Naftali Herts İmber və ya Naftali Zvi İmber (ivr. נפתלי הרץ אימבר, id. נפתלי הערץ אימבער, ukr. Нафталі Герць Імбер; 27 dekabr 1856[1] – 8 oktyabr 1909[2], Manhetten, Nyu-York ştatı) — İsrailin rəsmi dövlət himni olan Hatikvanın sözlərini yazan ukrayna yəhudisi sionist şair.
| Naftali Herts İmber | |
|---|---|
| נפתלי הרץ אימבר | |
 Naftali Herts İmber | |
| Doğum tarixi | |
| Doğum yeri | Zoloçiv, Qalisiya, Avstriya imperiyası. |
| Vəfat tarixi | |
| Vəfat yeri | Nyu York, ABŞ |
| Vəfat səbəbi | spirtli içkilər |
| Milliyyəti | ukrayna əsilli yəhudi |
| Fəaliyyəti | şair |
| Fəaliyyət illəri | 1866-1909 |
| Əsərlərinin dili | ivrit dili |
| Janr | şeir |
| İlk əsəri | "Ümidimiz" |
| Tanınmış əsəri | |
 |
|
 Vikianbarda əlaqəli mediafayllar | |
Naftali 1856-cı ildə Avstriya imperiyasının Qalisiya bölgəsinin Zlokjov şəhərində (Ukraynanın indiki Zoloçiv şəhərində) anadan olmuşdur.[3] 10 yaşından şeir yazmağa başlayan Naftali Bukovina bölgəsinin imperiyaya qatılmasının 100 illiyi münasibətilə yazdığı şeirinə imparator Frans Jozef tərəfindən mükafatlandırılmışdır. Gəncliyində Macarıstan, Serbiya və Rumıniya kimi ölkələri ziyarət etmişdir.
1882-ci ildə məşhur ingilis yazıçısı Lorens Olifantın katibi kim Fələstinə köçmüşdür. Yerusəlimdə ilk genişhəcmli əsəri olan "Səhər ulduzu"nu (ivr. ברקאי, Barkay) nəşr olunmuşdur. Kitabında Rumıniyanın Yaş şəhərində yazdığı "Ümidimiz" ("Tikvateynu") adlı şeiri də vardı. Bu şeir ilk əvvəl siyonistlərin marşı ikən daha sonra İsrailin dövlət himni Hatikva oldu.
1887-ci ildə Avropaya geri qayıdan Naftali Londonda yaşamış və Hindistana səyahət etmişdir. 1892-ci ildə ABŞ-yə köçmüşdür. "Avara, əyyaş və yəhudi" şair adlandırılan Naftali ən sevdiyi yunan tanrılarının Heba (gənclik ilahəsi) və Dionis olduğunu demişdir. Ciddi hadisələrə rişxəndlə yanaşarmış. Ömər Xəyyamın əsərlərini ivrit dilinə tərcümə etmişdir. Həyatını 1909-cu ildə Nyu Yorkda spirtli içkilər üzündən itirmişdir və nəşi 1953-cü ildə Yerusəlimə gətirilmişdir.
- ↑ Bibliothèque nationale de France BnF identifikatoru (fr.): açıq məlumat platforması. 2011.
- ↑ Naphtali Herz Imber // Encyclopædia Britannica (ing.).
- ↑ "Hatikva, Anthem and Author". 2022-03-06 tarixində arxivləşdirilib. İstifadə tarixi: 2022-09-07.