Nadejda Çernova (rus. Надежда Михайловна Чернова; 15 yanvar 1947, Bayanaul[d], Qazaxıstan SSR, SSRİ) — rus əsilli qazax şairəsi, tərcüməçi və jurnalist, publisist, ədəbiyyatşünas. Qazaxıstan Yazıçılar Birliyinin üzvü. Kirov adına Qazax Dövlət Universitetinin Jurnalistika fakültəsini bitirib. Prostor jurnalının şeir şöbəsinin müdiridir.
| Nadejda Çernova | |
|---|---|
| Doğum tarixi | 15 yanvar 1947 (78 yaş) |
| Doğum yeri |
|
| Fəaliyyəti | yazıçı, jurnalist, şair, ədəbi tənqidçi |
| Mükafatları |
 |
Ədəbiyyata gedən yol Aleksandr Puşkinin əsərlərini oxumağı sevən atası Mixail Timofeeviç Çernovun göstərişi ilə başlayır. Uşaqlığını Semipalatinskdə keçirmişdir. Nadejda Çernova 10 yaşında şeirlər yazmağa başlamış və 15 yaşında "Günəş" şeiri "Leninski Smena" və "Kazakhstanskaya Pravda" qəzetlərində dərc edilmişdir. Məktəbi bitirdikdən sonra Kirov adına Qazax Dövlət Universitetinin Jurnalistika fakültəsinə daxil olur. Sonra iyirmi beş il Prostorda çalışdı, burada ədəbiyyat sahəsində məşhur şəxsiyyətlərlə tanış oldu: Moris Simaşko, Viktor Vasiliev, Anatoli Kim, İlyas Yesenberlin, Mixail Pak və başqaları. Ədəbiyyatşünas Pavel Kosenko və şairə Rut Tamarina onu "İkinci Rimma Kazakova" olaraq adlandırırdılar.
Nadejda Çernovanın şeirləri dünyanın bir çox dillərinə tərcümə edilmişdir. Özü də tərcümə işləri ilə məşğul olur. Əsasən qazax, bolqar, fransız və digər dillərdən tərcümələr edir. 2006-cı ilə qədər "Prostor" ədəbi jurnalının nəsr şöbəsinə rəhbərlik etmişdir.
İki dəfə ərə getmişdir. Nadejda Çernovanın ilk əri respublikanın əməkdar müəllimi və filoloq Oleq Qennadieviç Novojilov idi. İlk evliliyindən Denis adlı oğlu dünyaya gəlmişdir. Üstəlik Alyona adlı nəvəsi var. İkinci əri Fransada mühacirətdə yaşayan rus şairi Yuri Sofiev və İrina Xorinqin oğlu İqor Yuriyeviç Sofiev idi. 1955-ci ildə İqor Sofiev atası ilə birlikdə SSRİ-yə köçmüşdür.
- «Kurmet» ordeni
- "Köçəri-həyat"
- "Odrəngi"
- "İki səs"
- "Gündönümü"
- "Səmavi ev"
- "Avqustun yaşı"
- "Yalnız sevgi haqqında"
- "Saksaul"