Arxiyepiskop Avqustin, əsl adı ilə dünyada Aleksey Vasilyeviç Vinoqradski (rus. Алексе́й Васи́льевич Виногра́дский; 6 (17) mart 1766, Moskva – 3 (15) mart 1819) — Rus Pravoslav Kilsəsinin yepiskopu, 19 fevral (3 mart) 1818-ci ildən Moskva və Kolomna arxiyepiskopu.
Moskvalı Avqustin | |
|---|---|
| Doğum | 6 (17) mart 1766 |
| Vəfat | 3 (15) mart 1819 (52 yaşında) |
Aleksey Vasilyeviç Vinoqradski 6 (17) mart 1766-cı ildə Moskvada anadan olmuşdur. Onun atası Vasili Mixaylov İlyinka küçəsində yerləşən Solunlu Dmitri kilsəsinin keşişi və ikona rəssamı olmuşdur.
Təhsilinə Perervinskaya İlahiyyat Seminariyasında başlamış və Slavyan-Yunan-Latın Akademiyasını fərqlənmə diplomu ilə bitirmişdir. Məktəbi bitirdikdən sonra seminariyada müəllim olmuş və 1788-ci ildə Troitse-Sergi lavrasının seminariyasına ritorika müəllimi təyin edilmişdir. O, 1792-ci ildə seminariyada prefekt və fəlsəfə müəllimi olmuşdur. O, 1794-cü ildə saç kəsdirmə mərasimindən keçmiş və Avqustin adını almışdır. 1795-ci ildə Troitse Seminariyasında rektor və ilahiyyat müəllimi olmuşdur.
30 aprel 1797-ci ildə imperator I Pavel tacqoyma mərasimindən sonra Troitse-Sergi lavrasını ziyarət etmişdir. Bu münasibətlə Avqustin təşəkkür nitqi söyləmişdir. Bu çıxışa və tələbələrin uğuruna görə rektor Avqustinə monarx tərəfindən brilyant qaşlı qızıl saat hədiyyə edilmişdir. 21 noyabr 1798-ci ildə Mojaysk Lujetski monastırının arximandritinə təqdis edilmişdir. O, elə həmin il I Aleksandrın tacqoyma mərasimi zamanı gənclərin tərbiyəsində çalışqanlığına və uğurlarına görə 2-ci dərəcəli "Müqəddəs Anna" ordeni ilə təltif edilmişdir. 1802-ci ilin yanvarından Slavyan-Yunan-Latın Akademiyasının rektoru və ilahiyyat müəllimi, Zaykonospasski monastırının arximandriti olmuşdur.
14 iyul 1812-ci ildə "Müqəddəs Aleksandr Nevski" ordeninə layiq görülmüşdür.[1]
3 (15) aprel 1819-cu ildə Moskvada Üçlük kompleksində vəfat etmişdir. Dəfn mərasimi Çudov monastırının kafedralında edilmişdir.[2]
- ↑ Впоследствии, 29 августа 1815 года получил бриллиантовые знаки к ордену.
- ↑ "Северная почта. — 1819. — № 23". 2016-08-16 tarixində arxivləşdirilib. İstifadə tarixi: 2016-07-02.
- Московский некрополь: в 3 томах / Сост. В. И. Саитов, Б. Л. Модзалевский. — СПб.: Тип. М. М. Стасюлевича, 1907. — Т. 1 (А—И). — С. 3—4.
- Словарь членов Общества любителей Российской словесности при Московском Университете. — М.: Печатня А. Снегиревой, 1911. — С. 1.
- Петруня О. Э. Августин (Виноградский) // Православная энциклопедия. — М., 2000. — Т. I : «А — Алексий Студит». — С. 110-111. — 752 с. — 40 000 экз. — ISBN 5-89572-006-4.
- Маркина Т. В. Преосвященный Августин (Виноградский) и Отечественная война 1812 г. // Ежегодная богословская конференция ПСТБИ, 1997. — С. 139—143