Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMurad Əhmədiyev (6 sentyabr 2001, Balakən rayonu) — Azərbaycanı təmsil edən yunan-Roma güləşçisi.[1]
| Murad Əhmədiyev | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 | |||||||||||||||||
| Şəxsi məlumatlar | |||||||||||||||||
| Vətəndaşlığı | |||||||||||||||||
| Doğum tarixi | 6 sentyabr 2001 (24 yaş) | ||||||||||||||||
| Doğum yeri | |||||||||||||||||
| İdman növü | Güləş | ||||||||||||||||
| Karyera illəri | 2011– | ||||||||||||||||
|
Medallar
|
|||||||||||||||||
 Vikianbarda əlaqəli mediafayllar | |||||||||||||||||
Murad Əhmədiyev 6 sentyabr 2001-ci ildə[2] Balakən rayonunda anadan olub.[3] 2011-ci ildə güləşlə məşğul olmağa başlayıb. Səməd Çöpsiyevin rəhbərliyi altında məşq edir, Neftçi İdman Klubunda çıxış edir. Azərbaycan İdman Akademiyasında təhsil alıb.
Murad Əhmədiyevin beynəlxalq turnirlərdə debütü 2021-ci ilə təsadüf edib. Həmin il o, Dortmund şəhərində (Almaniya) baş tutan gənclər arasında Avropa Çempionatında və Ufa şəhərində (Rusiya) baş tutan gənclər arasında Dünya Çempionatında mübarizə apardı və müvafiq olaraq turnirləri 17-ci və 20-ci pillələrdə tamamladı. Həmin il o, Azərbaycan Çempionatını bürünc medalla başa vurdu. 2022-ci ildə isə Əhmədiyev özünü sərbəst güləş növündə sınadı və Azərbaycan Çempionatının final görüşündə məğlub olaraq turnirin gümüş medalına sahib oldu.[4].
2023-cü ilin martında Əhmədiyev Rumıniyanın Buxarest şəhərində baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu.[5] Həmin il o, həm də Albaniyanın Tirana şəhərində U23 Dünya Çempionatını beşinci pillədə başa vurdu.[6] Əhmədiyev 2023 və 2024-cü illərdə ardıcılı olaraq 2 dəfə Azərbaycan Çempionatlarının qalibi oldu.[7]
Murad Əhmədiyev 2024-cü ildə yunan-rona güləşi üzrə Azərbaycan yığmasının əsas heyətinə cəlb edildi. Yanvarda o, Xorvatiyada Zagreb Open beynəlxalq turnirini beşinci pillədə tamamladı. Fevralda isə Əhmədiyev Rumıniyanın Buxarest şəhərində baş tutan Avropa Çempionatında debüt etdi və turniri 17-ci pillədə başa vurdu. Həmin ilin aprel və may aylarında müvafiq olaraq Avropa və Dünya Olimpiya Təsnifat Turnirlərində çıxış etsə də, olimpiya lisenziyasına sahib ola bilmədi. Həmin ilin mayında isə Murad Əhmədiyev Azərbaycanda baş tutan 23 yaşlılar arasında Avropa Çempionatında bürünc medalın sahibi oldu.[8] Noyabrda isə o, Albaniyada U23 Dünya Çempionatını onuncu pillədə tamamladı.
- ↑ International Wrestling Database. "Ahmadiyev, Murad (AZE)". www.iat.uni-leipzig.de (ingilis). 2022-08-04. İstifadə tarixi: 02.08.2022.
- ↑ "Профиль Ахмадиева на сайте Федерации борьбы Азербайджана". 27 may 2024 tarixində arxivləşdirilib. İstifadə tarixi: 23 may 2024.
- ↑ "Güləş üzrə Avropa çempionu Murad Əhmədiyev Balakəndə böyük coşqu ilə qarşılanıb". 11 dekabr 2024 tarixində arxivləşdirilib. İstifadə tarixi: 23 may 2024.
- ↑ "Результаты четвёртого дня чемпионата Азербайджана по борьбе 2022". Официальный сайт Федерации борьбы Азербайджана (az.). İstifadə tarixi: 24 may 2024.
- ↑ "Еще один азербайджанский борец завоевал золотую медаль ЧЕ в Румынии". 23 may 2024 tarixində arxivləşdirilib. İstifadə tarixi: 23 may 2024.
- ↑ "Албанский урок. Без золота, но с рекордом". 23 may 2024 tarixində arxivləşdirilib. İstifadə tarixi: 23 may 2024.
- ↑ Güləş üzrə Azərbaycan çempionatına yekun vurulub
- ↑ Ганизаде во второй раз стал чемпионом мира, Ахмадиев взял бронзу