1975-ci ildə Kayseri şəhərində anadan olub.1992-ci ildə Ankara Qazi Anadolu orta məktəbində orta təhsil, 1996-cı ildə fizika fakültəsində ali təhsilini. Boston Universitetinin kvant vizualizasiya laboratoriyasında isə doktorluq təhsilini bitirmiş, dərəcəsini almışdır.

2002-2007-ci illərdə Sürix Federal Texnologiya İnstitutunun kvant fotonikası qrupunda Ataç İmamoğlu ilə birlikdə işləmişdir. 2007-ci ildə Kembric Universitetinin Kavendiş Laboratoriyasında müəllim kimi fəaliyyətə başlamışdır. Kembric Universitetində yaratmış olduğu öz tədqiqat qrupu ilə birlikdə kvant fizikası və gələcəyin texnologiyaları üzərində işləyərkən Atatüte 2011-ci ildə dosent adını almışdır.

2010-2015-ci ilərdə Çin Elmlər Akademiyasının xüsusi dəvətlilər proqramı çərçivəsində elmi məsləhətləşmələr aparan Mete Atatüre İngiltərədə Fizika İnstitutu və Türkiyə Elmlər Akademiyasının üzvüdür.

Professor Mete Atatüre kvant texnologiyalarında "maraqlı tətbiqlər" yaradaraq yarımkeçiricilər və almazlarda kvant optik fenomenlərə novator töhfəsinə görə Tomas Yanq 2020 mükafatını qazandı.

Böyük Britaniya və İrlandiyadakı fiziklər üçün professional qurum olan Fizika İnstitutu tərəfindən verilən illik mükafatlar fərdlər və komandaların fizikaya verdikləri töhfəni qiymətləndirir.