Meri Li Abbott (d. 27 iyul, 1921 – ö. 23 avqust, 2019)[6] — amerikalı rəssam olub, 1940-cı illərin sonu və 1950-ci illərdə Nyu-York Məktəbinin abstrakt ekspressionistlərindən biri kimi tanınırdı.[7] Onun abstrakt və fiqurativ üslubda çəkilmiş əsərlərinə 1950-ci illərdə mütəmadi olaraq yaşadığı Santa-Krus və Haiti səfərləri də təsir göstərmişdi.
| Meri Abbott | |
|---|---|
| Doğum tarixi | 27 iyul 1921[1] |
| Doğum yeri | |
| Vəfat tarixi | 23 avqust 2019[2] (98 yaşında) |
| Vəfat səbəbi | ürək çatışmazlığı[5] |
| Təhsili | |
| Fəaliyyəti | rəssam, incəsənət xadimi, model[d], universitet müəllimi[d] |
Abbott Nyu-York şəhərində anadan olub və Çapin məktəbində təhsil alıb.[8] Onun ailəsi ABŞ-ın ikinci prezidenti Con Adamsın nəslindən idi. Abbottun anası, Elizabet Qrinnel şairə və "Xerst" qəzetləri üçün məqalələr yazan jurnalist idi.[9] Onun ailəsi yay aylarını tez-tez Nyu-Yorkun Lonq-Aylend adasında, Sauthemptonda keçirirdi.[10]
O, Nyu-York İncəsənət Tələbələri Liqasında rəssam Corc Qroszun tələbəsi olub. Daha sonra "Rəssamın predmetləri" adlı eksperimental məktəbdə Barnett Nyuman, Mark Rotko və Devid Heyr kimi tanınmış sənətçilərlə işləyib. Abbott 1930-cu illərin sonlarında Vaşinqtonda, Korkoran Muzey Məktəbində (indiki Korkoran İncənət və Dizayn Məktəbində) təhsilini davam etdirib.
O, 1943-1946-cı illər arasında rəssam Lyuis Tiqlə evli olub. Tiqdən ayrıldıqdan sonra iş adamı Tom Klayd ilə ailə qurub.[11] Abbott və Klayd qış aylarını tez-tez Haiti və Santa-Krusda keçirirdilər. Abbottun rəsmlərinə bu bölgələrin insanları və mənzərələri ilham verirdi.[12]
İkinci Dünya Müharibəsindən sonra Abbott incəsənət sahəsində karyerasını ciddi şəkildə davam etdirdi və aşağı Manhettendə yaşayan sənətçiləri birləşdirən "Dauntaun qrup"a qoşuldu. 1946-cı ildə Manhettendə, onuncu küçədə öz sənət emalatxanasını açdı.[10] Manhettendə olması ona sənətçilərlə daha yaxın olmaq imkanı verdi. Filip Pavia onu "Rəssamlar klubu"nun 3 qadın üzvündən biri seçdi (digər iki üzv Eleyn de Kuninq və Perle Fayn idi).[13] Abbott sonralar belə deyirdi:
"Ümumiyyətlə, klubdakı qadınlar digər üzvlərdən fərqli qəbul edilmirdi – sənətçi sənətçidir. Bəzən isə sadəcə gözəl olduğuna görə fərqli münasibət görürdün. Məsələn, məndən üzvlük haqqını toplamağı və içkiləri almağı istəyirdilər, çünki mən xahiş edəndə kişilər dərhal ödəyirdi. Amma bəzən də ciddi qəbul edilmək üçün sərt olmalı idin."
