Mikolas Alekna (lit. Mykolas Alekna; 28 sentyabr 2002[1], Vilnüs) — 2024-cü ildə Paridə keçirilən Yay Olimpiya Oyunlarının gümüş medalçısı, 2022-ci il Avropa çempionu, 2022-ci il Dünya çempionatının gümüş medalçısı, 2023-cü il Dünya çempionatının bürünc medalını qazanmış litvalı disk atıcı.
| Mikolas Alekna | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| lit. Mykolas Alekna | ||||||||||||||||||||||||||
 | ||||||||||||||||||||||||||
| Şəxsi məlumatlar | ||||||||||||||||||||||||||
| Vətəndaşlığı |
 Litva |
|||||||||||||||||||||||||
| Doğum tarixi | 28 sentyabr 2002[1] (22 yaş) | |||||||||||||||||||||||||
| Doğum yeri | ||||||||||||||||||||||||||
| Təhsili | ||||||||||||||||||||||||||
| Boyu | 1.94 sm | |||||||||||||||||||||||||
| İdman növü | yüngül atletika (disk atma) | |||||||||||||||||||||||||
|
Medallar
|
||||||||||||||||||||||||||
 Vikianbarda əlaqəli mediafayllar | ||||||||||||||||||||||||||
19 yaşında ikən, 2022-ci il Dünya çempionatının gümüş medalını qazanaraq, tarixdə disk atma üzrə ən gənc medal sahibi olub. 14 aprel 2024-cü ildən disk atma üzrə dünya rekorduna sahibdir.
Mikolas Alekna disk atma üzrə ikiqat Olimpiya çempionu Virgiliyus Aleknanın oğludur. Onun böyük qardaşı Martinas Alekna (2000-ci il təvəllüdlü) da disk atıcıdır, Litva milli komandasının üzvüdür. O, həmçinin, 2024-cü il Olimpiadasında iştirak edib. Bacısı Qabriele Aleknayte isə, hündürlüyə tullanma ilə məşğuldur.
2022-ci ilin iyununda, 19 yaşlı Mikolas Stokholmda keçirilən Diamond Liqasında yarışaraq, ikinci yeri tumuşdu. O, 69,81 m məsafəyə disk atmaqla yeni şəxsi rekordunu qırıb və öz həmyaşıdları arasında disk atma üzrə rekorda imza atıb. İyul ayında Oreqon ştatının Yudjin şəhərində keçirilən 2022-ci il Dünya çempionatında o, Kristyanu Çexdən sonra, dünyanın ən gənc disk atıcısı kimi, ikinci yerin qalibi oldu. Bu yarıçdan bir müddət sonra, Münhendə keçirilən 2022-ci il Avropa çempionatında Alekna, Avropa çempionatının rekordunu (69,78 m) təyin edərək çempion adını aldı.
29 aprel 2023-cü ildə Kaliforniyanın Berkli şəhərində keçirilən Big Meet yarışında Alekna 70 metr məsafəni qət edərək tarixin ən gənc disk atıcısı oldu və 23 yaşadək uşaqlar arasında yeni Avropa rekordu qırdı.
2023-cü ildə Budapeştdə keçirilən dünya çempionatında Mikolas 68,85 m nəticə ilə bürünc medal qazandı.[3]
14 aprel 2024-cü ildə Oklahoma ştatının Ramona şəhərində keçirilən Oklahoma Throws Series yarışında Alekna Şərqi Almaniyadan olan Yurgen Şultun 1986-cı ilin iyununda təyin etdiyi 74,08 m-lik dünya rekordunu qıra bildi. İlk beş cəhdində Alekna şəxsi ən yaxşı atışlarını üç dəfə təkmilləşdirərək tarixin ən uzun atışlar siyahısında 10-cu, sonra 4-cü və nəhayət 1-ci yerə yüksəldi (müvafiq olaraq 72,21 m, 72,89 m və 74,35 m).[4] Şultun rekordu, kişilərin yüngül atletika: nizə atmada ən qədim rekord sayılırdı.[5][6]
O, 2024-cü il iyunun əvvəlində Romada keçirilən Avropa çempionatında 67,48 m nəticə ilə üçüncü yeri tutub.
7 avqust 2024-cü ildə Parisdə keçirilən Yay Olimpiya Oyunlarında disk atmada gümüş medal qazanıb. Mikolas finaldakı ikinci cəhdində diski 69,97 m məsafəyə ataraq atasının 2004-cü ildə müəyyən etdiyi Olimpiya rekordunu 8 sm geridə qoymağı bacarıb. Lakin yamaykalı Rocer Stona dördüncü cəhdində diski, Mikolasdan 3 sm irəliyə ataraq qızıl medal qazanıb.
13 aprel 2025-ci ildə Oklahomada (2024-cü ildə dünya rekordunu qırdığı yer) keçirilən yarışda diski 75,56 m məsafəyə atdı. Eyni zamanda, Alekna daha bir 74,89 m atışla dünya rekordunu üstələməyi bacarıb.
- ↑ 1 2 https://worldathletics.org/athletes/-/14841124.
- ↑ https://calbears.com/sports/track-and-field/roster/mykolas-alekna/23555.
- ↑ "Американцы Ша'Кэрри Ричардсон и Грант Холлоуэй, Хью Фабрис Занго из Буркина-Фасо и швед Даниэль Штоль – победители третьего дня чемпионата мира в Будапеште". allsportinfo.ru. 2023-09-08 tarixində arxivləşdirilib. İstifadə tarixi: 2023-08-22.
- ↑ "Alekna breaks discus world record with 74.35m in Oklahoma". World Athletics (ingilis). 2024-04-14. 2024-07-03 tarixində arxivləşdirilib. İstifadə tarixi: 2024-04-15.
- ↑ "В лёгкой атлетике побили старейший мировой рекорд. Никто не мог этого сделать 38 лет!". Чемпионат. 2024-04-15. 2024-04-25 tarixində arxivləşdirilib. İstifadə tarixi: 2024-04-25.
- ↑ "Побит старейший мировой рекорд в лёгкой атлетике. Но без хитрости не обошлось". Советский спорт. 2024-04-15. 2024-04-25 tarixində arxivləşdirilib. İstifadə tarixi: 2024-04-25.
- ↑ Dėl apdovanojimo Lietuvos valstybės ordinais
- ↑ Dėl apdovanojimo Lietuvos valstybės ordinais ir medaliais
| Sələfləri Yurgen Şult 
|
Disk atma üzrə dünya rekordu 14 aprel 2024 — hal-hazırda |
Xələfləri — |