Nərgiz xanım (ərəb. نرکزو خانم; 1830, Anapa – 26 oktyabr 1848 və ya 26 oktyabr 1858, İstanbul) — 31. Osmanlı sultanı Əbdülməcidin xanımlarından biri.
| Nərgiz xanım | |
|---|---|
| osman. نرکزو خانم | |
| Şəxsi məlumatlar | |
| Doğum tarixi | 1830 |
| Doğum yeri | |
| Vəfat tarixi | 26 oktyabr 1848 və ya 26 oktyabr 1858 |
| Vəfat yeri | |
| Vəfat səbəbi | vərəm |
| Dəfn yeri | |
| Həyat yoldaşı | |
| Uşağı | 1 |
| Dini | Əhlis-Sünnə |
1830-cu ildə Anapada dünyaya gəldi. Əslən çərkəzlərin natuhay qoluna mənsub olub, Albora bəy və Dadusə xanımın qızıdır. Dövrün bir çox saray xanımları kimi, onun da saraya necə alındığı bilinmir. Ancaq saraya alındıqdan sonra Mahrinur və Münəvvər adını alan 2 bacısını yanına aldırdı. İbrahim bəy və Hüseyn bəy adlı 2 qardaşı isə dövlət xidmətinə alındı və kaymakam rütbəsinə qədər yüksəldi.[1]
1847-ci ildə Çırağan sarayında Sultan Əbdülməcidlə nigahlanaraq dördüncü iqbal kimi hərəmə alındı. Ertəsi il yeganə övladı olan Mehmed Fuad Əfəndini (7 iyul 1848 - 28 sentyabr 1848) dünyaya gətirdi. Ancaq körpə yalnız 2 ay yaşaya bildi. Vərəm xəstəliyindən əziyyət çəkən Nərgiz xanımın oğlunun vəfatından sonra səhhəti pisləşdi və yalnız bir ay sonra - 26 oktyabr 1848-ci ildə vəfat etdi. Bəzi mənbələrdə isə ölüm tarixi 26 oktyabr 1858 olaraq göstərilir.[2] Cənazəsi Yeni məsciddə Rəfiyə Sultan türbəsinə dəfn edilmişdir.[2]
- Sakaoğlu, Necdet (2008). Bu Mülkün Kadın Sultanları: Vâlide Sultanlar, Hâtunlar, Hasekiler, Kandınefendiler, Sultanefendiler. Oğlak Yayıncılık. ISBN 978-6-051-71079-2
- Alderson, Anthony Dolphin (1956). The Structure of the Ottoman Dynasty. Greenwood Publishing Group. ISBN 978-0-313-22522-2
- ↑ Açba, Harun. Kadın efendiler: 1839-1924 Arxiv surəti 24 avqust 2021 tarixindən Wayback Machine saytında. ISBN 978-9-759-96109-1
- ↑ 1 2 Uluçay, Mustafa Çağatay (2011). Padişahların kadınları ve kızları. Ankara: Ötüken. ISBN 978-9-754-37840-5