Menteşe dağları— Egey regionu və Böyük Menderes çayının cənubunda yerləşən dağ qrupudur. Sahil Egey dağlarından fərqli olaraq, onlar şərq-qərb istiqamətində deyil, Cənub-şərq-Şimal-qərb istiqamətində uzanır. Tektonik qırılmalarla əmələ gələn dağlar horstlardır.

Menteşe dağları
Türkiyэ, cənubi Egey regionunda, Menteşe dağları və yaxın ətrafı
Yerləşməsi
37°17′24″ şm. e. 28°17′24″ ş. u.

Madran dağı, Oyuklu dağı Şərqi Menteşe dağlarını, Beşbarmaq dağı, Kurukümes dağları (Karakümes dağları), Marçal dağları Qərbi Menteşe dağlarını təşkil edir.

Şərqi Menteşe dağları ilə Qərbi Menteşe dağları arasında Çine çayının vadisi yerləşir. Şərqi Menteşe dağları ilə Karıncalı dağı arasında Akçay çayının vadisi və Bozdoğan ilçəsi var. Bu çökəklikdə Akçay çayı üzərində tikilmiş Kəmər Su Bəndi yerləşir.

Oyuklu dağı (1892 m) karst eroziyası ilə dəlik-deşik olduğuna görə belə adlanır. Su olmayan dağlarda çox yaşayış məntəqəsi yoxdur. Muğla şəhəri dağın cənub-qərbindəki düzənlikdə qurulmuşdur.

Madran dağının ən yüksək nöqtəsi 1792 m-dir. Dağ ətəkləri və üzərində 150-yə yaxın kənd var. Şərqdə Bozdoğan, qərbində Çine ilçəsi, şimalda Yenibazar ilçəsi yerləşir. Madran dağından Oyuklu dağına cənub-şərqdən alçaq bir həddən keçmək olar.