Bu məqaləni vikiləşdirmək lazımdır. |
"Me Too" hərəkatı müxtəlif yerli və beynəlxalq şirkətlərdə, iş yerlərində baş verən cinsi təcavüzə qarşı hərəkatdır. Hərəkat 2017-ci ilin oktyabrın 15-də cinsi təcavüz və təcavüzün xüsusilə iş yerlərində yaygın olduğunu göstərmək üçün sosial mediada yayılmağa başlayıb. Prodüser Harvi Vaynşteynə qarşı cinsi qısnama iddiaları ilə davam edib. Amerikalı ictimai fəal Tarana Börk 2006-cı ilin əvvəlində "Me Too" həştəqindən istifadə etməyə başladı və bu ifadə daha sonra 2017-ci ildə amerikalı aktrisa Alisa Milano tərəfindən Twitter-də məşhurlaşdı. Milano cinsi qısnama qurbanlarını "Mən də" (#MeToo) başlığı altında cinsi təcavüz və zorakılıq təcrübələri haqqında tweet atmağa təşviq etdi. Daha sonra hərəkata amerikalı məşhurlar Qvinet Peltrou, Eşli Cadd, Cenifer Lourens, Nikol Kidman və Uma Turman dəstək verib.
Tarana Börk 2006-cı ildə "Mən də" hərəkatını yaratdı. Yarandığı ilk illərdə cinsi zorakılığın baş verdiyi yerdə araşdırmaları sona qədər aparmağa həsr olunmuş çempionlar şəbəkəsi yaratmağa başladı.
"Me too" həştəqi 2017-ci ildə viral oldu və dünyanı cinsi zorakılığın ciddiliyi barədə xəbərdar etdi. Kiçik miqyasla başlayan çağırış tezliklə qlobal hərəkata çevrildi. O, cəmi altı ay ərzində təcavüz qurbanlarının qlobal birliyinə çevrildi. Bu çağırışı duyan cəmiyyətin müxtəlif təbəqələrindən olan milyonlarla insan "mən də" deməyə başladı.
"Me Too" hərəkatı sağ qalanların artan spektrinə — gənclərə, fərqli oriyentasiyalı olanlara, əlillərə, qaradərili qadınlara, qızlara və bütün icmalara kömək etmək fikrini davam etdirir. Hərəkat fərdin özünəməxsus müalicəvi səyahəti üçün düzgün giriş nöqtəsini tapmaqda kömək etmək üçündür. Həm də sağ qalanların geniş bazasını gücləndirir və dünyamızda cinsi zorakılığın yayılmasına imkan verən sistemləri pozmağa çalışır. Bu, uzunmüddətli, sistemli dəyişikliyi davam etdirmək üçün strategiyaların həyata keçirilməsi ilə yanaşı, günahkarların cavabdehlik daşımasını tələb edir. Beləliklə, bir gün heç kim bir daha "mən də" deməli olmayacaq.