Mustafa Nadir Nadi (23 iyun 1908[1], Muğla ili – 20 avqust 1991[1]) — Türkiyə jurnalisti və yazıçısı. O, "Cümhuriyyət" qəzetinin qurucusu Yunus Nadi Abalıoğlunun oğlu idi.
| Nadir Nadi | |
|---|---|
| Doğum tarixi | 23 iyun 1908[1] |
| Doğum yeri | |
| Vəfat tarixi | 20 avqust 1991[1] (83 yaşında) |
| Dəfn yeri | |
| Təhsili |
|
| Fəaliyyəti | jurnalist, siyasətçi |
 Vikianbarda əlaqəli mediafayllar | |
Mustafa Nadir Nadi 23 iyun 1908-ci ildə Muğla vilayətinin Fəthiyyə rayonuna bağlı Qayaköy kəndində anadan olmuşdur. Atası Yunus Nadi Abalıoğlu idi. İbtidai təhsilini İstanbulda, Nişantaşında yerləşən Yeni Məktəbdə almışdır. Orta təhsilini Qalatasaray Liseyində davam etdirmiş, lakin Türkiyə İstiqlaliyyət müharibəsinin başlaması səbəbilə atası ilə birlikdə Ankaraya getmişdir. Qalatasaray Liseyindəki təhsilini 1930-cu ildə başa vurmuşdur. Ali təhsilini İsveçrədə, Lozanna Universitetinin Siyasi Elmlər fakültəsində almışdır.[2]
Jurnalistika fəaliyyətinə 1932-ci ildə xaricdən "Cümhuriyyət" qəzetinə göndərdiyi yazılar, xəbərlər və reportajlarla başlamışdır. İstanbula qayıtdıqdan sonra 1936-cı ildən etibarən "Cümhuriyyət" qəzetinin müxtəlif bölmələrində çalışmış və köşə yazarı kimi fəaliyyət göstərmişdir. 1938–1941-ci illərdə Qalatasaray Liseyində sosiologiya müəllimi olmuşdur. 1945-ci ildə atası Yunus Nadinin vəfatından sonra "Cümhuriyyət" qəzetinin rəhbərliyini və baş redaktorluğunu üzərinə götürmüşdür.<ref name="albüm">
Mustafa Nadir Nadi 1950–1954-cü illərdə Demokrat Partiya siyahısı üzrə Muğladan müstəqil millət vəkili, 1954–1957-ci illərdə isə İstanbuldan müstəqil millət vəkili kimi Türkiyə Böyük Millət Məclisində təmsil olunmuşdur. Parlamentə daxil olduqdan qısa müddət sonra Avropa Şurasına müstəqil Türkiyə nümayəndəsi seçilmiş və altı il bu vəzifəni icra etmişdir. Bu dövrdə, 1962-ci ildə qəzetdəki yazılarına ara vermiş, 12 mart medaxiləsindən sonra isə təxminən bir il müddətində qəzetin idarəçiliyindən uzaq qalmışdır.<ref name="albüm">
Mətbuat sahəsində bir çox mükafatlara layiq görülmüş Mustafa Nadir Nadi 1988-ci ildə TÜYAP Kitab Sərgisi tərəfindən "Fəxri Yazıçı" elan edilmişdir. O, 1991-ci ildə vəfat etmiş və İstanbulda Ədirnəqapı şəhidliyində dəfn olunmuşdur.[2]
- Sokakta Gürültü Var (1943)
- Atatürk İlkeleri Işığında Uyarmalar (1961)
- Perde Aralığından (1965)
- İki Sovyet Rusya - İki Polonya 1935-1965 (1967)
- 27 Mayıs'tan 12 Mart'a (1971)
- Sil Baştan (1975)
- Olur Şey Değil (1979)
- Ben Atatürkçü Değilim (1981)
- Dostum Mozart (1985)
- 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
- 1 2 (PDF) https://www5.tbmm.gov.tr/TBMM_Album/Cilt4/Cilt4.pdf (#bare_url_missing_title).