Nüşabə Rəşid qızı Babayeva-Vəkilova — Azərbaycanlı fəlsəfə doktoru, Azərbaycanın xalq şairi Vaqif Səmədoğlunun həyat yoldaşı, Səməd Vurğun Muzeyinin sabiq rəhbəri (2015–2022), Vaqif Səmədoğlu Mərkəzinin təsisçisi və rəhbəri (2019-cu ildən).[1][2]
| Nüşabə Babayeva-Vəkilova | |
|---|---|
Vəzifədədir | |
| 2019-cu ildən | |
| 2015 – 2022 | |
| Şəxsi məlumatlar | |
| Doğum yeri | |
| Fəaliyyəti | fəlsəfə doktoru |
| Həyat yoldaşı | Vaqif Səmədoğlu |
|
|
|
| Təltifləri |
  |
Nüşabə Babayeva-Vəkilova Bakıda anadan olmuşdur. O, 190 nömrəli məktəbdə təhsil almış, daha sonra ADU-nun (indiki Bakı Dövlət Universiteti) şərqşünaslıq fakültəsinin fars bölməsini bitirmişdir. Təhsilini başa vurduqdan sonra Azərbaycan Milli Elmlər Akademiyasının Fəlsəfə və Hüquq İnstitutunda fəaliyyətə başlamışdır. 1978–1981-ci illərdə AMEA Şərqşünaslıq İnstitutunun əyani aspiranturasında təhsil almış, "Cənubi Azərbaycan maarifçilərinin ictimai-siyasi baxışları" mövzusunda namizədlik dissertasiyasını müdafiə edərək fəlsəfə elmləri namizədi (fəlsəfə doktoru) elmi dərəcəsini qazanmışdır. O, "Cənubi Azərbaycan maarifçiləri" adlı monoqrafiyanın müəllifidir. 1985–1987-ci illərdə Nüşabə Babayeva-Vəkilova Əfqanıstanda tərcüməçi kimi çalışmış, 1981–2000-ci illərdə isə əmək fəaliyyətini AMEA Şərqşünaslıq İnstitutunda davam etdirmişdir. 2000–2015-ci illər ərzində Azərbaycan Dövlət İqtisad Universitetinin dosenti olmuşdur. Nüşabə Babayeva-Vəkilova şair, dramaturq və ictimai xadim Vaqif Səmədoğlunun həyat yoldaşıdır. O, Vaqif Səmədoğlunun "Mən burdayam, İlahi…" (1996; 2005), "Uzaq yaşıl ada" (1999; 2006), "Sandığ şeirləri" (2016), "Poemalar" (2022) şeirlər toplusunun, iki cildlik "Dramaturgiya" (2014), aforizmlər kitabının (2013) və "[Gürzəçöl yazıları]" (pritçalar) (2016) nəşrlərinin tərtibatçısı və redaktorudur. Onun tərtib etdiyi şeirlər kitabları fransız (2017), polyak (2018) və serb (2022) dillərində də çap olunmuşdur. Həmçinin o, Vaqif Səmədoğlu haqqında materiallardan ibarət "Şair və Zaman" (2010) kitabını hazırlayıb nəşr etdirmişdir. 2022-ci ildə müəllifi olduğu "Mən sənin yuxunam" adlı xatirə kitabı işıq üzü görmüşdür. 2015–2022-ci illərdə Nüşabə Babayeva-Vəkilova Səməd Vurğunun Ev Muzeyinin direktoru olmuşdur. Bu müddətdə muzeydə Xalq yazıçısı Yusif Səmədoğlunun, Xalq şairi Vaqif Səmədoğlunun ekspozisiyalarını, həmçinin Xavər Vəkilova və Aybəniz Vəkilovanın guşələrini yaratmış, muzey fondunu yeni eksponatlarla zənginləşdirmişdir. O, Qazax şəhərindəki "Poeziya evi"nin təkmilləşdirilməsi işində də iştirak etmişdir. Nüşabə Babayeva-Vəkilova Vaqif Səmədoğlu medalı və Nizami Gəncəvi adına qızıl medal ilə təltif olunmuşdur.[3]
- ↑ "Nüşabə Vəkilova: "Mən dünənimi bu günümdə yaşatmağa çalışıram"". Azertag.az. 22 fevral 2019 tarixində arxivləşdirilib. İstifadə tarixi: 4 iyul 2018.
- ↑ "Sankt-Peterburqda Vaqif Səmədoğlunun 80 illik yubileyi münasibətilə sərgi açılıb". azertag.az.
- ↑ "Nüşabə Babayeva-Vəkilova". İstifadə tarixi: 6 dekabr 2025.
Bu məqalə qaralama halındadır. Məqaləni edərək Vikipediyanı zənginləşdirə bilərsiniz. |