Namiqkamal (Namiq Kamal) Məmməd oğlu Əliyev (1932) — Azərbaycan dövlət xadimi, Azərbaycan SSR neftayırma və neft kimyası sənayesi naziri (1980–1988), Azərbaycan Dövlət Yanacaq Komitəsinin sədri (1991–1992).
| Namiqkamal Əliyev | |
|---|---|
 | |
  | |
| 22 yanvar 1991 – 10 aprel 1992 | |
| Əvvəlki | Rafiq Məmmədov |
| Sonrakı | Muxtar Aslanov |
 .svg){kind=small} | |
| 21 yanvar 1980 – 21 yanvar 1988 | |
| Əvvəlki | Kamil Akimov |
| Sonrakı | nazirlik ləğv edilib |
| Şəxsi məlumatlar | |
| Doğum tarixi | 1932 |
| Partiya |
|
| Təhsili | |
|
|
|
| Təltifləri |
 |
Namiqkamal Məmməd oğlu Əliyev 1932-ci ildə qulluqçu ailəsində anadan olmuşdur. Azərbaycan Sənaye İnstitutunu bitirmişdir.[1]
1957–1963-cü illərdə Bakı gəmi tərsanəsinin mühəndisi, Elmi Tədqiqat Neft-Kimya Prosesləri İnstitutunun böyük mühəndisi olmuşdur. 1963-cü ildən Sumqayıt kimya kombinatının baş mexaniki, baş mühəndisi, Oktyabr inqilabı adına üzvi məhsullar zavodunun direktoru, baş mühəndisi, qaz emalı zavodunun sonra isə Azərqaznəqliyyat İstehsalat Birliyinin direktoru vəzifələrində işləmişdir.[2]
Namiqkamal Əliyev 1980-ci ildə Azərbaycan SSR neftayırma və neft kimyası sənayesi naziri təyin edilmişdir. 1988-ci ildə nazirlik ləğv edilənədək bu vəzifədə işləmiş, 1991–1992-ci illərdə isə Azərbaycan Dövlət Yanacaq Komitəsinin sədri olmuşdur.
Namiqkamal Əliyev 1961-ci ildən Sov.İKP üzvü olmuş, Azərbaycan Kommunist Partiyası Mərkəzi Komitəsinin üzvü seçilmişdir.[2] Azərbaycan SSR Ali Sovetinin X və XI çağırış deputatı olmuşdur.[1]
- ↑ 1 2 Әлијев Намигкамал Мәммәд оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 141.
- ↑ 1 2 Әлијев Намигкамал Мәммәд оғлу // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 140.