Monreal Müasir İncəsənət Muzeyi (fransız dilində: Musée d'art contemporain de Montréal) — Kanadanın Kvebek vilayətinin ən böyük şəhəri olan Monrealda muzey.
| Monreal İncəsənət İncəsənət Muzeyi | |
|---|---|
| Musée d'art contemporain de Montréal | |
 | |
 | |
| Əsası qoyulub | 1964 |
| Açılış tarixi | 1964 |
| Mövzu | Müasir incəsənət muzeyi |
| Ölkə | |
| Yerləşir | Kanada, Kvebek vilayətinin Monreal şəhəri |
| Kolleksiyası | 7 000 |
| Ziyarətçi sayı | 186 min nəfər |
| Telefon | +1-514-847-6226[1] |
| 45°30′27″ şm. e. 73°33′58″ q. u.HGYO | |
| macm.org | |
 Vikianbarda əlaqəli mediafayllar | |
1964-cü ildə Kvebek hökuməti tərəfindən əsası qoyulan Monreal Müasir İncəsənət Muzeyi Kanadada müasir incəsənət əsərlərinin nümayişinə əsaslanan ilk muzey olmuşdur. Muzey 1965-ci ildə Fransa ekspressionizminin tanınmış nümayəndəsi, rəssam və qrafik Jorj Ruonun əsərlərindən ibarət sərgi ilə açılmışdır. 1983-cü ildə muzey öz statusunu dəyişərək direktorlar şurası tərəfindən idarə olunan müstəqil korporasiyaya çevrildi. Monreal Müasir İncəsənət Muzeyi müasir binası istifadəyə verilənədək 3 müxtəlif yerdə fəaliyyət göstərmişdir: 1964–1965-ci illərdə Vil-Mari meydanındakı ticarət kompleksində, 1965–1968-ci illərdə Dyufren muzeyində, 1968–1992-ci illərdə Beynəlxalq Ekspo-67 bədii qalareyasında və Site-de-Qavrda.
1992-ci ildə muzey şəhərin mərkəzindəki İncəsənət Sarayına (Place des Arts) köçürülmüşdür. Muzey Kanadada və Kvebekdə təsviri incəsənət, musiqi əsərlərinin, müasir rəqslərin və ekspremental teatrın cəmləşdiyi mədəniyyət kompleksidir[2].
Muzeyin eksponatları və müvəqqəti sərgilər ümumi sahəsi 2500 kv. metr olan 8 qalereyada yerləşdirilmişdir. Muzeyin kolleksiyasına Kvebekdən olan 1500 müəllifin (onlardan 1 200 nəhəri hazırda yaşayır) 7 000-dən çox əsərləri (Muzeydəki bütün eksponatların 60 faizi), həmçinin Kanadanın digər əyalətlərdən olan və xarici ölkələrdən olan müəlliflərin əsərləri daxildir. Kolleksiyada heykəltaraşlıq, rəsmlər, fotolar, media incəsənət əsərləri də daxildir[3]. Muzeydə Luiza Burjuanın, Viktor Bazarelinin, Ceyms Tarrelin, Alfredo Caarın, Bill Violun və bir çox məşhur müəlliflərin əsərləri də nümayiş olunur.
- Robert Qay 1964–1996,
- Jil Eno 1966–1971,
- Anri Barras 1971–1972,
- Fernando Sen-Marten 1972–1977,
- Letoşa 1977–1982
- Andre Menar 1982–1985
- Marsel Brizbua 1985–2004,
- Mark Mayer 2004–2009,
- Monik Qotye (Müvəqqəti içraçı) 2009
- Polett Qanon 2009 -
- [1] Monreal Müasir İncəsənət Muzeyinin rəsmi saytı
- ↑ https://www.donneesquebec.ca/recherche/dataset/institutions-museales-du-guide-des-musees-du-quebec/resource/caf6ccfa-27eb-47fa-82e2-dc59f82ee390. 2020.
- ↑ "The Canadian Encyclopedia. Musée d'art contemporain de Montréal". 2013-06-08 tarixində orijinalından arxivləşdirilib. İstifadə tarixi: 2015-12-09.
- ↑ Musée d'art contemporain de Montréal: About, ARTINFO, 2008, 2021-08-29 tarixində arxivləşdirilib, İstifadə tarixi: 2008-07-30