Molla Səfi Gücəgözlü-Cavanşir — qazı, məktəbdar.
| Molla Səfi Gecəgözlü-Cavanşir | |
|---|---|
| Molla Səfi Molla Nəbi oğlu Cavanşir | |
| Doğum tarixi | |
| Doğum yeri | Gecəgözlü |
| Vəfat yeri | Gecəgözlü |
Molla Səfi Gecəgözlü-Cavanşir 1797-ci ildə Cavanşir-Dizaq mahalının Gecəgözlü оbasında dünyaya gəlmişdir. İlk təhsilini atasından almışdı. Sonra Şuşa şəhərində molla, müctəhid yanında təhsilini davam etdirmişdi. Öncə obanın dini işləri ilə ilgilənmiş, məscidlərdə axundluq etmiş, 1878-ci ildə Zəngəzur qəzasının qazısı təyin edilmişdi.
Molla Səfi qəza qazısı olarkən şair Məhəmməd bəy Aşiq yazmışdı:
Olma Molla Səfitək aldan hörülən ipək,
Ya edən Səfiqulu buğdasın məğsub oldun.
Molla Səfidən xoşu gəlməyən şair Bəhram bəy Fədai yazırdı:
Övladını görsən Molla Nəbinin,
Qövlün inkar edər şəri-mübinin,
Heç zad üçün satar dünyayə dinin,
Nəfsi əqlin ötüb onu Zal edər.
Mir Mehdi Xəzani Molla Səfi ilə dost idi. Qəsidələrinin birində yazırdı:
Hanı Molla Səfi, yoxdu xəbəri bunlardan
Məshəfi-ruyi qoyub, hansı kitablara baxar?
Molla Səfinin törəmələri Axundov soyadını daşıyırdılar. Onun Möhsün, Həşim, Səlim adlı oğulları vardı.
- Ənvər Çingizoğlu. Hacılılar. Bakı: "Soy" dərgisinin özəl nəşri, 2004, 238 səh.