Mayns kafedralı

Mayns kafedralı və ya Müqəddəs Martin kafedralı (almanca: Mainzer Dom, Martinsdom və ya rəsmi olaraq Der Hohe Dom zu Mainz) — Almaniyanın Mayns şəhərinin tarixi mərkəzinin yaxınlığında və piyadalar üçün nəzərdə tutulmuş bazar meydanında yerləşir. Bu 1000 illik Roma-Katolik kafedralı, Mayns Yepiskopunun yepiskopluq mərkəzidir. Mayns kafedralı əsasən Roman üslubunda olsa da, sonrakı əsrlərdə edilən xarici əlavələr müxtəlif memarlıq təsirlərinin görünüşünə səbəb olmuşdur. Kafedral üç nefdən ibarətdir və Müqəddəs Martin Turun himayəsi altındadır. Şərq xor Müqəddəs Stefana həsr edilmişdir.

katolisizm
Mayns kafedralı
Ölkə	Almaniya Federativ Respublikası[1]
Üslubu	roman memarlığı
Uzunluğu	116 m
mainzer-dom.de
Vikianbarda əlaqəli mediafayllar

Kafedralın daxili, keçmiş güclü Seçki-Prins-Arxiyepiskopların (Kürfürst-Erzbischöfe) məzarları və abidələrini, həmçinin minilliklər boyu dini sənət əsərlərini özündə birləşdirir. Kafedralın həmçinin mərkəzi həyəti və ərazisində Müqəddəs Bonifas və Məryəm Ana heykəlləri var.