Nail Orucov (hərbiçi)

Nail Orucov 1978-ci il iyunun 11-də Astara rayonunun Məsçitməhəllə kəndində anadan olub. 1985-ci ildə Qapıcıməhəllə kənd orta məktəbinə daxil olub və 1992-ci ilə qədər həmin məktəbdə təhsil alıb. 1992-ci ildən 1995-ci ilə qədər təhsilini C.Naxçivanski adına Hərbi liseydə dəvam etdirib. 1995-ci ildə Bakı Ümumqoşun məktəbinə daxil olub və 1999-cu ildə həmin məktəbi "Motoatıcı" ixtisası üzrə bitirib. Məktəbi bitirdikdə ona "leytenant" rütbəsi verilib və Müdafiə nazirinin əmrinə əsasən, xidməti davam etdirmək üçün N saylı hərbi hissəyə göndərilib.

1999-2002-ci illərdə orada motoatıcı taqım komandiri,  2002-2005-ci illərdə motoatıcı bölük komandiri,  2005- 2007-ci illərdə N saylı hərbi hissənin motoatıcı taborun maddi texniki təminat üzrə komandirin müavini, 2007-ci ildə N saylı hərbi hissənin motoatıcı taborun qərargah rəisi, həmin ilin dekabrından 2008-ci ilin dekabrınadək N saylı hərbi hissənin motoatıcı taborun qərargah rəisi, 2008-in dekabrından 2013-cü ilin iyuluna kimi N saylı hərbi hissənin maddi texniki təminat bölməsinin (Q4) rəisi - (qərargah rəisinin maddi-texniki təminat üzrə köməkçisi) vəzifəsinə təyin olunub. 2014-cü ilin yanvarından oktyabrına kimi N saylı hərbi hissənin motoatıcı tabor komandiri, 2015-ci ilin dekabrına kimi isə N saylı hərbi hissənin maddi-texniki təminat üzrə vəzifəsində xidmət edib.

Nail Orucov Müdafiə nazirinin 31.12.2015-ci ildə tarixli 0912  nömrəli əmri ilə "Hərbi xidmətkeçmə haqqında" Əsasnaməni 156-cı maddəsinin "j" bəndinə  (öz arzusu ilə) və 164-cü maddəsinə müvafiq olaraq, hərbi geyim formasını daşımaq hüququ ilə Polkovnik-leytenant kimi ehtiyata buraxılmışıdır.

Ailəli olan şəhidin Ruslan, Əlihəsən və İbrahim adlı üç oğlu var.

29 sentyabr 2020-ci ildə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti tərəfindən təlimlərə cəlb olunub. Oktyabrın 6-dan etibarən, 1-ci Tabor komandiri vəzifəsi ilə müharibədəki xidmətinə başlayıb. Onun taboru Füzuli, Hadrut, Cəbrayıl və Qubadlı istiqamətində əks-hücum əməliyyatları ilə düşməni geri çəkilməyə məcbur qoymuş,^[2] Qubadlı rayonunun Azərbaycan və Ermənistan sərhədin tam nəzarətə almışdır. Oktyabrın 31-də düşmən təxribatı nəticəsində Qubadlıya yenidən hücum olunub və düşmənin artilleriya atəşi nəticəsində polkovnik-leytenant Nail Orucov şəhid olmuşdur. Astara rayonunda dəfn olunub.^[3][4]

• "Azərbaycan Silahlı Qüvvələrinin 10 illiyi" yubiley medalı^[5]
• "Qüsursuz xidmətə görə" 3-cü dərəcəli medalı
• "Azərbaycan Silahlı Qüvvələrinin 90 illiyi" yubiley medalı
• "Qüsursuz xidmətə görə" 2-ci dərəcəli medalı
• "Azərbaycan Silahlı Qüvvələrinin 95 illiyi" yubiley medalı
• "Qüsursuz xidmətə görə" 1-ci dərəcəli medalı
• "Hərbi xidmətdə fərqlənməyə görə" 3-cü dərəcəli medalı
• "Azərbaycan Ordusunun 100 illiyi" yubiley medalı
• "Azərbaycan Silahlı Qüvvələri Veteranı" medalı
• "Vətən uğrunda" medalı (ölümündən sonra)
• "Azərbaycan Bayrağı" ordeni (ölümündən sonra)
• "Cəbrayılın azad olunmasına görə" medalı (ölümündən sonra)
• "Qubadlının azad olunmasına görə" medalı (ölümündən sonra)^[6]

1. ↑ Unudulmazlar-Nail Orucov Rəfail
2. ↑ "Şəhid əməkdaşımız Nail Orucovun xatirəsi yad edilib"
3. ↑ Astaranın 41 qəhrəman övladı
4. ↑ Şəhidin xanımı: Sonuncu dəfə danışanda tövsiyələr verirdi, sən demə, bizə vəsiyyəti imiş
5. ↑ Nail Orucov
6. ↑ "Azərbaycan Respublikası Silahlı Qüvvələrinin hərbi qulluqçularının “Qubadlının azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı"