Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin"My Dress-Up Darling" Şiniçi Fukuda tərəfindən yazılan və illüstrasiya olunan eyniadlı manqa seriyasına əsaslanan anime serialıdır. "CloverWorks" studiyası tərəfindən çəkilən anime serialının rejissoru Keysuke Şinohara, ssenaristi Yoriko Tomita, personaj dizayneri və baş animasiya rejissoru Kazumasa İşihara, bəstəkarı Takeşi Nakatsuka və səs rejissoru Akiko Fucitadır.[1] Anime serialı manqanın ilk 11 cildini əhatə edir.
Anime serialı hina kuklalarını çox sevən, boş vaxtlarında babasının emalatxanasında hina kuklaları hazırlayan lisey tələbəsi Vakana Qocodan bəhs edir. Bu hobbisinə görə uşaqlıqdan etibarən həmyaşıdları tərəfindən ələ salınan Vakananın heç bir dostu yoxdur və məktəbdə də populyar deyil. Onunla eyni sinifdə oxuyan Marin Kitaqava isə çox gözəl və çox populyar qızdır. İlk baxışdan fərqli dünyaların insanları kimi görünürlər. Bir gün Vakana məktəbin tikiş otağında gizlicə işləyərkən içəri daxil olan Marin Vakananın tikiş bacarıqları olduğunu öyrənir və ondan kömək istəyir: Marin böyük kospley fanatıdır, lakin kostyum hazırlamaqda heç yaxşı deyil. Vakana Marinin kospley bələdçisi olmaq təklifini qəbul edir. Marinin dəstəyi ilə Vakana sosiallaşmağa və özünəinam qazanmağa başlayır. Eyni zamanda onlar arasında romantik münasibətlər inkişaf edir.
Anime serialının birinci mövsümü 9 yanvardan 27 mart 2022-ci ilə qədər yayımlanmış və 12 seriya davam etmişdir. Açılış mahnısı "Spira Spica" tərəfindən ifa olunan "Sansan Days" (燦々デイズ?, hərf. "Günəşli günlər") mahnısı, bağlanış mahnısı Akari Akase tərəfindən ifa olunan "Koi no Yukue" (恋ノ行方?, hərf. "Sevgi haradadır") mahnısıdır.[1] İkinci mövsüm 6 iyuldan 21 sentyabr 2025-ci ilə qədər yayımlanmışdır. Açılış mahnısı "Spira Spica" qrupu tərəfindən ifa olunan "Ao to Kirameki" (アオとキラメキ?) mahnısı,[2] bağlanış mahnısı "PiKi" qrupu tərəfindən ifa olunan "Kawaii Kaiwai" mahnısıdır.[3] 24 sentyabr 2022-ci ildə anime serialının rəsmi fanat kitabı buraxılmışdır.[4]
| Mövsümlər | Seriyalar | Orijinal yayım | ||
|---|---|---|---|---|
| İlk yayım | Keçmiş yayım | |||
| 1 | 12 | 9 yanvar 2022 | 27 mart 2022 | |
| 2 | 12 | 6 iyul 2025 | 21 sentyabr 2025 | |
| Ser. № |
Möv. № |
Azərbaycanca adı Yaponca adı |
Rejissor[5] | Hekayə lövhəsi[5] | Animasiya rejissoru[5] | Yayım tarixi |
|---|---|---|---|---|---|---|
| 1 | 1 | "Mənimlə tamamilə zidd bir dünyada yaşayan bir insan" "Cibun to va Maqyaku no Sekay de İkite İru Hito" (自分とは真逆の世界で生きている人) | Keysuke Şinohara | Keysuke Şinohara | Şinpey Kobayaşi, Tomomi Kavatsuma, Cun Yamazaki | 9 yanvar 2022 |
| Vakana Qoco uşaqlıqdan hina kuklaları hazırlamaqla məşğuldur, amma bu hobbisinə görə həmyaşıdları tərəfindən lağa qoyulub. Məktəbdə təsadüfən sinif yoldaşı Marin Kitaqava ilə danışmağa başlayır və Marin onun tikiş bacarığına şahidlik edir. Marin kospley həvəskarı olduğunu və kostyum tikmək istədiyini bildirir. Qoco əvvəlcə tərəddüd edir, amma Marin israr edir. Bu qarşılaşma onların münasibətinin başlanğıcı olur. | ||||||
