Nəbilər (əvvəlki adı: Quşyuvası[1]) — Azərbaycan Respublikasının Kəlbəcər rayonunun Günəşli kənd inzibati ərazi dairəsində kənd.[2]
| Nəbilər | |
|---|---|
| 40°06′ şm. e. 46°13′ ş. u.HGYO | |
| Ölkə | |
| Region | Kəlbəcər rayonu |
| Tarixi və coğrafiyası | |
| Mərkəzin hündürlüyü | 1.612 m |
| Saat qurşağı | |
  Nəbilər  Nəbilər | |
Kəndin keçmiş adı Quşyuvası olub. Kənd qızılquş yuvaları olan və Quşyuvası adlanan meşəlik sahədə salındığına görə belə adlandırılmışdır.[3] Kəndin bünövrəsini qoyan Nəbi adlı şəxsin şərəfinə, kəndin adı 1992-ci ildə dəyişdirilərək, Nəbilər adlandırıldı. Kəndin hazırki Nəbilər adı Nəbi nəslindən olanlar yaşayan kənd mənasındadır.[1]
Yaşayış məntəqəsi XIX-cu əsrdə indiki Laçın rayonunun Alxaslı kəndindən köçüb gəlmiş ailələr tərəfindən salınmışdır. Kənd 1993-cü ildə Ermənistan Silahlı Qüvvələri tərəfindən işğal edilmişdir. 25 noyabr 2020-ci ildə Üçtərəfli bəyanat əsasında azad olunmuşdur.[4]
13 dekabr 2021-ci il tarixində Azərbaycan Respublikasının Müdafiə Nazirliyi kənddən videogörüntülər hazırlamışdır.[5]
Kəndin ərazisi meşəlikdir,[1] kənd dağətəyi ərazidə yerləşir.
Nəbilər kəndinə məxsus olan bu yaylaqlar var: Şartapılan yurd, Dərədamının yurdu, Evinqabağı yurd, Yelliyurd, Maralatan yurd, Qapanlı yurdu, Əmrahın damının yurdu, Donuzdamı yurdu.[1]
Nəbilər kəndinə məxsus olan bu bulaqlar var: Bəhmənin bulağı, Şor bulaq, Şəmşirin bulağı.[1]
Nəbilər kəndinə məxsus olan bu məşhur yerlər var: Şişinbaşı, Baxacaq, Məmmədin darı, Qaraqayalar, Şoralının kahası, Tələlər.[1]
- ↑ 1 2 3 4 5 6 MƏZAHİR TƏHMƏZOV. KƏLBƏCƏR. Ensiklopedik məlumatlar. Elmi puplisist kitab. Bakı: Elm. Elmi redaktor: Arif Məmmədov (tarix elmləri doktoru, professor). Elmi məsləhətçilər: Vaqif Gülmurad oğlu Ramazanov - geologiya-mineralogiya elmləri doktoru, professor; Zəki Abdulla oğlu Vəliyev - geologiya-mineralogiya elmləri namizədi, dosent; Bayram Cavad oğlu Ələsgərov - coğrafiya elmləri doktoru, professor. Rəyçilər: Bayram Cavad oğlu Ələsgərov - coğrafiya elmləri doktoru, professor; Vaqif Gülmurad oğlu Ramazanov - geologiya-mineralogiya elmləri doktoru, professor; Qüdrət Seyfulla oğlu İsmayılzadə - tarix elmləri doktoru, professor; Qasım Əhəd oğlu Hacıyev - tarix elmləri doktoru. 2013. Səhifələr: 155, 127. ISBN 978-9952-453-11-9.
- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.
- ↑ Nəbilər (Kəlbəcər) // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.
- ↑ "Kəlbəcər rayonunun Nəbilər kəndi". KƏPƏZ TV. 13.12.2021. 2025-03-19 tarixində arxivləşdirilib. İstifadə tarixi: 2025-03-19.
- ↑ "Kəlbəcərin Nəbilər kəndi - VİDEO". Apa.az (az.). 2021-12-13. İstifadə tarixi: 2025-03-19.