Nağaraxana

Nağaraxana kəndi Çuxuryurd kəndinin qonşuluğunda, rayon mərkəzi^[10] — Şamaxı şəhərindən^[3][4][5] təxminən 15 kilometr^[11] şimalda^[10], Şamaxı–Dəmirçi avtomobil yolu kənarında^[10], Nağaraxana adlı yaylanın cənub-qərb yamacında^[1], orta dağlıq qurşağında yerləşir^[12].

Kənd qurulanda ilkin adı Maryevka olmuşdur. Kəndin əsasının 1830-cu illərlə –1850-ci illər arası, Rusiyanın daxili əyalətlərindən əraziyə köçürülmüş malakan ailələrinin^[12] Nağaraxana adlı yerdə^[1] qoymuş olduğu düşünülür.^[13]

Sovet dönəmində kəndin adı S.M.Kirovun şərəfinə Kirovka olaraq dəyişdirilmişdir^[12], burada böyük kolxoz təsərrüfatı inkişaf etmiş və maldarlıq geniş yayılmışdır. Sovet İttifaqı dağılan zaman bir çox malakan ailəsi evlərini sataraq kənddən Rusiyaya köçmüş, kənd əhalisinin çox hissəsini isə Ermənistan SSR-dən köçmüş köçkünlər təşkil etmişdir.^{[14][mənbədə yoxdur]}

5 oktyabr 1999-cu il tarixli 708-IQ saylı Azərbaycan Respublikasının Qanunu ilə Şamaxı rayonunun Kirovka kənd inzibati-ərazi vahidi tərkibindəki Kirovka kəndi Nağaraxana kəndi, Kirovka kənd inzibati-ərazi vahidi Nağaraxana kənd inzibati-ərazi vahidi adlandırılmışdır.^[2]

Günümüzdə Nağaraxana kəndi Pirqulu istirahət bölgəsinin ən məşhur turizm məkanıdır^{[mənbə göstərilməlidir]}.

1980-cı ildə kəndin əhalisi 1139 nəfər təşkil edirdi^[15]. 1999-cu ildə Nağaraxana inzibati ərazi vahidinin əhalisi 1027 nəfər təşkil edirdi ki, onun da 511 nəfəri kişi və 516 nəfəri isə qadınlar idi. 2009-cu ildə Nağaraxana kənd inzibati ərazi dairəsinin əhalisi 727 nəfər idi ki, onun da 383 nəfəri kişi, 344 nəfəri isə qadınlar təşkil edirdi.^[16]