| 2 | 2 | "Dərhal başlayaq?" "Sassoku, Şiyokka?" (さっそく、しよっか？) | Yoşihiro Hiramine | Yoşihiro Hiramine | Hiroki İto, Kaori Muray | 16 yanvar 2022 |
| Marin Qocodan sevimli oyun personajı olan Şizuku üçün kostyum tikməsini xahiş edir. Qoco onun istədiyi kostyumu dəqiqliklə öyrənməyə çalışır, amma vaxtın az olması səbəbindən çətinlik çəkir. Qoco Marinin bədən ölçülərini alır. Personajı tam anlamaq üçün bütün gecə "Slippery Girls" oyunlarını oynayır. | ||||||
| 3 | 3 | "Elə isə çıxaq?" "Ca, Tsukiatçau?" (じゃ、付き合っちゃう？) | Keysuke Şinohara | Hideyuki Satake | Asako Onari, Yo Himuro, Hideyuki Satake | 23 yanvar 2022 |
| Qoco məktəbdə Marinə görünməməyə çalışır, çünki gecə onunla bağlı yaş yuxu görüb. Konspley kostyumu tikmək üçün birlikdə alış-verişə çıxırlar, oyun haqqında söhbət edirlər. Marin kospley tədbirinə 2 həftə qaldığını bildirir, Qoco kostyumu o vaxta qədər çatdıra biləcəyindən narahat olur. | ||||||
| 4 | 4 | "Bunlar sənin sevgililərindirlər?" "Kore, Kanoco no Toka?" (これ、彼女のとか？) | Yuiçiro Komuro | Yuiçiro Komuro | Kaori Muray, Hikaru Vatanabe, Quan Lon, Quan-Min, Lin-san | 30 yanvar 2022 |
| Qoconun babası belini incidir və o, babasını xəstəxanaya aparır. Marin də narahat olur, ona kömək təklif edir. Qoco kostyumun hazır olduğunu bildirir və Marin kostyumu yoxlayır, nəticədən çox razı qalır. | ||||||
| 5 | 5 | "Çünki bu, aralarındakı ən yaxşı döş çantasıdır?" "Kono Naka de İçiban İi Çiçibukuro da kara Can?" (この中で一番いい乳袋だからじゃん？) | Takaşi Sakuma | Yoşihiro Hiramine | Hirohiko Sukeqava | 6 fevral 2022 |
| Marin kospleyinin fotolarını çəkdirib sosial şəbəkəyə yükləyir. Onlar birlikdə kospley tədbirinə gedib şəkillər çəkdirirlər. Qoco bunun onların son əməkdaşlığı olmasından narahat olur, lakin Marin növbəti kospleyin nə olacağı barədə müzakirə açaraq onu rahatlaşdırır. | ||||||
| 6 | 6 | "Nə?!" "Ma!?" (マ！？) | Şiniçiro Uşicima | Şiniçiro Uşicima | Hiroki İto, Mari Tomita | 13 fevral 2022 |
| Qoconun babası evə qayıdır və Qoco ilə Marinin birlikdə əyləndiyini görüb şoka düşür. Marin Qocoya aşiq olduğunu başa düşür. Qoco "Cucu" adı ilə kospleylik edən Sacuna İnui ilə tanış olur. O, bildirir ki, "Flower Princess Blaze!!" personajı Şion Nikaydonun kospleyini etmək istəyir. | ||||||
| 7 | 7 | "Sevdiyim oğlanla ev görüşü ən yaxşıdır" "Şukipi to Ouçi Deto Yaba" (しゅきぴとおうちデートやばっ) | Ken Sanuma | Yoşihiro Hiramine | Şouşi İşikava, Mami Kotoku, Şinqo Fucisaki, Yuki Kitacima | 20 fevral 2022 |
| Qoco araşdırma baxmaq üçün "Flower Princess Blaze!!" izləyir. Bunun üçün Marinlə ev görüşünə çıxır. Qoco Cucuya kospley geyiminin eskizlərini göstərir. Cucu bildirir ki, onun kospley şəkillərini kiçik bacısı çəkir. Qoco və Marin onun kiçik bacısı Şincu İnui ilə tanış olurlar. | ||||||
| 8 | 8 | "Arxa işıqlandırma tövsiyə olunur" "Qyakko, Osusume Desu" (逆光、オススメです) | Yusuke Kavakami | Yusuke Kavakami | Keysuke Kobayaşi | 27 fevral 2022 |
