Mifologiya rəssamlığı

Mifologiya rəssamlığı və ya Mifoloji rəssamlıq (fr. mythologique sözündən) — təsviri incəsənətin bir bölməsidir və bu janrda əsərlərin süjeti üçün müxtəlif xalqlara məxsus qədim rəvayətlər, əfsanələr, miflər və ya nağıllar əsas götürülür.^[1] Bu cür təsvirlər müəllif tərəfindən həm realist, həm də xəyali formada təqdim oluna bilər.

Mifoloji rəssamlıq janrına ilahların, döyüşçülərin, qəhrəmanların və digər mifoloji varlıqların təsvirləri nümunə ola bilər.

Mifoloji rəssamlığın tarixi

Qədim dövrlərdən bəri rəssamlıq insanın həyatında mühüm rol oynamışdır. Mifoloji rəssamlıq isə ən qədim rəssamlıq janrlarından biridir.

Antik dövr

Bu janr hələ Antik dövrdə, xüsusilə də Qədim Yunanıstanda yaranmışdır. İlkin nümunələr Qədim yunan ilahlarının, eləcə də müxtəlif qəhrəmanların təsvirlərindən ibarət idi. Bir çox sənətkar ilahları və mifik qəhrəmanları heykəltəraşlıq əsərlərində, mozaikalarda, daş və ya taxta lövhələrdə təsvir edirdilər. Sonradan, Qədim Romada da ilahların, qəhrəmanların və mifik heyvanların təsvirlərinə, daha çox heykəllər şəklində rast gəlinməyə başlanmışdır.

Sonrakı dövrlər

Əsrlər boyu Avropa rəssamları Yunanıstan, Roma və Slavyan ilahlarını, eləcə də qəhrəmanları öz əsərlərində canlandırmışlar. Hazırda biz həm qədim dövrə aid, həm də XX əsr daxil olmaqla, mifoloji rəssamlığın çoxsaylı nümunələrini görə bilərik.

Görkəmli nümayəndələr

Bu janrda əsərlər yaratmış məşhur rəssamlar sırasına aşağıdakılar daxildir:

Andrea Mantenya (Andrea Mantegna)
Corcone (Giorgione)
Rafael Santi (Raffaello)
Tisian Veçellio (Tiziano)
Rembrandt (Rembrandt)
Paolo Veroneze (Paolo Veronese) və digərləri.

Qalereya

"Venera və Mars", 1570-ci illər. Paolo Veroneze
"Herakl və Hidra" 1475. Antonio del Pollayolo

İstinadlar

↑ Исторический жанр Arxivləşdirilib 2017-08-24 at the Wayback Machine // Большая Российская Энциклопедия (БРЭ)

Ədəbiyyat siyahısı

Мифологический жанр // Краткий словарь терминов изобразительного искусства / Под общей редакцией Г. Г. Обухова. — М.: Советский художник, 1961. — С. 93. — 190 с. — 15 000 экз.

[1] Исторический жанр Arxivləşdirilib 2017-08-24 at the Wayback Machine // Большая Российская Энциклопедия (БРЭ)

[1]