Meri Çemberlen

Çemberlen 3 sentyabr 1947-ci ildə Cənubi Londonda anadan olub ^[2] və Edinburq Universiteti, London İqtisadiyyat və Siyasi Elmlər məktəbi, həmçinin London Universitetinin Royal Hollouey kollecindən dərəcələr alıb. O, siyasi elmlər üzrə alim Ştayn Ringen ilə evlidir. Çemberlen əvvəlcə Keri Harrison ilə evli olub.^[3]

Çemberlen Oksford Bruks Universitetinin tarix üzrə təqaüdçü professorudur.^[4] Onun "Fenvumin: İngilis kəndində qadınların portreti" adlı kitabı 1975-ci ildə Virago Press tərəfindən nəşr edilən ilk kitab olub və qadın tarixi araşdırmalarında şifahi tarix metodunun istifadəsinə öncülük edib. Bu kitab eyni zamanda Keril Çörçillin mükafat qazanan Fen (1983) pyesinin ilham mənbəyi olub. Fenvumin kitabından sonra qadın tarixi ilə bağlı iki digər kitabı da çap olunub: "Qoca qarıların nağılları: onların tarixi, müalicə üsulları və sehrləri və "Lambetdə Böyümək".

1987-1991-ci illərdə o, Barbadosda yaşayıb və Karib hövzəsi tarixi üzrə işləməyə başlayıb. Şifahi tarix metodundan istifadə edərək, miqrasiya və ailələr haqqında ilkin araşdırmalar aparıb və "Sürgün və qayıdış hekayələri" ^[5] ilə "Diasporada ailə sevgisi: miqrasiya və anqlo-karib təcrübəsi"^[6] adlı iki kitab nəşr edib. Bundan əlavə, dekolonizasiya mövzusunda Empire and Nation-building in the Caribbean: Barbados 1937–1966 adlı kitab yazıb.

Çemberlen şifahi tarix elminin qurucularından biri hesab edilir.^[7] 1977-1987-ci illərdə "Oral History Journal" jurnalının icmal redaktoru olub və London History Workshop Mərkəzinin həmtəsisçilərindən biridir.^[8] O, qadın tarixi, şifahi tarix və Karib tarixi mövzularında çoxsaylı məqalələrin müəllifidir, bir neçə kitab edib və "Memory and Narrative" seriyasının təsisçi redaktoru olub. O, redaksiya, məsləhət və hökumət komitələrində çalışıb, həmçinin Qərbi Hindistan Universitetində (1995, 2004) və Nyu-York Universitetində (2004) qonaq professor kimi dərs deyib. Çemberlen bir sıra tədqiqat mükafatlarının laureatıdır və Britaniya Kitabxanasının Milli həyat hekayələri kolleksiyası və Rafael Samuel Tarix mərkəzinin məsləhətçisidir.^[9] 2012-ci ildə Milli Həyat Hekayələri layihəsi çərçivəsində Britaniya Kitabxanasının Şifahi tarixin şifahi tarixi kolleksiyası üçün Mary Çemberlen ilə bir müsahibə (C1149/27) aparılıb.^[10]

Çemberlen 1960-cı və 1970-ci illərdə Afrika Milli Konqresi (AMK) tərəfindən cəlb edilmiş və London Könüllüləri adlanan qrupun üzvlərindən biri idi. Bu qrupun gənc üzvləri, 1963-64-cü illərdə Rivoniya məhkəmələrindən sonra AMK-nin zəiflədilməsindən sonra, AMK və Cənubi Afrika Kommunist Partiyasının (CAKP) ədəbiyyatını gizli şəkildə Cənubi Afrikaya gətirmək üçün çalışırdılar.^[3][11][12]

Çemberlen 2021-ci ildə Şərqi İngiltərə Universiteti tərəfindən fəxri doktor dərəcəsi ilə təltif edilib.^[13][14]

• The Lie (2023)
• The Forgotten (2021)
• The Hidden (2019)
• The Dressmaker of Dachau (2015)
• The Mighty Jester (2014)
• Empire and Nation-building in the Caribbean: Barbados 1937 – 1966 (2010)
• Memories of Mass Repression (editor, with Nanci Adler, Selma Leydesdorff, Leyla Neyzi, 2009)
• Family Love in the Diaspora: Migration and the Anglo Caribbean Experience (2006)
• Caribbean Families in Britain and the Transatlantic World (editor, with Harry Goulbourne, 2001)
• Caribbean Migration: Globalised Identities (editor, 1998)
• Narrative and Genre (editor with Paul Thompson, 1998, 2004)
• Narratives of Exile and Return (1997, 2004)
• Growing Up In Lambeth (1989)
• Writing Lives (editor, 1988)
• Old Wives’ Tales: Their Histories, Charms, Spells (1981, 2006)
• Fenwomen: A Portrait of Women in an English Village (1975, 1983, 2011)

1. ↑ "Chamberlain, Mary". worldcat.org. İstifadə tarixi: 20 October 2016.
2. ↑ Who's Who entry on Mary Chamberlain, 2006 to present. London, A & C Black'
3. ↑ ^{1 2} Mary Chamberlain, "My secret war against apartheid: Mary Chamberlain risked everything to help break the regime in South Africa", The Independent, 8 April 2015.
4. ↑ [1]^{[ölü keçid]}
5. ↑ Paul Thompson, Review of Narratives of Exile and Return in Reviews in History.
6. ↑ Alan L. Karras, Review of Family Love in the Diaspora, Migration and the Anglo-Caribbean Experience, in Journal of Social History, Vol. 40, No. 4, summer 2007, pp. 1055–1057.
7. ↑ Mary Chamberlain interviewed by Robert Wilkinson, Oral History of Oral History in the UK, British Library.
8. ↑ "History Workshop Centre for London History: An Announcement"^{[ölü keçid]}, History Workshop Journal, 13 (1): 182-183, 1 March 1982. See also "London History Workshop Centre, London", National Archives
9. ↑ "Centre Team and Advisory Group", The Raphael Samuel History Centre.
10. ↑ National Life Stories, 'Chamberlain, Mary (1 of 21) National Life Stories Collection: Oral History of Oral History', The British Library Board, 2012. Retrieved 9 October 2017
11. ↑ Ken Keable (ed.), London Recruits: The Secret War Against Apartheid, Pontypool: The Merlin Press, 2012.
12. ↑ See also London Recruits.
13. ↑ "Covid vaccine co-creator Sarah Gilbert among 2022 UEA honorary graduates". Eastern Daily Press (ingilis). 2021-08-20. İstifadə tarixi: 2024-08-16.
14. ↑ "Chamberlain, Prof Mary - Honorary Doctorate in Letters (2022)". University of East Anglia (ingilis). İstifadə tarixi: 2024-08-16.