Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinNağaş Ovnatan və ya Nəqqaş Ovnatan (erm. Նաղաշ Հովնաթան; 1661[1][2][…], Şurud[3] – 28 oktyabr 1722[3], Şurud[3]) — erməni şairi, aşıqı, rəssamı, Ovnatan rəssam ailəsinin banisi. O, orta əsr erməni lirikasının ardınca yeni erməni minstrel məktəbinin banisi hesab olunur.[4]
| Nağaş Ovnatan | |
|---|---|
 | |
| Doğum tarixi | 1661[1][2][…] |
| Doğum yeri | |
| Vəfat tarixi | 28 oktyabr 1722[3] (60–61 yaşında) |
| Vəfat yeri | |
| Dəfn yeri |
|
| Uşaqları | |
| Fəaliyyəti | Katib, rəssam, şair, aşıq |
 Vikianbarda əlaqəli mediafayllar | |
Nağaş Ovnatan 1661-ci ildə Naxçıvanda (o vaxt Səfəvilər imperiyasının Çuxursəəd bəylərbəyliyinin tərkibində) Şurud kəndində keşiş ailəsində anadan olmuşdur. O, Aqulisdə yerləşən Müqəddəs Foma monastırında təhsil almışdır. Ömrünün çox hissəsini Tiflis və İrəvanda keçirən Ovnatan son orta əsr sekulyar erməni poeziyasının ən görkəmli nümayəndələrindən biri hesab olunur. Onun yaradıcılığı aşıq yaradıcılığına ən yaxındır.[4] 1710-cu ildə Tiflisə köçmüşdür və burada rəssam olmaqla yanaşı, saray aşığı kimi də fəaliyyət göstərmişdir.[5] Ovnatan yüzdən çox satirik, romantik, içkiyə həsr olunmuş, tərbiyəvi və ya öyüd-nəsihət xarakterli mahnı və qəsidələrin müəllifidir.[4]
Nağaş Ovnatan bir rəssam kimi 1712-ci ildə Üçkilsə kafedralının daxili bəzəyini öhdəsinə götürmüş və 1721-ci ildə tamamlanmışdır.[6] "Nəqqaş" ləqəbi ərəbcə "rəssam" deməkdir.[4]
O, azəri dilinin və şeirinin incəliklərinə və gözəlliklərinə yaxından bələd olmuşdur. Nağaş Ovnatanın aşağıdakı "Mayiləm" qoşması buna gözəl sübutdur:[7]
"Bir kəklik yerişlim, maral baxışlım,
Üzü xalu gök sin ağa mayiləm,
Leyli məskənidür süsən sünbüllü,
Onun üçün mən bu dağa mayiləm.
Qələm qaşlu nazlı yara mən qulam,
Görrəm dostum ağlar, mən necə gülləm,
Ayrı yerdən gəlmiş qərib bülbüləm,
Gülün həsrətiyəm, bağa mayiləm.
Yeri fələk, məni etdin cahandan,
İki telli sona ayrıtdın məndən,
Haxdan fərman oldu çıxmışam səndən,
Nağaşam, beş arşın ağa mayiləm."[8]
1983-cü ildə Ermənistan SSR-nin paytaxtı İrəvanda onun erməni dilində şeirlər toplusu nəşr olunmuşdur.[9]
- ↑ 1 2 Naghash Hovnatʻan // Faceted Application of Subject Terminology.
- ↑ 1 2 Bibliothèque nationale de France Hovnatan Naghash // BnF identifikatoru (fr.): açıq məlumat platforması. 2011.
- ↑ 1 2 3 4 5 6 Հայկական համառոտ հանրագիտարան (erm.). Հայկական հանրագիտարան հրատարակչություն, 1990. C. 3.
- ↑ 1 2 3 4 Basmajian, Gabriel; Franchuk, Edward S.; Ouzounian, Nourhan. Hacikyan, Agop Jack (redaktor). The Heritage of Armenian Literature: From the Sixth to the Eighteenth Century, Volume II. Detroit: Wayne State University Press. 2000. 867–872. ISBN 0814330231. İstifadə tarixi: 12 avqust 2020.
- ↑ Steffen, James. The Cinema of Sergei Parajanov. University of Wisconsin Press. 31 oktyabr 2013. səh. 118. ISBN 978-0299296537. İstifadə tarixi: 12 avqust 2020.
- ↑ "Cathedral and Churches of Echmiatsin and the Archaeological Site of Zvartnots". World Heritage Convention. UNESCO. 31 oktyabr 2019 tarixində arxivləşdirilib. İstifadə tarixi: 12 avqust 2020.
- ↑ Yerevanlı, Əkbər. "Azəri-erməni ədəbi əlaqələri. Qədim dövrdən XVIII əsrin sonuna qədər" (az.). Yerevan: Hayastan. 1968. 332.
- ↑ Yerevanlı, Əkbər. "Azəri-erməni ədəbi əlaqələri. Qədim dövrdən XVIII əsrin sonuna qədər" (az.). Yerevan: Hayastan. 1968. 332–333.
- ↑ Tagher (Livre, 1983). WorldCat. OCLC 13327101. İstifadə tarixi: 12 avqust 2020.
Vikianbarda Nağaş Ovnatan ilə əlaqəli mediafayllar var.