Mustafa İzzət

Atası kiçik yaşlarında İngiltərəyə gələn Kipr türkü, anası isə ingilisdir.^[3]

Kiçik qardaşı Kamal İzzət də peşəkar futbolçu olub.^[4] Kamalın sözlərinə görə, idmana olan ehtirası sayəsində ataları onu və Mustafanı futbolçu olmağa sövq edib.^[5]

İzzət məktəbli yaşlarında Çelsi klubu ilə müqavilə imzalayıb. Lakin London klubunda olduğu üç il ərzində heç vaxt əsas komandada meydana çıxmayıb.

O, 1996-cı ilin mart ayında icarə əsasında 3 aylıq Lester Siti klubuna keçdi. O, bu müddətdə doqquz oyunda meydana çıxaraq bir qol vurur. Bu göstərici ona komandada yerini möhkəmləndirməyə kömək olur. Premyer Liqaya vəsiqə qazanmaq üçün olan pley-off qarşılaşmasında "Lester" klubu Kristal Palas klubu məğlub edir. Bundan sonra "Lester" İzzəti 800.000 funt sterlinq müqabilində transfer edir. O, Premyer Liqadakı ilk mövsümündə komandadakı yerini qorudu və bu mövsüm klubu üçün uğurlu oldu. Onlar Premyer Liqada 9-cu yeri tutdular və Liqa Kubokunu qazandılar. İzzət yarımmüdafiədə Neil Lennon ilə əla tandem təşkil etdi və bu tandem, "Lester"ə çox kömək etdi.

1998–99 mövsümündə "Lester" liqada 10-cu yeri tutdu və yenidən Liqa Kubokunun finalına yüksəldi, lakin burada Tottenhem Hotspur klubuna məğlub oldu. Növbəti mövsüm "Lester" 8-ci yeri tutdu və yenidən Liqa Kuboku Finalına yüksəldi. Komandanın bu dəfə ki rəqibi Birinci Diviziondan "Tranmere Rovers" klubu oldu. Bu il onlar 2–1 hesabı ilə qalib gəldilər və hər iki qolu Mett Elliott vurdu. İzzət bütün bu müddət ərzində komandada daimi oyunçu idi. Onun Lesterdəki oyunu "Vest Hem" və Midlsbro klubları tərəfindən maraq doğursa da, o, klubu tərk etmədi.

2001–02 mövsümünün başlamazdan əvvəl "Lester"də qalacağına söz versə də,^[6] İzzət 2001-ci ilin payızında başqa kluba getmək istədiyini bildirir.^[7] Ancaq "Midlsbro" klubundan təklif gələndə, "tullanan gəmi" kimi görünmək istəmədiyi üçün, təklifdən imtina edir.^[8] "Lester"in aşağı liqaya düşməsindən və klubun maliyyə problemi yaranmasından sonra İzzətin yenidən "Middlsbro" klubuna keçmək istəyir. Lakin "Lester"in futbolçu üçün istədiyi 6 milyon funt sterlinqi "Middlsbro" ödəmir.^[9] O, 2003-cü ilin mart ayında transfer tələbini geri götürür^[10] və klub bir ay sonra, 19 apreldə Premyer Liqaya yüksəlməyi təmin edir.^[11] 2004-cü ilin yanvar ayında "Lester" klubu Aston Villa və Blekbörn klublarının İzzət üçün etdiyi 500.000 funt sterlinqlik təklifi rədd edir.^[12] "lester" 2003–04 mövsümünün sonunda aşağı liqaya düşür.^[13] İzzətin həftəlik 30.000 funt sterlinq maaşını ödəyə bilməyən klub,^[14] onunla ayrılmağa razı olur. İzzət mövsüm ərzində "Lester"in ən çox oyunçusu iolur və klubun 48 qolundan 14-ünə və ya klubun vurduğu qolların 29%-nə məhsuldar ötürmə edir.^[15]

2004-cü ilin iyun ayında azad agent kimi Birmingem Siti klubuna keçir və üç illik müqavilə imzalayır.^[16] 2004-cü ilin sentyabrında "Bolton" klub ilə görüşdə "Birmingemm"in heyətində ilk qolunu vurur.^[17] 3 oktyabr 2004-cü ildə baş tutmuş növbəti matçda İzzət "Nyukasl Yunayted"in oyunçusu Olivye Bernardın zərbəsindən sonra dizindən zədə alır.^[18] Bu zədəyə görə uzun müddət oynaya bilmir və mövsümun yerdə qalan müddəti ərzində yalnız iki dəfə meydana çıxa bilir. Diz problemləri növbəti mövsümdə də davam edir və o, klubda ehtiyat oyunçuya çevrilir. Zədəsinin sağalmamasına görə, 2006-cı ilin iyun ayında futboldan ayrıldığını elan etmək məcburiyyətində qalır.^[19]

28 noyabr 2009-cu ildə İzzət şənbə günü Lesterşir Yüksək Liqasının təmsilçisi "Thurmaston Taun" komandasında meydana çıxaraq futbola qayıdır. Lakin, bir neçə gün sonra o, dizinin hələ də çox ağrıdığını söyləyərək karyerasını həmişəlik bitirdiyini açıqlayır.

İzzət Kipr əsilli atasına görə Türkiyə milli komandasına dəvət edilir.^[20] O, Avro 2000 üçün Türkiyə heyətinə daxil edilir və turnirdə ilk dəfə qrup mərhələsində, Türkiyə İsveçlə 0–0 heç-heçə etdikdə meydana çıxır.^[21] O, həmçinin 2002-ci il Dünya Kuboku üçün heyətdə yer almış və Braziliyaya 1–0 hesabı ilə məğlub olduqları oyunda sonradan meydana çıxmışdır.^[22]

İzzət milli komandada ümumilikdə doqquz oyunda iştirak edib.^[23][24]

İzzət hazırda həmkarı, həm də keçmiş peşəkar futbolçu və Lester komandasının keçmiş üzvü Stiv Uolşla birlikdə futbol akademiyasına rəhbərlik edir.^[25] 2015-ci ilin sentyabr ayında İzzətin "Muzzy: Mənim Hekayəm" adlı avtobioqrafiyası nəşr olunub. Avtobioqrafiya "Leicester Mercury"nin yazıçısı Li Marlou ilə birgə yazılmışdır.^[26]

İzzət həm də, Lesterşirin Hinkli şəhərində yerləşən Xüsusi Təhsil Ehtiyacları Məktəbi olan Doroti Qudman Məktəbinin səfiridir.^[27]