| Qoco Cucu ilə birlikdə kospley şəkilləri çəkmək üçün seçdikləri tərk edilmiş xəstəxanaya baş çəkir. Daha sonra Marin Qoconu çimərliyə dəvət edir, özü isə dənizə girir. Qoco ona açıqlayır ki, uşaq vaxtı çox yerə gedə bilməyibmiş. Marin bu yay onunla hər yerə gedəcəyini bildirir. | ||||||
| 9 | 9 | "Şəkillərə baxanda orada çox şey var idi" "Şaşin o Mitara İroyro Atta kara Desu" (写真を見たら色々あったからです) | Yuta Yamazaki | Yuta Yamazaki | Satomi Tamura, Kaori Muray | 6 mart 2022 |
| Marin və Qoco Qara Lobeliya kospleyi üçün mağazadan materiallar alırlar. Qrup kospleyi üçün tərk edilmiş xəstəxanaya gedirlər. Şincu kişi kospleyi ilə onları heyrətləndirir. Fleşbək səhnəsində məlum olur ki, Qoco ona kospley kostyumu hazırlamaqda kömək edibmiş. | ||||||
| 10 | 10 | "Hamı nələrsə yaşayıb" "Dare ni demo İroyro Arun Desu" (誰にでも色々あるんです) | Kento Nakaqomi | Yuna Suqinoqaki | Hirohiko Sukeqava | 13 mart 2022 |
| Marin və İnui bacıları xəstəxanada qrup kospleyi üçün fotoçəkiliş aparırlar. Qrup kospleyindən sonra Marin Veronika adlı tünd dərisi olan personajın kospleyini hazırlamaq istədiyini bildirir. Marin bunun üçün dərisini tündləşdirir, lakin Qoco bu paltarı hazırlamaqda kömək edə bilməyəcəyini, çünki çox açıq-saçıq olduğunu deyir. | ||||||
| 11 | 11 | "Mən hazırda sevgi hotelindəyəm" "Ore va İma, Rabu Hoteru ni İmasu" (俺は今、ラブホテルにいます) | Yusuke Yamamoto | Yusuke Yamamoto | Cun Yamazaki, Mari Tomita, Akari Himuro, Pak Se Yon, Kerorira | 20 mart 2022 |
| Marin Qoconu manqa kafesinə dəvət edir. O, Sukkubus Lizin kospleyini etmək istəyir və Qoco ona kömək etməyə qərar verir. Onlar sevgi hotelinə yollanıb fotoçəkiliş aparırlar, lakin qonşu otaqda sekslə məşğul olan cütlüyün səsindən utanırlar. | ||||||
| 12 | 12 | "Bu biskvit kuklası aşiqdir" "Sono Bisuku Doru va Koy o Suru" (その着せ替え人形は恋をする) | Yoşihiro Hiramine | Yuta Yamazaki | Şinpey Kobayaşi, Satomi Tamura, Kazumasa İşida, Cun Yamazaki | 27 mart 2022 |
| Marin və Qoco birlikdə qorxu filmi izləyirlər, festivala gedirlər və atəşfəşanlığı seyr edirlər. Evə qayıdanda Marin Qocoya zəng edir, onun səsini eşitmək istədiyini bildirir. Marin onu sevdiyini bildirir, lakin Qoco yuxuya getdiyi üçün bunu eşitmir. | ||||||
| Ser. № |
Möv. № |
Azərbaycanca adı Yaponca adı |
Rejissor[6] | Hekayə lövhəsi[6] | Animasiya rejissoru[6] | Yayım tarixi |
|---|---|---|---|---|---|---|
| 13 | 1 | "Vakana Qoco, 15 yaşında, yeniyetmə" "Qoco Vakana, Cuqo-say, Şişun-ki" (五条新菜 15歳 思春期) | Keysuke Şinohara | Keysuke Şinohara | Kazumasa İşida, Cun Yamazaki | 6 iyul 2025 |
| Qoco Marinin Hellouin kostyumu üstündə işləyir: dovşan qız Arişa. O, kostyumu hazırlayarkən çətinlik çəkir, çünki korset tez-tez düşür, lakin bu problemi həll edir. Marin studiyaya gələrək kostyumu yoxlayır və çox bəyənir. Onlar Hellouində Tokioda bir məkanda digər dostları Nova Suqaya, Kensey Morita, Şiki Kashivaqi, Rune Yamauçi və Daya Yahiro ilə görüşüb əylənirlər. | ||||||
| 14 | 2 | "Döşləri taxa bilərsən" "Oppay va Sobi Dekiru kara" (おっぱいは装備できるから) | Yusuke Yamamoto | Yusuke Yamamoto | Naoya Takahaşi, Marin Son | 13 iyul 2025 |
