Multimedia Qalereyası - AMEA İnformasiya Texnologiyaları İnstitutunda yaradılmış və AMEA-da keçirilən bütün tədbirlərdən çəkilmiş şəkil və video-fayllarının toplanması və saxlanmasını həyata keçirən qalereya.[1]
Azərbaycan Milli Elmlər Akademiyası (AMEA) yarandığı dövrdən görkəmli elm xadimlərinin fəaliyyətinin əks olunmamasının səbəbi, foto və s. materialların olmaması və ya kifayət qədər az olmasıdır. 2003-cü il science.az portalının fəaliyyət göstərməsi ilə AMEA İnformasiya Texnologiyaları İnstitutunun mütəxəssisləri tərəfindən müxtəlif tədbirlərdən fotoşəkillər çəkilmişdir. Çəkilən şəkillərin, videomaterialların bulud texnologiyalarında etibarlı şəkildə qorunub saxlanmasına ehtiyac duyulurdu. AMEA İnformasiya Texnologiyaları İnstitutunun mütəxəssisləri tərəfindən hazırlanmış Multimedia Qalereyası bütün bu resursları toplayaraq lazım olan informasiyanı açar sözlərinin köməyi ilə asanlıqla əldə etməyə imkan yaradır.
Multimedia Qalereyası AR Prezidentinin elm sahəsinə qayğısını əks etdirən AMEA Rəyasət Heyətinin rəsmi görüşləri, eləcə də AMEA-nın keçirdiyi mötəbər tədbirlərdən materialları özündə əks etdirir. AMEA-nın institut və təşkilatlarında keçirilən konfrans və iclaslar, görüşlər, hesabatlar və s. Multimedia Qalereyasında strukturlaşdırılmış şəkildə toplanır. AMEA-nın institut və təşkilatlarının yeni avadanlıqlarla təchizatını əks etdirən fotomateriallar dövlətin elmə qayğısının bariz nümunəsidir. Qalereya eyni zamanda çoxşaxəli axtarış imkanlarına malikdir. Multimedia Qalereyasına ElmTV tərəfindən çəkilmiş videolar yerləşdirilir. Burada AMEA RH və AMEA-nın müxtəlif qurumları tərəfindən keçirilən mühüm elmi tədbirlər haqqında video-informasiya yayımı ətraflı əks olunur.
İnformasiya Texnologiyaları İnstitutunun Multimedia Qalereyası böyük yaddaş imkanlarına malikdir. Hal-hazırda 72299-ə yaxın şəkil və 417 videolamaterial yerləşdirilib. Bu resurslar açar sözlərin köməyi ilə asanlıqla əldə olunur. Qalereya adminlər vasitəsilə idarə olunur, materiallar tədbirin adı, məkanı və tarixinə uyğun yüklənir və axtarışı asanlaşdırmaq üçün digər açar sözləri yazılır, şəkil və videolar axtarışa hazır vəziyyətə gəlir. İstifadəçilər üçün də açar sözləri vasitəsilə axtardığı materialı əldə etmək mümkündür
- ↑ "AMEA İnformasiya Texnologiyaları İnstitutunda Multimedia Qalereyası yaradılıb". 2015-11-08 tarixində arxivləşdirilib. İstifadə tarixi: 2016-10-19.