Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Murad Fərzəliyev

  • Məqalə
  • Müzakirə
Vikipediyada bu soyadlı müxtəlif adamlar haqqında məqalələr var, bax: Fərzəliyev.

Murad Fərzəliyev (22 avqust 1963, İmişli rayonu) — Milli Olimpiya Komitəsinin mətbuat katibi, "Olimpiya dünyası" qəzetinin baş redaktoru, Əməkdar jurnalist[1].

Murad Fərzəliyev
Doğum tarixi 22 avqust 1963(1963-08-22) (61 yaş)
Doğum yeri
  • İmişli rayonu, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti azərbaycanlı
Təhsili Bakı Dövlət Universiteti
Azərbaycan Dövlət Bədən Tərbiyəsi və İdman Akademiyası
Mükafatları "Tərəqqi" medalı
Azərbaycan Respublikasının əməkdar jurnalisti

Mündəricat

  • 1 Həyatı
  • 2 Fəaliyyəti
  • 3 Bədii yaradıcılığı
  • 4 Mükafatları
  • 5 İstinadlar

Həyatı

Murad Fərzəliyev, 1963-cü il 22 avqust tarixində İmişli rayonunda anadan olub. Məhəmməd Əmin Rəsulzadə adına Bakı Dövlət Universitetinin jurnalistika fakültəsini, Azərbaycan Dövlət Bədən Tərbiyəsi və İdman Akademiyasını fərqlənmə diplomu ilə bitirib.

Fəaliyyəti

  • İmişli Rayon Komsomol Komitəsində ikinci katib, Rayon İcra Hakimiyyətində təlimatçı vəzifələrində çalışıb.
  • 1993-cü ildən 2001-ci ilədək İmişli rayonunun ictimai-siyasi mətbuat orqanı olan "Xalq sözü" qəzetinin baş redaktoru olub.
  • Şəhər Sovetinin deputatı, gənclərlə iş komissiyasının sədri seçilib. "Şücaət" hərbi-vətənpərvərlik klubunun təsisçisi və rəhbəri olub. Sovet dövründə Əfqanıstanda döyüşən azərbaycanlı əsgərlərə həsr olunmuş "Onlar bizimlə yaşıd idi…" xüsusi buraxılışının müəllifidir.
  • İmişli Rayon Ziyalılar Cəmiyyətinin sədri seçilib.
  • 2001-ci ildən Milli Olimpiya Komitəsində (MOK) aparıcı məsləhətçi vəzifəsində işləyir. MOK-un rəsmi mətbuat orqanı olan "Olimpiya dünyası" qəzetinin baş redaktorudur.
  • Olimpnews.az saytının təsisçisidir. Jurnalistika sahəsində 1989-cu ildən fəaliyyətə başlayıb.
  • Milli Olimpiya Komitəsi tərəfindən çap edilmiş Azərbaycanda idmanın və Olimpiya Hərəkatının tarixi ilə bağlı ensiklopedik kitabın redaksiya heyətinin, MOK-un və Ədalətli Oyunlar Komissiyasının üzvüdür.
  • Dəfələrlə yay və qış Olimpiya oyunlarında, Avropa Yeniyetmələrinin Olimpiya Festivallarında, Gənclərin Yay Olimpiya, İslam Həmrəyliyi və II Avropa oyunlarında, eyni zamanda Olimpizm və idmanla bağlı beynəlxalq tədbirlərdə nümayəndə heyətinin tərkibində ölkəmizi jurnalist kimi təmsil edib.
  • Elmi iş üzərində çalışır. Azərbaycan Jurnalistlər Birliyinin (AJB), Azərbaycan Yazıçılar Birliyinin (AYB), Azərbaycan İdman Jurnalistləri Assosiasiyasının (AİJA) üzvüdür.

Bədii yaradıcılığı

Murad Fərzəliyev bədii yaradıcılıqla məşğul olur, "Bir az gecikəndə" və "Mən hər gün günəşi qarşılayıram" adlı şeirlər kitabının müəllifidir. Şeirləri respublikamızda və ölkə hüdudlarından kənarda müxtəlif mətbu orqanlarında işıq üzü görüb, Türkiyədə nəşr edilən "Avrasiya şairlərinin antologiyası" kitabında dərc edilib. Bir şeiri orta məktəb dərsliyinə salınıb.[1].

Mükafatları

  • Azərbaycan Respublikasının Prezidenti İlham Əliyevin Sərəncamı ilə "Əməkdar jurnalist" fəxri adına layiq görülüb.
  • Rəhbərlik etdiyi "Olimpiya dünyası" qəzeti dəfələrlə ilin idman nəşri elan olunmuş, İspaniyada "Nüfuza və keyfiyyətə görə" beynəlxalq mükafata layiq görülmüşdür[1].
  • "Tərəqqi" medalı (12 noyabr 2022)[2]

İstinadlar

  1. ↑ 1 2 3 "Milli Olimpiya Komitəsinin mətbuat katibi". azsport.az. Archived from the original on 2021-05-10.
  2. ↑ "Azərbaycanda idmanın inkişafında xidmətləri olan şəxslərin "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-11-19 tarixində arxivləşdirilib. İstifadə tarixi: 2022-12-12.
Mənbə — "https://az.wikipedia.org/w/index.php?title=Murad_Fərzəliyev&oldid=7477201"
Informasiya Melumat Axtar