| Nova Marinlə Qoconun sevgili olub olmadıqlarını soruşur, bu sual Qoconu həyəcanlandırır. Bir neçə gün sonra Marin xəstələnir və Qoco onun evinə gələrək qayğısına qalır, amma özü də xəstələnir. Sağaldıqdan sonra bir kospley tədbirinə qatılırlar və qız personajları kospley edən oğlan kospleyer Amane Himeno ilə tanış olurlar. | ||||||
| 15 | 3 | "Mən gündəlik həyatdan səhnələri çox sevirəm ♥♥♥" "Niçico Pato Metça Suko~~♡♡♡" (日常パートめっちゃすこ〰〰♡♡♡) | Tomoki Yoşikava | Tomoki Yoşikava | Hirohiko Sukeqava, May İnada | 20 iyul 2025 |
| Amane onları taxıla bilən döşlərin satıldığı xüsusi mağazaya gətirir. Amane izah edir ki, o, qız personajları kospley etdikdən sonra sinif yoldaşları tərəfindən lağa qoyulub, hətta sevgilisi ondan ayrılıb. Qoco Marinin model kimi iştirak etdiyi fotosessiyaya baş çəkir, axşam isə Şizukunun ad gününü qeyd edirlər. | ||||||
| 16 | 4 | "Bədənim haqqında hər şeyi bilir" "Ataşi no Karada no Koto, Zenbu Şitte-runda" (あたしの体の事、全部知ってるんだ) | Takaşi Sakuma | Mamoru Kurosava | Yuya Uetake, Hiroki İto | 27 iyul 2025 |
| Marin məktəbdəki mədəniyyət festivalı üçün "The Student Council President is the No. 1 Host" seriyasının oğlan personajı olan Reyi kospley etməyə qərar verir. Qoco kostyumu hazırlamaq öhdəliyini götürür, lakin sinif yoldaşları da ona dəstək olurlar. Qoco və Marin kostyuma parça almaq üçün mağazaya gedirlər. | ||||||
| 17 | 5 | "800 milyon" "Haçi Oku" (8億) | Yuiçiro Komuro | Şin Vakabayaşi | Cun Yamazaki, Ryota Arima, H.S, Yohey Yaeqaşi | 3 avqust 2025 |
| Qoco bir neçə gün sonra kostyumu tamamlayır və Marin kostyumu yoxlayır. Qoco kostyumun daha yaxşı durması üçün Moritadan kömək istəyir və ondan Marinə kişi kimi davranmağı öyrətməsini xahiş edir. Digər sinif yoldaşı Murakami kospleyin fotolarını çəkir. | ||||||
| 18 | 6 | "Mən bunu mütləq öz əllərimlə edəcəm" "Ore qa Zettay ni Ore no Te de" (俺が絶対に 俺の手で) | Nobuhide Kariya | Nobuhide Kariya, Keyiçiro Sayto | qeydlərə baxın[a] | 10 avqust 2025 |
| Qoconun sinif yoldaşı Seyra kospley üçün göy qurşağı rənglərində çiçəklər hazırlayır. Festival günü Qoco Marinin makyajını da hazırlayır və Marin səhnəyə çıxaraq hamını heyran qoyur. Nəticədə, onların sinifi kospley müsabiqəsində qalib gəlir. Qələbədən sonra birlikdə əylənməyə gedirlər və boulinq oynayırlar. | ||||||
| 19 | 7 | "Yaddaqalan anlar yaradaq!" "Omoyde Kizamu ze!" (思い出刻むぜ！) | Yusuke Yamamoto | Yusuke Yamamoto | Keyto Oda | 17 avqust 2025 |
| Marinin saç ustası və meneceri onun kökəldiyini bildirirlər. Marin bunun səbəbinin tez-tez Qoconun evində yemək yeməsi olduğunu anlayır. Növbəti gün Marin Qocoya pul yığıb altı yeni kamerasını göstərirlər. Onlar birlikdə xeyli şəkil çəkdirirlər. Qoco Akira adlı bir bloqqerin işlərini bəyəndiyini və ona bu barədə mesaj yazdığını bildirir. | ||||||
| 20 | 8 | "Minnətdarlığımı ifadə etməmin yeganə yolunun ödəniş olduğunu düşünürəm" "Kança no Tsutae-kata qa Kakin Şika Omoytsukanay" (感謝の伝え方が課金しか思い付かない) | Yuki Qoto | Yuki Qoto | Yohey Yaeqaşi, Tin Yi Vu, Maya Şindo | 24 avqust 2025 |
