Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinModern Game — Toyuqkimilər fəsiləsinə aid toyuq növü.
| Modern Game | ||||
|---|---|---|---|---|
 | ||||
| Elmi təsnifat | ||||
|
XƏTA: latin parametri doldurulmayıb. |
||||
| Beynəlxalq elmi adı | ||||
|
XƏTA HAQQINDA MƏLUMAT Bu parametr doldurulmayıb: latin |
||||
| ||||
Modern Game 1850-1900-cü illər arasında İngiltərədə yaranmış bəzək toyuğu cinsidir. Bu cins döyüş quşu nəsillərindən yetişdirilmişdir, lakin yalnız sərgi quşu kimi istifadə olunur.
1849-cu ildə Böyük Britaniyada döyüş quşu döyüşləri qadağan edildi. Sonrakı onilliklərdə bəzi yetişdiricilər "Old English Game" və Malay nəsillərindən olan döyüş quşlarını çarpaz yetişdirərək sərgi üçün bəzək quşu yaratdılar.[1]
Bu cins əvvəlcə sadəcə Game kimi tanınırdı və 1865-ci ildə Vilyam Bernhard Teqetmeyer tərəfindən nəşr olunan Britaniya Quşçuluq Standartının ilk nəşri olan "The Standard of Excellence in Exhibition Poultry"də doqquz rəng növü daxil edilmişdi. Həmçinin kiçik Game də siyahıya alınmışdı. 1870-ci illərdən etibarən bu cins "Exhibition Game" və ya "Exhibition Modern Game" kimi tanınmağa başladı. 1874-cü ildə Amerika Quşçuluq Assosiasiyasının "Standard of Perfection" ilk nəşrində səkkiz rəng növü daxil edilmişdi.[2]
Modern Game cinsi hündür və dik duruşludur, uzun boyun və uzun ayaqlara malikdir. Bədəni döş hissəsində geniş olur və quyruğa doğru daralır, təxminən paltoraf formasına bənzəyir, beli qısa və düzdür. Böyük Britaniya Quşçuluq Klubu tərəfindən 13 rəng növü tanınır: birchen (ağacaoxşar), qara, qara-qırmızı, mavi, mavi-qırmızı, qəhvəyi-qırmızı, qızılı ördəkqanadı, limon-mavi, pile (sarı), gümüşü-mavi, gümüşü ördəkqanadı, buğda rəngi və ağ. Dimdik və ayaq rəngi lələk rəngindən asılı olaraq dəyişir, birchen-də qara, ördəkqanadı və qara-qırmızıda yaşıl-qəhvəyi, pile və ağda isə sarı olur. İbik tək və kiçikdir; üz, ibik və yanaqlar qaradan tünd bənövşəyidən parlaq qırmızıya qədər dəyişir, gözlər isə qaradan parlaq qırmızıya qədər müxtəlif ola bilər.[3]
Standart ölçülü xoruzlar 3.20–4.10 kq, toyuqlar isə 2.25–3.20 kq çəkidir, kiçik nöövlər isə müvafiq olaraq 570–620 qram və 450–510 qram çəkidir.[4]
- ↑ J. Ian H. Allonby, Philippe B. Wilson (editors) (2018). British Poultry Standards: complete specifications and judging points of all standardized breeds and varieties of poultry as compiled by the specialist breed clubs and recognised by the Poultry Club of Great Britain, seventh edition. Chichester; Hoboken, New Jersey: Wiley Blackwell. ISBN 9781119509141.
- ↑ Barbara Rischkowsky, Dafydd Pilling (editors) (2007). List of breeds documented in the Global Databank for Animal Genetic Resources, annex to: The State of the World's Animal Genetic Resources for Food and Agriculture. Rome: Commission on Genetic Resources for Food and Agriculture, Food and Agriculture Organization of the United Nations. ISBN 9789251057629. Archived 23 June 2020.
- ↑ Liste des races et variétés homologuée dans les pays EE (28.04.2013). Entente Européenne d’Aviculture et de Cuniculture. Archived 16 June 2013.
- ↑ Jeremy Hobson, Cecilia Lewis (2009). Choosing & Raising Chickens: The complete guide to breeds and welfare. Newton Abbot: David & Charles. ISBN 9780715333105.
- Joseph Batty (1999 [1976]). Understanding Modern Game, fifth edition. Midhurst, West Sussex: Beech Publishing House. ISBN 9781857363135.