Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin“Narqız” — Azərbaycanın animasiya rejissoru Məsud Pənahinin qısametrajlı animasiya filmi.[1]
| Narqız | |
|---|---|
 | |
| Janr | dram filmi |
| Rejissor | |
| Prodüser | |
| İlk baxış tarixi | 2025 |
| Müddət | 9,17 dəq |
| Ölkə | |
| Dil | Azərbaycan dili |
“Narqız” filmi Azərbaycan Respublikası Kino Agentliyinin (ARKA) maliyyə dəstəyi ilə “PERİ FİLM” MMC (ANİMAFİLM Studio) tərəfindən istehsal olunub. [2]Filmin premyerası 2025-ci il yanvarın 17-də Nizami Kino Mərkəzində baş tutacaq.[3] Filmin treyleri 17 dekabr 2024-cü ildə yayımlanıb.
Qısametrajlı animasiya filmi ARKA tərəfindən 2023-cü ilin iyulun 18-də elan edilən film layihələri müsabiqəsinin qalibi olub və istehsalına dəstək göstərilməsi təsdiq edilib.[4]
“Narqız” layihəsinin kraudfandinq kampaniyası 2023-cü ilin iyul ayında uğurla başa çatıb (layihənin adı “Nərgiz” idi).[5]
İşğaldan azad olunmuş Qarabağ torpağında həyat yenidən çiçəklənir. Balaca Narqız göyə çərpələng uçurur və dünyada hər şeyi unudaraq onun dalınca qaçır. Sevinc içərisində olan qız torpaq altında olan və öz saatını gözləyən təhlükənin fərqində deyil. Bu minadır.
“NARQIZ” qısametrajlı animasiya filmi ilk növbədə uşaqlar üçün nəzərdə tutulub. Filmin əsas məqsədi uşaqların diqqətini mina təhlükəsinə cəlb etmək, eləcə də işğaldan azad edilmiş ərazilərdə minatəmizləmə işləri haqqında məlumatları dünya ictimaiyyətinə çatdırmaqdır.[6]
Maarifləndirici səciyyə daşıyan film insanlar üçün dinc dövrdə ən böyük təhlükə olan minalar, onlardan qorunmaq, ehtiyatlı davranmaq qaydalarını və təcrübələrini paylaşmağın vacibliyini vurğulayır. Bütün bunlar audiovizual vasitələr, milli mədəni irsin inciləri, təsviri tamaşaçıya daha aydın çatdıran musiqi və qrafika vasitəsilə təqdim olunmaqla, XXI əsrin müasir və gerçək vaqeəsini nəql edir.[7]
Filmin quruluşçu rejissoru Məsud Pənahi, prodüseri Rəşid Ağamalıyev, ideya müəllifi Bəhruz Pənahi, ssenari müəllifləri Məsud Pənahi, İsmayıl İman, bəstəkar Azər Hacıəsgərli, səs rejissoru Nadir Mahmudov, aparıcı animatoru Firəngiz Bağırova, kompozitinq rəssamı Emil Şiran, storyboard rəssamı Kübra Binnətova, animatik rəssamı Rüstəm Bəşirov, rəssam Elçin Hami Axundov, səsləndirmə rejissoru Qurban Məsimov, redaktorlar Rafiq Məmmədli və Gülşən Hüseynovadır.[8]
Azərbaycan Animasiya Assosiasiyasının üzvü Gülşən Hüseynova “Nar ağacı, nar çiçəyi və Narqız” adlı yazısında animasiya filminin Azərbaycan tarixinin son 35 ilini bizə nümayiş etdirdiyini bildirib.[9]
- ↑ ""Narqız" animasiya filminin istehsalı tamamlanıb (TREYLER, ŞƏKİLLƏR)" (az.). 17 dekabr 2024. 16 yanvar 2025 tarixində arxivləşdirilib. İstifadə tarixi: 16 yanvar 2025.
- ↑ ""Narqız" qısametrajlı animasiya filminin çəkilişləri davam edir" (az.). 8 iyul 2024. İstifadə tarixi: 16 yanvar 2025.
- ↑ "Dövlət dəstəyi ilə lentə alınmış filmlərin təqdimatı keçiriləcək". culture.gov.az. 26 yanvar 2025 tarixində arxivləşdirilib. İstifadə tarixi: 16 yanvar 2025.
- ↑ ""Narqız" qısametrajlı animasiya filminin istehsalı davam edir". culture.gov.az. İstifadə tarixi: 16 yanvar 2025.[ölü keçid]
- ↑ ""Tıq-Tıq xanım"ın rejissoru tamaşaçılara müraciət edib" (az.). 3 may 2023. 16 yanvar 2025 tarixində arxivləşdirilib. İstifadə tarixi: 16 yanvar 2025.
- ↑ ""Narqız" qısametrajlı animasiya filmi minaların yaratdığı təhlükəni işıqlandıracaq". respublika-news.az (ingilis). 26 yanvar 2025 tarixində arxivləşdirilib. İstifadə tarixi: 16 yanvar 2025.
- ↑ ""Narqız" animasiya filminin istehsalı yekunlaşıb". Kulis.az (az.). 26 yanvar 2025 tarixində arxivləşdirilib. İstifadə tarixi: 16 yanvar 2025.
- ↑ ""Narqız" animasiya filminin istehsalı yekunlaşıb". azertag.az (az.). 17 dekabr 2024 tarixində arxivləşdirilib. İstifadə tarixi: 16 yanvar 2025.
- ↑ "Nar ağacı, Nar çiçəyi və NARQIZ!" (az.). 21 yanvar 2025. İstifadə tarixi: 25 yanvar 2025.