Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Maxsudəli Abbas oğlu Maxsudov (15 aprel 1941, Bəcrəvan kəndi, İmişli rayonu, Azərbaycan SSR) — tanınmış inşaat mühəndisi, uzun illər Azərbaycanın sənaye tikintisində aparıcı şəxs olmuşdur. O, 30 il ərzində "Azərbaycanın Respublikasının Əməkdar mühəndisi" fəxri adını daşımış, respublikanın sosial-iqtisadi inkişafına verdiyi töhfələrə görə "Tərəqqi" medalı ilə təltif olunmuş, 2019-cu ildə fərdi Prezident təqaüdünə[1] layiq görülmüşdür.[2]
| Maxsudəli Maxsudov | |
|---|---|
| Maxsudəli Maxsudov Abbas oğlu | |
 | |
| 1984 – 2001 | |
| Şəxsi məlumatlar | |
| Doğum tarixi | |
| Doğum yeri | Azərbaycan SSR, İmişli rayonu, Bəcrəvan kəndi |
| Təhsili | Azərbaycan Dövlət Politexnik İnstitutu |
| Atası | Abbas Maxsudov |
| Anası | Buta Maxsudova |
| Həyat yoldaşı | Fəridə Maxsudova |
| Uşaqları | Fərəh Maxsudova, Rahim Maqsudov, Rəna Həsənova, Emin Maqsudov |
| Dini | İslam |
|
|
|
| Təltifləri |
  |
Maxsudəli Maxsudov 15 aprel 1941-ci ildə İmişli rayonunun Bəcrəvan kəndində dünyaya gəlmişdir. Onun ailəsi, müharibə illərinin çətinliklərinə məruz qalmışdır. Atası Abbas kişi, Maxsudəli hələ üç yaşında ikən vəfat etmişdir. Anası Buta isə beş övladını böyütmək üçün kolxozda çalışmışdır. Maxsudəli 1948-ci ildə kənd orta məktəbinin ilk sinfinə daxil olmuş, 1958-ci ildə Azərbaycan Dövlət Politexnik İnstitutunun "Sənaye və mülki tikinti" fakültəsinə qəbul olmuşdur.[2]
Maxsudəli Maxsudov ali təhsilini tamamladıqdan sonra 1965-ci ildə Sumqayıt şəhərində yerləşən 1№-li Tikinti Trestində usta kimi əmək fəaliyyətinə başlamışdır. Burada "Metallurq", "İnşaatçı" və "Kimyaçı" pioner düşərgələrinin tikintisi kimi layihələrdə iştirak etmişdir. Daha sonra iş icraçısı, sahə rəisi vəzifələrində çalışmış, Azərbaycan Boru-prokat zavodunda geniş rekonstruksiya işləri aparmışdır. Onun mühəndislik bacarığı nəticəsində 1975-ci ildə idarənin baş mühəndisi vəzifəsinə, 1980-ci ildə isə 1№-li Tikinti Trestinin baş mühəndisi vəzifəsinə təyin edilmişdir.
Maxsudovun rəhbərliyi altında Sumqayıtda və Azərbaycanın digər bölgələrində geniş tikinti-quraşdırma işləri aparılmışdır. O, Sumqayıt Boru-prokat zavodunda yeni texnoloji xəttin, Superfosfat zavodunda sulfat turşusu sexinin və Sintetik Kauçuk zavodunda EP-300 kompleksinin tikintisinə texniki rəhbərlik etmişdir.[2]
1984-cü ildə Maxsudəli Maxsudov respublikanın ən böyük tikinti trestlərindən birinin müdiri təyin edilmişdir.[2] Trestin kollektivi onun rəhbərliyi ilə böyük həcmdə tikinti işlərini uğurla tamamlamışdır.
1988-ci ildə Ermənistanın Azərbaycana qarşı hücum ilə başlayan Qarabağ münaqişəsi dövründə Maxsudəli Maxsudov Sumqayıtın 1№-li Tikinti Trestinin briqadalarını Xocalının bərpasında fəal iştiraka cəlb etmişdir. O, eyni zamanda Qarabağdan köçkün düşmüş ailələrə maddi və mənəvi dəstək göstərmişdir. Maxsudovun tresti müharibə dövründə Şuşa və Laçından gələn məcburi köçkünlərə sığınacaq vermiş və onlara yardım etmişdir.[2]
Maxsudəli Maxsudov tikinti sahəsində uzun müddətli fəaliyyətinə və respublikanın inkişafına verdiyi töhfələrə görə bir çox mükafat və fəxri adla təltif olunub. Azərbaycan Respublikasında xalq təsərrüfatı obyektlərinin inşasında, yenidən qurulmasında görkəmli xidmətlərinə, sənaye sahəsində qazandıqı uğurlara, sosial-iqtisadi inkişafına verdiyi töhfələrə görə "Tərəqqi" medalı[2] ilə təltif edilmişdir. O, 30 ildir ki, "Azərbaycan Respublikasının Əməkdar Mühəndisi"[2] adını daşıyır. 2019-cu ildə Azərbaycan Respublikası Prezidentinin fərdi təqaüdü[1] ilə təltif edilib. Onun rəhbərliyi altında inşa edilən obyektlər bu gün də ölkənin sosial və iqtisadi inkişafında mühüm rol oynayır.