E.ə.VI - V əsr mənbələrində Miletli Hekateyin və Herodotun məlumatlarinda matienlərin məskünlaşma ərazisi geniş idi. Belə ki, onların vilayətlərindən şimal-qərbdə Araks (Araz) çayı mənbə alırdı,bir qədər cənubda Tiqr (Dəclə) çayı axırdı, sonra Böyük Zab, sonra onların vilayətlərindən mənbə alan Kiçik Zab, vilayətin ən cənub sərhədi Diyala çayının mənbələrinə çatırdı. Bundan başqa matienləri Qalis (Qızıl İrmaq) çayının ətrafında da məskunlaşdırırlar. Daha sonrakı dövrdə mənbələrin məlumatlarına əsaslanaraq matienləri Urmiya gölünün şimal, şərq və cənub sahillərində məskunlaşdırmaq olar.