Morqan Çantel Nik (ing. Morgan Chauntel Nick; d. 12 sentyabr 1988, ABŞ, Arkanzas, Alma - itkin düşdü 9 iyun 1995, ABŞ, Arkanzas, Alma) – Kiçik Beysbol Liqası oyununda oğurlanmış amerikalı qız. Morqanın anası insanlara itkin düşmüş övladlarını tapmağa kömək edən Morqan Nik Fondunu yaratmaqla tanınmışdır.
| Morqan Nik | |
|---|---|
| ing. Morgan Chauntel Nick | |
 | |
| Doğum tarixi | 12 sentyabr 1988 |
| Doğum yeri | |
| Yoxa çıxıb | |
| Vəfat tarixi | 9 iyun 1995 (6 yaşında) |
| Anası | Kollin Nik |
| Milliyyəti | amerikalı |
İtkin düşməsi
9 iyun 1995-ci ildə Morqan Nik və anası Kollin Nik Arkanzas ştatının Alma şəhərində Kiçik Beysbol Liqası oyununa getdilər. Saat 10:30 radələrində Morqan anasından dostları ilə birlikdə işıldaböcəyi tuta biləcəyini soruşdu. Əvvəlcə anası tərəddüd etdi, lakin sonda icazə verdi. O, sonuncu dəfə dostları tərəfindən 10:45 radələrində anasının maşının yanında tək başına ayaqqabılarından qumu boşaldarkən göründü. Dostları isə ondan bir neçə metr kənarda ayaqqabılarını təmizləyirdilər. Morqanın dostları ayaqqabılarını geyinərkən Morqanla söhbət edən xoşagəlməz bir adam gördüklərini bildirdilər.
Oyun qısa müddət sonra başa çatanda Morqanın dostları onsuz geri qayıtdılar. Onlar Kollinə Morqanın maşında olduğunu söylədilər, ancaq Kollin maşına qayıdanda Morqan orada deyildi. Morqan o vaxtdan bəri görülməyib və eşidilməyib.
Araşdırma
15 yanvar 2002-ci ildə polis Nikin Bunvilledə dəfn oluna biləcəyini iddia edən bir ip ucu aldıqdan sonra Arkanzasın Bunville şəhərində özəl bir torpaq sahəsində qazma işi aparıldı. Həmçinin axtarışda xidməti itdən də istifadə edildi. Polis axşam saat 9:30 radələrində axtarışları dayandırdı.
15 noyabr 2010-cu ildə federal müstəntiqlər Oklahoma ştatının Spiro şəhərində boş bir evdə DNT dəlilləri üçün axtarış apardılar. 18 dekabr 2017-ci ildə müstəntiqlər hadisə ilə bağlı bir ipucu aldıqdan sonra başqa bir axtarış aparmaq üçün evə qayıtdılar. Xidməti itlər müstəntiqləri xəbərdar etdilər. Amcaq heç bir sübut tapılmadı və axtarış dekabrın 19-na təxirə salındı.
Nəticə
1996-cı ildə Kollin Nik uşaqların itməsinin qarşısını almağa kömək edən Morqan Nik Fondunu təsis etdi. Bu hadisə həm “Unsolved Mysteries” televiziya serialında və həm də “America's Most Wanted” proqramında göstərilmişdir.
Amber Alert xidməti Arkanzas ştatında Morqan Nik Amber Alert olaraq adlandırılmışdır.
2012-ci ilin avqustunda əvvəllər məhkum edilmiş iki cinayətkar Tonya Smit və Ceyms Monhart Morqan Nikin şəxsiyyətin vəsiqəsini əldə etməyə cəhd etdikdən sonra kompüter fırıldaqçılığı üstündə həbs olundu.
Həmçinin bax
İstinadlar
- Rosenbaum, Philip (August 20, 2010). (ingilis). edition.cnn.com. 19 avqust 2010 tarixində .
- ↑ (ingilis). Blytheville Courier News. Associated Press. June 9, 2000. 27 fevral 2018 tarixində .
- ↑ (ingilis). unsolved.com. 6 iyun 2017 tarixində .
- Franklin, Dallas (December 19, 2017). (ingilis). kfor.com. 21 dekabr 2017 tarixində .
- ↑ Jordan, Kate (December 19, 2017). (ingilis). 5newsonline.com. 22 dekabr 2017 tarixində .
- Jordan, Kate (December 19, 2017). (ingilis). 5newsonline.com. 22 dekabr 2017 tarixində .
- (ingilis). amw.com. 10 fevral 2008 tarixində .
- (ingilis). ark.org. 30 aprel 2009 tarixində .
- (ingilis). fox16.com. 11 avqust 2012 tarixində .