Vikipediya ?

Meyvə
Meyvələrin satışı
Müxtəlif meyvələr

Meyvə - bitkinin generativ orqanıdır.

Quruluşu

Meyvə, adətən 2 hissədən ibarətdir:

  • meyvəyanlığı
  • toxumdan.

Meyvəyanlığı yumurtalığın divarından, toxum isə yumurtacıqdan inkişaf edir. Meyvəyanlığının quruluşuna görə meyvələr iki tipə bölünür:

  • şirəli
  • quru.

Meyvələr toxumun sayına görə birtoxumlu və çoxtoxumlu meyvələr qrupuna bölünür. Əsil meyvə dişiciyin yumurtalığından əmələ gəlir. Lakin meyvələrin əmələ gəlməsində çiçək yatağı, erkəkciyin oturacağı, ləçəklər, kasayarpaqları, çox zaman isə çiçək yatağının genişlənmiş hissəsi iştirak edə bilir. Bunlara yalançı meyvə deyilir (alma, armud, heyva, quşarmudu, yemişanın əmələ gətirdiyi yalançı meyvə - alma meyvə).

İstifadəsi

Meyvələrdən əhali, adətən, qida məhsulu kimi istifadə edir, mürəbbə, qatı şirələr (doşab və ya bəhməz), konserv hazırlayır. Meyvələrin əksəriyyətindən çox qədim vaxtdan xalq arasında müxtəlif xəstəliklərin müalicəsi üçün də istifadə olunub. Elm sübut edib ki, təzə meyvələr vitaminlərin ən zəngin mənbəyidir. Onlar qida ilə bir yerdə qəbul edildikdə avitaminozun (vitamin çatışmamazlığının nəticəsində baş verən xəstəliklərin) qarşısını alır.

Meyvələrin tərkibində olan şəkərlər və polisaxaridlər, xüsusi pektin maddələri mədənin həzmetmə prosesinin fəaliyyətini tənzimləyir, üzvi turşular isə susuzluğun qarşısını alır. Bu isə malyariya və şəkər diabetinə tutulan xəstələrə yaxşı müalicəvi təsir göstərir. Odur ki, malyariya və diabet xəstəliyinə tutulmuş adamlara təzə meyvələr (şirəli və giləmeyvələr) yemək məsləhət görülür. Xalqın uzun illərdən bəri müşahidələri nəticəsində müəyyən edilmişdir ki, bəzən meyvə ağaclarının digər hissələrindən də (yarpaqlarından, çiçəklərindən, qabıq və köklərindən) dərman kimi istifadə edilir. Məsələn, heyvanın yarpağından, narın qabığından, yemişanın çiçəklərindən və s. Quru meyvələrin faydası Təkcə təzə deyil, quru meyvələrin yeyilməsinin də insan sağlamlığına müsbət təsiri danılmazdır. Elmi araşdırmalar nəticəsində məlum olub ki, tərkibi A vitamini ilə zəngin qaysı stress və qan azlığını aradan qaldırır, dəridəki problemlərə yaxşı təsir göstərir. Gündə 5 ədəd qaysı yemək ürək damarları və sinir sistemi üçün faydalıdır. Enerji mənbəyi olan kişmiş bəlğəmgətirici xassəyə malikdir. Gündə 10 ədəd kişmiş yemək təzyiqi aşağı salır, iltihablara qarşı dərman vasitəsi kimi də istifadə olunur. Alma qurusu da sağlamlıq üçün çox xeyirlidir. Hər gün bir ovuc alma qurusu yorğunluğu aradan qaldırır. Xurma antioksidant təsirə malikdir. Orqanizmi gücləndirir, xərçəngdən müdafiə edir, dərinin gözəlləşməsi üçün də xurma yemək çox faydalıdır. Tərkibində olan B1 və B2 vitaminləri sinir sistemini qoruyur. Quru tut qan artıran vasitədir. Hərarəti aşağı salmaq üçün də təsirli vasitədir. Vitaminlə zəngin quru tut stressi aradan qaldırır və tox saxlayır.

Əncir qurusu tərkibində yağ və xolesterin olmadığına görə arıqlamaq istəyənlər üçün yaxşı vasitədir, boğaz ağrıları üçün də xeyirlidir.

== İstinadlar ==

Mənbə:azertag.az,nkpi.az 2019-04-15


Həmçinin bax

Vikianbarda Meyvə ilə əlaqəli mediafayllar var.

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18