Vikipediya ?

Nəzakət Teymurova

Teymurova Nəzakət Xosrov qızı — Azərbaycan müğənnisi, Azərbaycan Dövlət Akademik Opera və Balet Teatrının solisti, Azərbaycanın xalq artisti, prezident mükafatçısı.

Nəzakət Teymurova
Nəzakət Xosrov qızı Teymurova
Nəzakət Teymurova.jpg
Sənətçi məlumatları
Doğum tarixi 4 iyul 1972 (1972-07-04) (47 yaş)
Doğum yeri Ağdam
Azərbaycan Azərbaycan SSR
Peşələri Müğənni, xanəndə

Üslub Muğam
Musiqi aləti vokal
Mükafatları "Azərbaycan Respublikasının xalq artisti" fəxri adı — 2005

Mündəricat

Həyatı

Nəzakət Teymurova 4 iyul 1972-ci ildə Ağdam rayonunun Əlimədədli kəndində dünyaya gəlib. Orta məktəbin 8-ci sinfini bitirdikdən sonra Bakı Baza Energetika Texnikumuna daxil olub. Oradan müsabiqə yolu ilə Asəf Zeynallı adına Musiqi məktəbinə daxil olub və 1991-1995-ci illərdə Nəriman Əliyevin sinfində oxuyub.

1995-ci ildə ali təhsil almaq üçün Azərbaycan Dövlət Konservatoriyasına daxil olub, xalq artisti professor Arif Babayevdən dərs alıb. Elə həmin ildən də Azərbaycan Dövlət Akademik Opera və Balet Teatrının solistidir. İlk rolu "Leyli və Məcnun"-da Leyli olub. "Aşıq Qərib"də Şahsənəm, "Gəlin Qayası"nda Gülbahar, "Natavan"da Xanəndə qız, "Vaqif"də Xanəndə qız, "Koroğlu"da Xanəndə qız rolları ilə çıxış edib.

Opera solisti kimi fəaliyyət göstərməklə yanaşı, Nəzakət Teymurova həm də muğam, xalq və bəstəkar mahnılarını da yüksək professionallıqla ifa edir. Dövlət səviyyəli tədbirlərdə, yubileylərdə tez-tez çıxış edir. Sənətçi Almaniya, ABŞ, Koreya, Yaponiya, Macarıstan, Fransa, Türkiyə, İran, İsveçrədə konsert proqramları ilə çıxış edərək milli muğam sənətini ləyaqətlə təmsil etmişdir. Hazırda Opera və Balet Teatrının solistidir, Milli Konservatoriyada və Musiqi Kollecində muğam dərsi deyir.

2000-ci ildə Azərbaycan Respublikasının Əməkdar Artisti, 2005-ci ildə Azərbaycan Respublikasının Xalq Artisti adlarına layiq görülüb. 2011-ci ilin avqust ayında Özbəkistanın Səmərqənd şəhərində keçirilən "Şərq təranələri" VIII Beynəlxalq musiqi festivalında YUNESKO-nun "Ən gözəl səs" xüsusi mükafatını alıb. 2012-ci ilin fevral ayinda Nəzakət Teymurovanın Azərbaycan musiqisi toplusundan ibarət yeni diski İtaliyada işıq üzü görüb. 9 may 2012-ci ildə 30 aprel 2014-cü ildə,6 may 2015-ci ildə, 6 may 2016-cı ildə1 may 2017-ci ildə Prezident Mükafatına layiq görülmüşdür.

Albomları

  1. Qal, sənə qurban
  2. Unuda bilmirəm

Filmoqrafiya

İstinadlar

  1. President.Az.  (azərb.). (01.05.2017).

Xarici keçidlər

  • Mənsum İbrahimov,Təyyar Bayramov,Aygün Bayramova,Nəzakət Teymurova - Qarabağ Qarabağ Şikəstəsi
  • Nəzakət Teymurova - Segah təsnifi (Rəşad İbrahimov - Tar, Təbriz Yusubov - Kamança)
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019