarixi: 2021-11-30.
4. ↑ "Yurduna Sadiq rəssam - Qafqaz TV". 2021-11-30 tarixində arxivləşdirilib. İstifadə tarixi: 2021-11-30.
5. ↑ NATİQ CAMAL AFŞAR _NİZAMİ GƏNCƏVİ 880 Arxivləşdirilib 2021-12-26 at the Wayback Machine — Video
6. ↑ "ULUSLARARASI DAVETLİ İSTİKLAL MARŞI ve M. AKİF ERSOY PLASTİK SANATLAR SANAL SERGİSİ "Öğr. Gör. Cüneyt TAŞIR Armağanı"". 2022-03-31 tarixində arxivləşdirilib. İstifadə tarixi: 2021-11-30.