Nərmin Əzizova

Nərmin Akif qızı Əzizova — Azərbaycanın həkim-neonatoloqu, pediatrı, dissertantı və Pediatriya.az portalının təsisçisidir.

Nərmin Əzizova 1991-ci ildə Bakı şəhərində anadan olmuşdur. 2008-ci ildə Azərbaycan Tibb Universitetinin Pediatriya fakültəsinə qəbul olunmuş və 2014-cü ildə universiteti fərqlənmə diplomu ilə bitirmişdir. Tələbəlik dövründə Azərbaycan Tibb Universitetinin Tələbə Elmi Cəmiyyətində apardığı elmi tədqiqat işi “İlin elmi mövzusu” adına layiq görülmüşdür.

2014–2018-ci illərdə rezidentura təhsilini Ə. F. Qarayev adına 2 saylı Klinik Uşaq Xəstəxanasında keçmişdir. 2018-ci ildə Türkiyənin Ankara şəhərində yerləşən Hacettepe Universitetində klinik rotasiya proqramında iştirak etmişdir.

2018-ci ildə Azərbaycan Respublikası Səhiyyə Nazirliyinin göndərişi ilə K. Y. Fərəcova adına Elmi-Tədqiqat Pediatriya İnstitutunun Yenidoğulanların Reanimasiya və İntensiv Terapiya şöbəsində həkim-neonatoloq vəzifəsinə təyin olunmuşdur və hazırda həmin müəssisədə fəaliyyətini davam etdirir.

2018–2022-ci illərdə 1 nömrəli Bakı Tibb Kollecində “Yoluxucu xəstəliklər” fənni üzrə müəllim kimi çalışmışdır.

2023-cü ildən etibarən Azərbaycan Tibb Universitetinin I Uşaq Xəstəlikləri kafedrasında fəaliyyət göstərir. 2025-ci ildən “Harmony Health Hospital”da pediatr kimi fəaliyyət göstərir.

Nərmin Əzizovanın “Kritik vəziyyətdə olan 1 yaşa qədər uşaqlarda anadangəlmə anomaliyaların diaqnostikası və proqnostik təhlili” mövzusunda dissertasiya işi tamamlanmış və müdafiə mərhələsindədir.

O, yerli və beynəlxalq elmi jurnallarda dərc olunmuş 15 elmi məqalənin, 6 tezisin və 4 beynəlxalq konfrans çıxışının müəllifidir. Müxtəlif beynəlxalq konfranslar, simpoziumlar və elmi seminarların iştirakçısı olmuşdur.

2025-ci ildə Nərmin Əzizova TÜBİTAK ANA/ORTAK Proje Çağrısı çərçivəsində qrant layihəsini qazanmışdır və layihə istiqamətində tədqiqat və elmi işlər davam edir.

Nərmin Əzizova pediatriya və neonatologiya sahəsində maarifləndirmə fəaliyyəti ilə tanınır. O, müxtəlif media orqanlarında mütəxəssis kimi çıxış edərək uşaqların sağlamlığı, peyvəndləmə, yoluxucu xəstəliklər və neonatoloji problemlərlə bağlı açıqlamalar vermişdir. Bu mövzuda onun fikirləri AZƏRTAC, Trend, APA və digər nüfuzlu xəbər agentliklərində, həmçinin YouTube videoları və radio müsahibələri vasitəsilə ictimaiyyətə çatdırılmışdır.

Nərmin Əzizova həmçinin 2018-ci ildən Azərbaycanda pediatrik maarifləndirmə məqsədi daşıyan Pediatriya.az portalının təsisçisidir.

Nərmin Əzizova ailəlidir və iki övladı vardır. Onun atası, Akif Bağırov, Azərbaycanın tanınmış uroloqu olmaqla tibb elmləri doktorudur və Azərbaycan Tibb Universitetinin Urologiya kafedrasının professorudur.

1. https://az.trend.az/azerbaijan/society/3936748.html - Uşağın məktəbə hazırlığı, valideynlər üçün bir sıra tövsiyələr. Həkim N.Əzizova
2. https://az.trend.az/azerbaijan/society/3831780.html - Uşaqlarda qızılca xəstəliyi: klinika və müalicəsi. Həkim N.Əzizova
3. https://az.trend.az/azerbaijan/society/3780728.html - Ana südünün körpələrin immun sisteminin, mədə-bağırsaq sisteminin formalaşmasında əvəzsiz rolu vardır. Həkim N.Əzizova
4. https://az.trend.az/azerbaijan/society/4070854.html - Azərbaycan və Türkiyə tədqiqatçılarının uşaqlarda anadangəlmə qüsurlar üzrə birgə araşdırması nüfuzlu beynəlxalq jurnalda dərc olunub (FOTO)
5. https://tubitak.gov.tr/tr/duyuru/2542-tubitak-anas-ortak-proje-cagrisi-sonuclari-aciklandi - ANA/ORTAK Proje Çağrısı nəticələri
6. https://teleqraf.az/news/tibb/492198.html - Azərbaycan və Türkiyə alimləri yenidoğulmuşlarla bağlı birgə tədqiqat apardılar
7. https://azertag.az/xeber/mutexessis_goyoskurek_peyvendlenme_aparilmayan_usaqlar_arasinda_daha_genis_yayilib-3259396 - Mütəxəssis: Göyöskürək peyvəndlənmə aparılmayan uşaqlar arasında daha geniş yayılıb
8. azertag.az/xeber/hekim_neonatoloq_dogru_tibbi_biliklerin_cemiyyete_chatdirilmasi_yalniz_pesekar_mesuliyyet_deyil_hem_de_sosial_ohdelikdir-3933311 - Həkim-neonatoloq: Doğru tibbi biliklərin cəmiyyətə çatdırılması yalnız peşəkar məsuliyyət deyil, həm də sosial öhdəlikdir
9. https://etpi.az/anesteziologiya-sob%c9%99si/ - K. Y. Fərəcova adına Elmi-Tədqiqat Pediatriya İnstitutunun rəsmi internet saytı
10. https://new.amu.edu.az/teacher/422 - Azərbaycan Tibb Universitetinin rəsmi internet saytı
11. https://harmonyhealthhospital.az/az/doctor-details/dr-nermin-ezizova - "Harmony Health Hospital"ın rəsmi internet saytı
12. https://www.youtube.com/watch?v=81lYFYobKNo - "Sağlam Həyat" radio verlişinə müsahibə
13. https://www.youtube.com/watch?v=W92QhWOzxnw&t=3s - Pediatriya.az: 8 illik uğurlar, hədəflər və gələcəyimiz – Həkim Nərmin Əzizova
14. https://www.youtube.com/watch?v=Arm8Y3MErjg&t=7s - Peyvendler - Prof. Dr. Mehmet Ceyhanin Pediatriya.az saytina musahibasi - Dr. Narmin Azizova
15. https://pediatriya.az/haqqimizda/ - Pediatriya.az