Nəcməddin Xələf oğlu Əhmədov (23 iyun 1923, Əngəxaran, Şamaxı qəzası – 7 sentyabr 1995) — Azərbaycan ictimai-siyasi xadimi, Bakı Şəhər Xalq Deputatları Soveti İcraiyyə Komitəsinin sədri (1981–1986), Azərbaycan Kommunist Partiyası Nərimanov Rayon Komitəsinin birinci katibi (1971–1981), Azərbaycan SSR Nazirlər Soveti yanında Xarici Turizm İdarəsinin rəisi (1964–1971).
| Nəcməddin Əhmədov | |
|---|---|
 | |
| 12 yanvar 1981 – 1986 | |
| Əvvəlki | Aydın Məmmədov |
| Sonrakı | Oqtay Zeynalov |
| 1971 – 1981 | |
| Sonrakı | Zahir Əbdürəhmanov |
| 1964 – 1971 | |
| Sonrakı | Nadir Balakişiyev |
| Şəxsi məlumatlar | |
| Doğum tarixi | 23 iyun 1923 |
| Doğum yeri | |
| Vəfat tarixi | 7 sentyabr 1995 (72 yaşında) |
| Dəfn yeri | |
| Partiya |
|
| Fəaliyyəti | siyasətçi |
|
|
|
| Təltifləri |
   |
.svg){kind=small}
.svg){kind=small}
Nəcməddin Xələf oğlu Əhmədov 1923-cü ildə Şamaxı qəzasının Əngəxaran kəndində anadan olmuşdur.[1] Azərbaycan Dövlət Universitetini bitirmişdir. Böyük Vətən müharibəsində iştirak etmiş, 1953-cü ilədək texnik, sərnişin xidməti rəisinin köməkçisi, yol distansiyası kadrlar şöbəsinin rəisi Zaqafqaziya dəmiryol Bakı şöbəsinin siyasi şöbəsində rəis köməkçisi, Bakı dəmiryol qovşağı qovşağı birləşmiş partiya komitəsinin katibi vəzifələrində çalışmışdır. 1954–1958-ci illərdə Bakı Ali Partiya Məktəbinin müdavimi olmuşdur.[2]
Nəcməddin Əhmədov 1959-cu ildən Azərbaycan Kommunist Partiyası Mərkəzi Komitəsinin məsul təşkilatçısı, qrup rəhbəri, bölmə müdiri, şöbə müdirinin müavini, 1964–1971-ci illərdə isə Azərbaycan SSR Nazirlər Soveti yanında Xarici Turizm İdarəsinin rəisi vəzifəsində çalışmışdır.[2] 1971–1981-ci illərdə Azərbaycan Kommunist Partiyası Nərimanov Rayon Komitəsinin birinci katibi, 1981–1986-cı illərdə isə Bakı Şəhər Xalq Deputatları Soveti İcraiyyə Komitəsinin sədri olmuşdur. Təqaüdə çıxandan sonra Bakı Şəhər İcra Hakimiyyəti başçısının baş müşaviri kimi fəaliyyət göstərmişdir.[3]
Nəcməddin Əhmədov 1951-ci ildən Sovet İttifaqı Kommunist Partiyasının üzvü olmuşdur. Azərbaycan SSR Ali Sovetinin VII, VIII, IX, X və XI çağırış deputatı seçilmiş, Azərbaycan Kommunist Partiyası Mərkəzi Komitəsinin üzvü olmuşdur.[2] O, 20 ilə yaxın Xarici Ölkələrlə Dostluq və Mədəni Əlaqələr Cəmiyyəti rəyasət heyətinin üzvü, Respublika Sülh Fondunun sədri, Beynəlxalq Qardaşlaşmış Şəhərlər Federasiyasının vitse-prezidenti olmuşdur. "Oktyabr inqilabı", "Qırmızı əmək bayrağı" ordenləri, eləcə də Laosun "Milyon fil və ağ çətir" ordeni ilə təltif edilmişdir. Dəfələrlə Azərbaycan SSR Ali Sovetinin, 3 dəfə isə SSRİ-nin Xarici Ölkələrlə Dostluq və Mədəni Əlaqələr üzrə Sovet Cəmiyyətləri İttifaqının fəxri fərmanı ilə təltif olunmuşdur.[3]
Nəcməddin Əhmədov 7 sentyabr 1995-ci ildə vəfat etmişdir.[1] II Fəxri Xiyabanda dəfn olunmuşdur.
- ↑ 1 2 Ədalət Məmmədov. Şamaxı tarixində 100 qızıl imza. Bakı: Ziya. 2015. səh. 192–194.
- ↑ 1 2 3 Әһмәдов Нәҹмәддин Хәләф оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 171.
- ↑ 1 2 Kamil İbrahimov. Qədim Şirvan elinə səyahət. Bakı. 2017. səh. 456–458.
- Медина Гасанова. Жизнь после смерти или поэма о любви // Вышка (rus). № 32. 9 августа 2002 года. 2023-08-22 tarixində arxivləşdirilib. İstifadə tarixi: 22 avqust 2023.
- Все остается людям // Вышка (rus). № 29 (19725). 25 июля 2008 года. 2011-07-07 tarixində arxivləşdirilib. İstifadə tarixi: 22 avqust 2023.
- Əhmədov Nəcməddin Xələf oğlu // shamakhi-encyclopedia.az. 6 dekabr 2022 tarixində arxivləşdirilib. İstifadə tarixi: 22 avqust 2023.
- Ахмедов Наджимаддин Халаф оглы // Память народа (rus). İstifadə tarixi: 22 avqust 2023.