Qafqazın və Qərbi Asiyanın meşələrində təbii halda yayılmışdır.

Hündürlüyü 3-5 m-ə qədər olan, çılpaq budaqlı koldur. Yarpaqların uzunluğu 6-12 sm, eni 2-6 sm, yumurtavari-neştər formalıdır. Səthi dərivari, tam kənarlı və biz ucludur. Çiçəkləri xoş ətirli, sarımtıl-ağ rənglidir, qısa çiçək saplağında dəstələrlə yerləşir. İyun ayında çiçəkləyir, meyvələri oktyabrda yetişir. Qələmlərlə çoxaldılır.

Yavaş böyüyür, kölgəyə davamlı və rütubətsevəndir.

Abşeron şəraitində normal inkişaf edir. Respublikamızda bir çox rayonlarda mədəni şəraitdə becərilir.

Çiçəkləmə və meyvələrin yetişməsi dövründə dekorativ görünür. Yaşıllaşdırmada tək və qrup əkinlərində istifadə edilir.

• Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.