Vikipediya ?

Mixail Zabelin — Vikipediya

Mixail Zabelin (1946) — Azərbaycan Respublikası Milli Məclisinin deputatı, Yeni Azərbaycan Partiyası İdarə Heyətinin üzvü, nın sədri, Bakı Beynəlxalq Multikulturalizm Mərkəzi Himayəçilik Şurasının üzvü.

Mixail Zabelin
Zabelin Mixail Yuryeviç
Mixail Zabelin.jpg
Doğum tarixi 1946(1946)
Doğum yeri Bakı, Azərbaycan SSR, SSRİ
Fəaliyyəti siyasətçi
Mükafatları "Şöhrət" ordeni

Həyatı

Mixail Yuryeviç Zabelin 1946-cı ildə Bakı şəhərində anadan olmuşdur. Əmək fəaliyyətinə Azərbaycan Geologiya İdarəsində başlamışdır. “Azərhipsutəsərrüfatı” layihə institunda montajçı, mühəndis, Oktyabr rayon komsomol komitəsində katib vəzifələrində işləmişdir. Təşkilatçılıq keyfiyyətləri onu Lenin rayon partiya komitəsinin, Bakı şəhər partiya komitəsinin təlimatçısı sonra isə Azərbaycan KP MK-nın təlimatçısı vəzifəsində irəli sürülməsinə səbəb olmuşdur. Azərbaycan KP MK-nın katibi Heydər Əliyevin referenti, Azərbaycan KP MK-nın partiya təşkilat işi şöbəsinin müfəttişi, Nizami rayon İcrayyə komitəsinin sədri vəzifələrində işləmişdir.

1990-cı ildə Azərbaycan Ali Sovetinin deputatı, I, II, III, IV və V çağırışlarda Azərbaycan Respublikası Milli Məclisinə üzv seçilmişdir. Azərbaycan Respublikası Milli Məclisinin son 3 çağırışında 12 saylı Qaradağ-Binəqədi-Yasamal seçki dairəsindən seçilmişdir.

Mixail Zabelin Yeni Azərbaycan Partiyasının yaradıcılarından olmuş, hal-hazırda Yeni Azərbaycan Partiyasının İdarə Heyətinin üzvüdür.

Mixail Zabelin Azərbaycan Rus İcmasının sədri, ABŞ-ın Texas ştatının fəxri vətəndaşıdır. Bakı Beynəlxalq Multikulturalizm Mərkəzinin Himayəçilik Şurasının üzvüdür.

Mükafatları

O, ictimai-siyasi fəaliyyətinə görə Azərbaycan Respublikasının Prezidenti İlham Əliyevin 2006-cı il tarixli Sərəncamı ilə “Şöhrət”, Rus kilsəsinin Patriarxı tərəfindən “III dərəcəli Serqiy Radojenski” ordenləri və Rusiya-Azərbaycan parlamentlər arası əməkdaşlığın inkişafında fəal iştirakına görə Rusiya Federasiyası tərəfində Fəxri fərmanla təltif olunmuşdur.

İstinadlar

  1.  (azərb.)
  2. Mixail Zabelin yenidən Azərbaycan Rus İcmasının sədri seçildi -
  3. . İstifadə tarixi: 11 mart 2020.

Həmçinin bax

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019