1948-1949-cu illərdə Abbott, Villem de Kuninqin təsiri altında sənət üslubunu inkişaf etdirdi. Onun fırça ilə davranışları da de Kuninqin "Rəssamın predmetləri" dərsində iştirak etdikdən sonra nəzərəçarpacaq dərəcədə dəyişdi. Abbott, de Kuninq, Cekson Pollok və Robert Madervell kimi rəssamlarla birlikdə məşhur Cedar Tavern kafesini tez-tez ziyarət edirdi. Bu məkan, Abstrakt Ekspressionistlər üçün mühüm görüş yeri idi və Abbottun sözlərinə görə, onlar burada incəsənət, ideyalar və fəlsəfə barədə müzakirələr aparırdılar.[12]
1950-ci illərdə Abbott Nyu York məktəbində birinci nəsil şairlərdən olan Barbara Gest ilə əməkdaşlıq etməyə başladı. Abbott, Gestin şeirlərindən ilhamlanaraq "poeziya rəsmləri" adlandırdığı əsərlər yaratdı.[14]
Onun rəsmləri parlaq rənglərdən ibarət idi və təbiətdən, Karib dənizi adalarına etdiyi səfərlərdən ilham alırdı.[11][15]
2016-cı ildə Abbottun əsərləri Denver İncəsənət Muzeyi tərəfindən təşkil edilən "Abstrakt Ekspressionizmdə Qadınlar" sərgisində nümayiş etdirildi.[16]
O, 23 avqust 2019-cu ildə, 98 yaşında ürək çatışmazlığından dünyasını dəyişdi.[6][11]
2023-cü ildə onun əsərləri Vaytçepel Qalereyası (London) tərəfindən təşkil edilən "1940-1970-ci illərdə fəaliyyət, jest, boya: qadın rəssamlar və qlobal abstraksiya " adlı sərgidə nümayiş etdirildi.[17]
- ↑ http://www.dbfineart.com/artists/mary-abbott-b-1921.
- ↑ 1 2 3 https://www.artforum.com/news/mary-abbott-1921-2019-80736.
- ↑ Smithsonian American Art Museum person/institution ID.
- ↑ Directory of Southern Women Artists. The Johnson Collection.
- ↑ https://news.artnet.com/art-world/painter-mary-abbott-has-died-1647730.
- ↑ 1 2 "Artist Mary Lee Abbott Of Southampton Dies August 23 - Southampton". www.27east.com. 2019-08-26. İstifadə tarixi: 2019-09-12.
- ↑ "Mary Abbott". Ideelart (ingilis). İstifadə tarixi: 2019-09-13.
- ↑ Saxton, Diane. "Mary Abbott: Quintessential American". HuffPost (ingilis). 2012-09-11. İstifadə tarixi: 2019-09-12.
- ↑ "Mary Abbott - Artist, Fine Art Prices, Auction Records for Mary Abbott". www.askart.com.
- ↑ 1 2 "East End Stories, Mary Abbott (American 1921–)". The Parrish Art Museum. 2011-10-09 tarixində orijinalından arxivləşdirilib. İstifadə tarixi: 2019-09-12.
- ↑ 1 2 3 Selvin, Claire. "Mary Abbott, Postwar Painter of Beguiling Abstractions, Dead at 98". ARTnews (ingilis). 2019-09-10. İstifadə tarixi: 2019-09-12.
She married painter Lewis Teague in 1943, though the couple separated in 1946.
- ↑ 1 2 Genzlinger, Neil. "Mary Abbott, Abstract Expressionist, Is Dead at 98". The New York Times (ingilis). 2019-10-01. ISSN 0362-4331. İstifadə tarixi: 2020-03-04.
- ↑ Krysa, Danielle. A big important art book (now with women) : profiles of unstoppable female artists--and projects to help you become one (First). Philadelphia. 2018-10-02. ISBN 978-0-7624-6379-4. OCLC 1023484688.
- ↑ Women of abstract expressionism. Marter, Joan M., Chanzit, Gwen Finkel, 1948-, Denver Art Museum, Mint Museum (Charlotte, N.C.), Palm Springs Art Museum, Whitechapel Art Gallery. Denver, Colorado. 2016. ISBN 978-0-300-20842-9. OCLC 926820720.
- ↑ "Mary Abbott (1921–2019)". Artforum.com (ingilis). 11 September 2019. İstifadə tarixi: 2019-09-12.
- ↑ Marter, Joan M. Women of abstract expressionism. Denver New Haven: Denver Art Museum Yale University Press. 2016. səh. 162. ISBN 9780300208429.
- ↑ "Action, Gesture, Paint". Whitechapel Gallery (ingilis). İstifadə tarixi: 15 April 2023.