Milad (it. Natività) — Paolo Uççellonun eskizi əsasında Ancelo Lippi tərəfindən 1443-cü ildə Florensiya kafedralının barabanında yaradılmış vitraj. Vitrajda İsanın doğulması hadisəsi təsvir edilmişdir.
| Milad | |
|---|---|
| it. Natività | |
 | |
| Rəssam | Paolo Uççello, Ancelo Lippi |
| Tarixi | 1443 |
| Üslubu | dini incəsənət[d] |
| Texnikası | vitraj |
| Ölçüləri | 473 sm × 470 sm diametr |
| Saxlanıldığı yer | Santa-Mariya-del-Fiore kafedralı, Florensiya |
1430-1440-cı illərdə Paolo Uçello, Santa-Mariya-del-Fiore kafedralının interyeri üzərində çalışmış, işlərə 1436-cı ildə Con Hokvudun qəbirüstü abidəsinin hazırlanması ilə başlamış, 1450-ci illərdə "Müjdə" (itirilib), "Milad" və "Dirilmə" vitrajlarının yaradılması ilə davam etmiş və saatın yaradılması ilə kafedral interyerində işlərini tamamlamışdır.
"Müjdə" vitrajı Uçellonun kafedral üçün hazırladığı ikinci vitraj olmaqla, 1443-cü ilin noyabrında tamamlanmış, bu işinə görə sənətkara 40 florin ödənilmişdir.
Təsvir ənənəvi kompozisiyaya malikdir:kompozisiyanın mərkəzində Körpə dayanır, sol tərəfdə yerləşən Məryəm və çobanlar ona dua edirlər, sağ tərəfdə ənənəvi olaraq yuxulamış halda Müqəddəs İosif təsvir edilmişdir. Arxa planda buğa və qulan, onların arxasında isə, daxmanın dağılmış damından Betlehem ulduzu görünür. Rəsm, pəncərənin kənarlarını zərif şəkildə vurğulayan diaqonal sxemdə qurulmuşdur. Detallandırma olduqca zəngindir: bataqlıqdakı çiçəklərdən tutmuş Məryəmin paltarındakı naxışlara kimi. Rəsmin əsas fiquru olan Məryəm, böyük nimb ilə vurğulanmış və bədəni profildən, üzü isə 3/4 təsvir edilməklə, Körpəyə çevrilmiş şəkildə göstərilmişdir.
Vitrajın çərçivəsi, qırmızı fonda təsvir edilmiş ağ medalyonlardan formalaşdırılmışdır.
- Annarita Paolieri, Paolo Uccello, Domenico Veneziano, Andrea del Castagno, Scala, Firenze 1991. ISBN 88-8117-017-5