Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Mirzə Mirzəyev

  • Məqalə
  • Müzakirə

Mirzə Mirzəyev və ya Şürbi (Mirzə Cəlil oğlu Mirzəyev; 1874, Naxçıvan – 1915, Rəşt) — ziyalı, maarif və teatr xadimi, şair

Mirzə Mirzəyev
Mirzə Cəlil oğlu Mirzəyev
Doğum adı Şübri
Doğum tarixi 12 fevral 1874
Doğum yeri Naxçıvan
Vəfat tarixi 1915
Vəfat yeri İran,Rəşt şəhəri
Dəfn yeri Rəşt
Milliyyəti azərbaycanlı
Vətəndaşlığı Rusiya İmperiyası
Təhsili
  • İrəvan Müəllimlər Seminariyası
Teatr Naxçıvan teatrı
Rolları İskəndər

Mündəricat

  • 1 Həyatı
    • 1.1 Təhsili
  • 2 Fəaliyyəti
    • 2.1 Teatr fəaliyyəti
    • 2.2 İctimai fəaliyyəti
  • 3 Bədii yaradıcılığı
  • 4 Ədəbiyyat
  • 5 İstinadlar

Həyatı

Mirzə Cəlil oğlu Mirzəyev 12 fevral 1874-cü ildə Naxçıvan şəhərində anadan olub.[1]

Təhsili

1888–92-ci illərdə İrəvan Müəllimlər Seminariyasında təhsil alıb.[2] Şərur-Dərələyəz qəzasındakı Aralıq ibtidai məktəbində pedaqoji fəaliyyətə başlayıb. 1894-cü ildə Cəlil Məmmədquluzadənin müdiri olduğu Nehrəm məktəbində işləyib. Daha sonra isə Naxçıvan şəhər ibtidai məktəbində davam etdirmişdir. Ordubad qəzasının Vənənd kənd ibtidai məktəbinin 1903–1908 və Naxçıvan şəhər rus-tatar məktəbinin 1909–1913-cü illərdə müdirləri olmuşdur. "Kollec registratoru" rütbəsi almışdır.

Fəaliyyəti

Teatr fəaliyyəti

Cəlil Məmmədquluzadənin təşviqi ilə teatr hərəkatına qoşulmuş, Naxçıvan teatrında qadın rollarını oynamış, ədəbi-maarif tədbirlərinin təşkilində fəal iştirak etmişdir.

İctimai fəaliyyəti

Açıqfikirliliyinə, milli mənafeyi və maarifçiliyi üstün tutmasına, xurafata və fanatizmə qarşı çıxdığı üçün, "siyasi bədgümanlıq" doğurmasına görə Naxçıvan mühitindən uzaqlaşdırmaq məqsədilə Şahbuz ibtidai məktəbinə gəndərilmiş, lakin şərab içməsi bəhanə gətirilərək, şübhəli şəxs kimi 3 aydan sonras vəzifəsindən geri çağırılmışdır. Aşqabad, yaxud Bakı məktəblərində münasib iş tapmaq təşəbbüslərinə də maneəçilik törədilmişdir.

Bədii yaradıcılığı

"Şürbi" təxəllüsü ilə şeir yazmışdır. Klassik üslubda qələmə aldığı qəzəllərində həyat eşqi qabarıq şəkildə ifadə olunmuşdur. Maarifçi şeirlərində "Elm və cəhalət", "Səhranişin və ayı" və s.) fanatizmi, gerilik və cəhaləti tənqid etmiş, yeniliyə, elmə və maarifə çağırmışdır. "Molla Nəsrəddin"in Naxçıvan üzrə təmsilçisi kimi jurnalın abunə və satış məsələləri ilə məşğul olmuş, jurnala xəbər və məqalələr göndərmişdir. Yazıları "Şərqi-rus" qəzetində də dərc olunmuşdur. Cəlil Məmmədquluzadə "Ölülər" komediyasında Şübridən İskəndər obrazının prototiplərindən biri kimi faydalanmışdır.

Ədəbiyyat

  • Nəsirli M., Mirzə Cəlil Şübri, "Cəlil Məmmədquluzadənin naxçıvanlı müasirləri" kitabında,Bakı.,1967
  • İsa Həbibbəyli., Cəlil Məmmədquluzadə:Mühiti və müasirləri., Bakı.,1997

İstinadlar

  1. ↑ Naxçıvan Ensiklopediyası. Bakı. 2002. səh. 551. ISBN 5-8066-1468-9.
  2. ↑ Fərrux Rüstəmov. İrəvan Müəllimlər Seminariyası və onun məzunları (PDF). Bakı: Elm və təhsil. 2022. səh. 153. ISBN 978-9952-5455-010.
Mənbə — "https://az.wikipedia.org/w/index.php?title=Mirzə_Mirzəyev&oldid=7260703"
Informasiya Melumat Axtar