İmişli FK və ya İmişli Futbol Klubu. Azərbaycan Respublikası İmişli rayonunu təmsil edən futbol klubudur.
| İmişli FK | |
|---|---|
 | |
| Klubun tam adı | İmişli Peşəkar Futbol Klubu |
| Ölkə |
 Azərbaycan Respublikası |
| Kodu | İMŞ |
| Rəng(lər) | |
| Yaranma tarixi | 2004) |
| Stadionu | Heydər Əliyev adına İmişli şəhər stadionu |
| Tutumu | 8500 |
| Koordinatlar | V22R+9FM |
| Prezidenti | Kamran Eyyubov |
| Baş məşqçisi |
.svg){kind=small} Xorxe Kaskilya |
| Kapitanı | Azər Salahlı |
| Liqa |
Azərbaycan Birinci Liqası |
| 2024/2025 | 3 |
"İmişli" klubu 2004-cü ildə MKT-Araz adı ilə fəaliyyətə başlamışdır. 2006-cı ilin martın 23-də ölkə prezidenti İlham Əliyevin iştirakı ilə İmişli şəhərində "MKT-Araz” klubunun yeni stadionunun istifadəyə verilməsinə həsr olunmuş mərasim keçirilmiş və müasir Avropa standartlarına tam cavab verən 8500 yerlik stadion komandanın istifadəsinə verilmişdi. Futbol üzrə Azərbaycan Yüksək Liqasında 3 mövsüm iştirak etdikdən sonra "pambıqçılar" ləqəbli "MKT-Araz" klubu 13 avqust 2007-ci ildə, çempionatında başlamasına bir həftə qalmış gözlənilmədən fəaliyyətini dayandırdı. Klub yaydığı məlumatda maliyyə çatışmazlığı səbəbindən fəaliyyətini dayandırdığını elan edib.[1] Həmin dövrdə 3 dəfə futbol üzrə Azərbaycan çempionatının elitasında iştirak etmiş və Azərbaycan Kubokunun finalında 1 dəfə oynamışdır.[2] Lakin buna baxmayaraq AFFA-nın köməyi ilə klub yenidən qurularaq Azərbaycan Birinci Divizionu 2009/2010, 2010/2011, 2011/2012 mövsümlərində iştirak etdi. 2012-ci ildə rəhbərlik yenidən klubun fəaliyyətini dayandırdığını bildirdi.
Klub daha sonradan, 2013-cü ildə Mil-Muğan adı altında yenidən fəaliyyətinə davam edərək Birinci Divizionda iştirak etməyə başladı. Lakin bu klub da 2018-ci ildə yenidən fəaliyyətini dayandırdı.
2022-ci ildə yenidən qurulan klub "İmişli FK" adı altında Azərbaycan Birinci Divizionunda iştirak etməyə başlayıb. İmişli FK 2024/25 mövsümündə Azərbaycan Birinci Divizionunda uğurlu çıxış edərək Azərbaycan Premyer Liqasına vəsiqə qazanıb [3] [4]. Komanda 23 oyundan sonra 44 xalla turnir cədvəlində ikinci yeri tutub və bu nəticə onlara elitaya yüksəlmək imkanını verib.
MTK-Araz adlandığı dövrdə klub Azərbaycanı 1 dəfə UEFA Kubokunda, 1 dəfə də UEFA İntertoto Kubokunda təmsil etmişdir.
MKT-Araz hər il transferlərə külli miqdarda pul xərcləsə və dünyanın bir çox ölkələrindən transferlər olunsa da, komanda yalnız iki dəfə avrokuboklara vəsiqə qazana bildi. 2006-cı ildə turnir cədvəlində 8-ci pilləni tutmasına baxmayaraq, 4-7-cı yerlərdə qərarlaşan komandaların imtinası səbəbindən İntertoto Kubokunda oynamaq imkanı qazandı. İlk mərhələdəki rəqib Moldovanın Tiraspol klubu oldu. Rəqibindən qat-qat artıq büdcəyə və bahalı heyətə malik olmasına baxmayaraq “MKT Araz" mərhələni adlaya bilmədi (1:0, 0:2). 2008-ci ildə isə ölkə kubokunun finalına vəsiqə qazansa da, “Xəzər Lənkəran"a 0:1 hesabı ilə uduzaraq fəxri mükafatdan əlini üzdü. Lakin o vaxtın qaydalarına görə kubokun finalçısı kimi UEFA kubokuna vəsiqə qazandı. Burada isə ilk mərhələdə Polşanın “Qrotslin" klubuna uduzaraq mübarizəni dayandırdı (0:0, 0:1). Elə məhz bu oyundan sonra da rəhbərlik komandanı buraxdığını açıqladı.[5]
2010-cu il noyabrın 26-da açıqlanan klublarının XXI əsr üçün reytinqində ilk onilliyi 131,5 xal ilə Azərbaycan klubları arasında 8-ci, dünyada isə 679-cu pillədə başa vurmuşdur[6].
Mil düzünün iki klubu Mil-Beyləqan FK ve İmişli FK arasında olan əzəli rəqabətdir.
