Moeketsi Majoro

Moeketsi Majoro (3 noyabr 1961) — Lesotolu iqtisadçı və siyasətçi, senator, İnkişafın Planlaşdırılması naziri (2013-2015), Lesotonun kemiş Maliyyə naziri (2017-2020). Lesotonun 6-cı Baş naziri (2020-2022), Bütün Basotolar Konvensiyası siyasi partiyasının üzvü.

Həyatı

Moeketsi Majoro 3 noyabr 1961-ci ildə Basutolendin Leribe bölgəsindəki Tsikoane kəndində anadan olmuşdur. O, Lesoto Milli Universitetindən iqtisad üzrə bakalavr dərəcəsi almış, Vaşinqton Ştat Universitetindən Təbii Resurslar İqtisadiyyatı üzrə fəlsəfə doktorluğu (PhD) və Kənd Təsərrüfatı İqtisadiyyatı üzrə magistr dərəcəsi əldə etmişdir.^[1]

Karyerası

Majoro 1991–2000-ci illərdə Lesoto Milli Universitetində iqtisadiyyat üzrə müəllim kimi çalışmışdır. O, 2000-ci ildə Maliyyə Nazirliyinə maliyyə analitiki vəzifəsinə təyin edilmiş, 2004-cü ildə Baş katib vəzifəsinə yüksəlmişdir. 2008-2012-ci illərdə o, Beynəlxalq Valyuta Fondunun Afrika qrupu 1 seçki dairəsini həm icraçı direktor, həm də alternativ icraçı direktor kimi təmsil etmişdir.^[1]

2013-cü ilin yanvarında Majoro Baş nazir Tom Tabanenin tərəfindən İnkişafın Planlaşdırılması naziri vəzifəsinə təyin edilmişdir. Bundan əvvəl o, senator kimi də fəaliyyət göstərmişdir. Hökumət 2015-ci il ümumi seçkilərində səs çoxluğu ilə hakimiyyətdən getmişdir. 2017-ci il ümumi seçkilərində isə o, 33 saylı Tetsane seçki dairəsinin deputatı seçilmişdir. Tabanen yenidən Baş nazir kimi hakimiyyətə gələn zaman Majoronı Maliyyə naziri vəzifəsinə təyin etmişdir.^[1]

2020-ci ildə Tabane keçmiş həyat yoldaşının qətlində iştirak etdiyi iddiası səbəbindən istefa vermək üçün təzyiq altında qalmışdır. 22 mart 2020-ci ildə Milli Assambleyada BBK Majoronı Tabanenin varisi olaraq seçmişdir; o, 46 səsdən 26-sını qazanmışdır.

Baş nazirliyi dövrü

Tabane 18 mayda istefa verdiyini, qərarın ertəsi gün qüvvəyə mincəyini elan etmişdir. 20 may 2020-ci ildə Majoro Baş nazir vəzifəsinə and içmişdir. O, növbəti gün kabinetini açıqlamışdır; kabinetdə Demokratik Konqresin lideri Mathibeli Mokhotu onun müavini təyin edilmişdir. Kabinet əsasən BBK və DK partiyalarının deputatlarından ibarət olmuş, digər müxalifət partiyalarının liderləri isə müxtəlif vəzifələrdə xidmət etmişdir. Majoro Baş nazir kimi ilk beynəlxalq səfərini 12 iyun 2020-ci ildə Cənubi Afrikaya edərək Prezident Siril Ramafosayla görüşmüşdür.

İstinadlar

↑ ¹ ² ³ "Honourable Dr Moeketsi Majoro". www.gov.ls. Archived from the original on 29 November 2019. Retrieved 19 May 2020.

[:0-1] ¹ ² ³ "Honourable Dr Moeketsi Majoro". www.gov.ls. Archived from the original on 29 November 2019. Retrieved 19 May 2020.

[1]