| Qoco və Marin növbəti kospley tədbirinə qatılırlar və Amane ilə görüşürlər. Marin fotoqraf Suzuka İto və onun dostu Miyako Honda ilə görüşür. Qoco isə orijinal kospleylə məşğul olan Akira Qoto ilə tanış olur. Qoco, Marin, Amane, Akira, Suzuka və Miyako bir araya gəlib növbəti qrup kospleyini müzakirə edirlər. Onlar "Coffin" adlı oyunun qrup kospleyini etməyə qərar verirlər. Marin onlara qatılması üçün Cucuya zəng edir. | ||||||
| 21 | 9 | "Bu gecə yatmayacam" "Ore Konya Neru Tsumori Naynode" (俺 今夜寝るつもりないので) | Haruka Tsuzuki | Haruka Tsuzuki | Yohey Yaeqaşi, Takuya Kavay | 31 avqust 2025 |
| Cucu əvvəlcə qoşulmadan imtina edir, amma Şincunun təkidindən sonra təklifi qəbul edir. Onlar qrup kospley layihəsinə qoşulurlar. Akira Amane və Qoco ilə özəldə söhbət edərək Marinin yanında özünü narahat hiss etdiyini bildirir. Qoco axşam Marinin evində "Coffin" oynayır, lakin qatarlarda nasazlıq olduğu üçün Marinin evində qalmağa qərar verir. Alış-veriş edərkən Qoco bütün gecə oyaq qalmaq üçün enerji içkisi alır, lakin Marin onun afrodizyak aldığını zənn edərək həyəcanlanır. | ||||||
| 22 | 10 | "Deməli düz indi bunu edəcəyik?!" "İma kara Zenbu Surutte Koto!?" (今から全部するって事！？) | Yoşihiro Hiramine | Yoşihiro Hiramine | Cun Yamazaki, Takaşi Miyauçi, Yuya Uetake, Kazumasa İşida | 7 sentyabr 2025 |
| Marin Qoconun onla seks etməyə hazırlaşdığını düşünüb həyəcanlanır, lakin Qoco bütün gecə "Coffin" oynayır, Marin isə yuxulayır. Marin səhər oyananda enerji içkilərini görür və Qoconun onla sekslə məşğul olmaq fikrində olmadığını başa düşüb dilxor olur. Cucu və Şincu qrup kospleyi üçün hazırlıqlara davam edirlər. Digər tərəfindən isə Marin Qocoya sevgi etirafı etməyə qərar verir. | ||||||
| 23 | 11 | "Həyatımda yaxşı heç bir şeyin baş verməyəcəyini düşündüm" "Cibun no Cinsey ni va Yoi Kotonante Okoranay to Omotteta" (自分の人生には良い事なんて起こらないと思ってた) | Yusuke Yamamoto | Yusuke Yamamoto | qeydlərə baxın[b] | 14 sentyabr 2025 |
| Qoco və Akira qrup kospleyi üçün dekorasiyalar hazırlayırlar. Bu zaman Akira kospleyə niyə başladığını danışmağa başlayır. Valideynlərinin ona qarşı çıxdığını, amam dostlarının həvəsləndirdiyini bildirir. Cucu Miyako və Suzukanın təklifi ilə Qara Lobeliya kospleyi etməyə razı olur. O, bu təklifə qarşı çıxsa da, alınan nəticəni çox bəyənir. | ||||||
| 24 | 12 | "Mənim əziz geyindirmə sevgilim" (Dear My Dress-Up Darling[c]) | Keysuke Şinohara | Keysuke Şinohara | qeydlərə baxın[d] | 21 sentyabr 2025 |
| "Coffin" qrup kospleyi başlayır və fotoçəkiliş baş tutur. Cucu qan və qorxulu mövzuları sevmədiyi üçün özünü itirir. Digər tərəfindən Marin Akira ilə üzləşir. Məlum olur ki, Akiranın Marinin yanında narahat hiss etməsinin səbəbi ondan nifrət etməsi deyil, onun fanatı olmasıdır. Marin və Qoco qrup kospleyindən qayıdanda Marin ona sevgisini etiraf etmək istəyir, lakin bacarmır, onunla sadəcə selfi çəkdirir. | ||||||
Animenin seriyaları Yaponiyada Blu-ray və CD cildləri şəklində buraxılmışdır.