- Azərbaycan Kuboku:
- Finalçı (1) — 2006/2007
- O = oyun, Q = qələbə, H = heç-heçə, M = məğlubiyyət, VQ = vurduğu qollar, BQ = buraxdığı qollar, X = xallar
| Mövsüm | Liqa | Yer | O | Q | H | M | VQ | BQ | Xal | Azərbaycan Kuboku |
|---|---|---|---|---|---|---|---|---|---|---|
| 2004–05 | 1-ci | 8 | 34 | 16 | 9 | 9 | 35 | 23 | 57 | 1/2 final |
| 2005–06 | 1-ci | 9 | 26 | 9 | 8 | 9 | 31 | 36 | 35 | 1/4 final |
| 2006–07 | 1-ci | 5 | 24 | 12 | 5 | 7 | 23 | 18 | 41 | Finalçı |
| 2009–10 | 2-ci | 5 | 22 | 11 | 5 | 6 | 41 | 29 | 38 | 1/16 final |
| 2010–11 | 2-ci | 4 | 26 | 15 | 3 | 8 | 49 | 34 | 48 | 1/8 final |
| 2011–12 | 2-ci | 7 | 26 | 11 | 3 | 12 | 35 | 43 | 36 | İştirak etməyib |
| 2013–14 | 2-ci | 9 | 30 | 11 | 7 | 12 | 29 | 33 | 40 | 1/8 final |
| 2014–15 | 2-ci | 13 | 30 | 7 | 5 | 18 | 30 | 65 | 26 | İştirak etməyib |
| 2015–16 | 2-ci | 8 | 26 | 8 | 8 | 10 | 28 | 26 | 32 | 1/8 final |
| 2016–17 | 2-ci | 7 | 26 | 13 | 5 | 8 | 53 | 33 | 44 | İştirak etməyib |
| 2017–18 | 2-ci | 8 | 27 | 8 | 6 | 13 | 32 | 49 | 40 | 1/8 final |
| 2022–23 | 2-ci | 15 | 28 | 6 | 2 | 20 | 21 | 66 | 20 | İştirak etməyib |
| 2023–24 | 2-ci | 4 | 27 | 13 | 8 | 6 | 38 | 21 | 47 | 1/8 final |
| 2024–25 | 2-ci | 2 | 27 | 13 | 8 | 6 | 53 | 37 | 47 | 1/8 final |
Liqanın axırlarına qədər klub oyunlarını Saatlı stadionunda keçiridi. Yalnız 6 aprel tarixində, keçirilən baxış nəticəsində İmişli öz ev oyunlarını doğma meydanda keçirə bildi.[7] Uzun fasilədən sonra aprelin 12-də "Qarabağ-2" ilə doğma meydanda keçirilən görüşü, rəsmi protokola görə, 4500 tamaşaçı tərəfindən izlənmişdir. Komandanın İmişlidə keçirdiyi sonrakı iki görüşünə də maraq az olmayıb: "Kəpəz-2" ilə matçına 2500, bu mövsüm sonuncu ev görüşü - "Zirə-2" ilə qarşılaşmaya isə 4500 tamaşaçı tribunadan baxıb. Beləliklə, 3 matça düz 11.300 tamaşaçı gəlib. Bunlar Azərbaycan futbolunun bugünkü reallığında ən yüksək göstəricilərdən biridir[8]
22 iyul tarixində "İmişli" klubu ictimaiyyətə yeni baş məşqçi olan Əsgər Abdullayevi təqdim etdi.[9]
Futbolçular[10]
|
- ↑ ""MKT–ARAZ"IN ÖLKƏ FUTBOL ÇEMPİONATINDA İŞTİRAK ETMƏYƏCƏYİ RƏSMƏN TƏSDİQLƏNDİ". azertag.az (az.). İstifadə tarixi: 17 avqust 2025.
- ↑ İmanov, Xanoğlan. ""Uşaqlar ağlayır ki, komandanı dağıtmayın" - İmişli futbolunun mövcud durumu - FOTOLAR". Sportinfo.Az (az.). 17 oktyabr 2021. İstifadə tarixi: 17 avqust 2025.
- ↑ İmişli FK 2024/25 mövsümündə 2-ci yer, Livescore.com, 2025.
- ↑ The format of the Azerbaijan Premier League has been changed, Offsideplus.az, 18 aprel 2025.
- ↑ Xanlarov, Anar. "Allah sizə rəhmət eləsin, ölülər YAZI". sportal.az (ingilis). İstifadə tarixi: 17 avqust 2025.
- ↑ Reytinqə sözardı, yaxud "Neftçi" "Qarabağ"ı necə keçdi? Arxivləşdirilib 2022-02-18 at the Wayback Machine (az.) apasport.az tarixi:2010.11.27
- ↑ "Arxivlənmiş surət". 2023-04-09 tarixində arxivləşdirilib. İstifadə tarixi: 2023-04-07.
- ↑ "Arxivlənmiş surət". 2023-08-05 tarixində arxivləşdirilib. İstifadə tarixi: 2023-08-05.
- ↑ "Arxivlənmiş surət". 2023-08-05 tarixində arxivləşdirilib. İstifadə tarixi: 2023-08-05.
- ↑ "Arxivlənmiş surət". 2019-10-03 tarixində arxivləşdirilib. İstifadə tarixi: 2023-03-09.