| Cild | Seriyalar | Üzlük personajı (kospley) | Buraxılış tarixi | İst. | |
|---|---|---|---|---|---|
| I mövsüm | |||||
| 1 | 1–2 | Marin Kitaqava | 23 mart 2022 | [7] | |
| 2 | 3–4 | Marin Kitaqava (Şizuku Kuroe) | 27 aprel 2022 | [8] | |
| 3 | 5–6 | Sacuna İnui (Qara Lili) | 25 may 2022 | [9] | |
| 4 | 7–8 | Marin Kitaqava (Qara Lobeliya) | 29 iyun 2022 | [10] | |
| 5 | 9–10 | Şincu İnui (Soma Tenqeci) | 27 iyul 2022 | [11] | |
| 6 | 11–12 | Marin Kitaqava (Liz-kyun) | 31 avqust 2022 | [12] | |
| II mövsüm | |||||
| 7 | 13–14 | Marin Kitaqava (Arisa İzayoi) | 24 sentyabr 2025 | [13] | |
| 8 | 15–16 | Çitose Amano (Subaru Hatsuseqava) | 29 oktyabr 2025 | [14] | |
| 9 | 17–18 | bilinmir | 26 noyabr 2025 | [15] | |
| 10 | 19–20 | bilinmir | 24 dekabr 2025 | [16] | |
| 11 | 21–22 | bilinmir | 28 yanvar 2026 | [17] | |
| 12 | 23–24 | bilinmir | 25 fevral 2026 | [18] | |
- ↑ Cun Yamazaki, Kazumasa İşida, Yuya Uetake, Marin Son, Noqya, Keysuke Kobayaşi
- ↑ Yohey Yaeqaşi, Hirohiko Sukeqava, Sakika Suzuki, Yuya Uetake, Keysuke Kobayaşi, Cun Yamazaki, Kazumasa İşida
- ↑ Bu seriyanın orijinal adı ingiliscədir
- ↑ Cun Yamazaki, Kazumasa İşida, Keysuke Kobayaşi, Yuya Uetake, Yohey Yaeqaşi, Ryota Arima, Takaşi Miyauçi, Marin Son, Hirohiko Sukeqava
- ↑ 1 2 "My Dress-Up Darling Anime's 2nd Video Unveils More Staff, Song Artists, January 8 Debut (Updated)". Anime News Network (ingiliscə). 4 dekabr 2021. 30 yanvar 2022 tarixində arxivləşdirilib. İstifadə tarixi: 21 sentyabr 2025.
- ↑ "My Dress-Up Darling Season 2 Anime Reveals Spira Spica's Opening Theme in Video". Anime News Network (ingiliscə). 9 may 2025. 9 may 2025 tarixində arxivləşdirilib. İstifadə tarixi: 21 sentyabr 2025.
- ↑ "My Dress-Up Darling Season 2's Ending Theme Sung by Fruits Zipper, Cutie Street Members". Anime News Network (ingiliscə). 21 iyun 2025. İstifadə tarixi: 21 sentyabr 2025.
- ↑ "ヤングガンガン その着せ替え人形は恋をする ＴＶアニメ公式ファンブック 喜多川海夢しか勝たん". Square Enix (yaponca). 28 mart 2023 tarixində arxivləşdirilib. İstifadə tarixi: 21 sentyabr 2025.
- ↑ 1 2 3 "Story". Animenin rəsmi saytı (yaponca). 26 mart 2022 tarixində arxivləşdirilib. İstifadə tarixi: 23 sentyabr 2025.
- ↑ 1 2 3 "Story | Season 2". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 1". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 2". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 3". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 4". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 5". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 6". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 7". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 8". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 9". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 10". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 11". Animenin rəsmi saytı (yaponca). İstifadə tarixi: 25 sentyabr 2025.
- ↑ "Blu-ray & DVD | その着せ替え人形は恋をする 12". Animenin rəsmi saytı (yaponca). İstifadə tarixi: 25 sentyabr 2025.