Bu məqalədəki və ya bölmədəki məlumatlar köhnədir.
Səhifəyə yenilənmiş məlumatlar əlavə etməklə Vikipediyanı zənginləşdirməyə kömək edə bilərsiniz.
Marvel Kinematoqrafiya Kainatı (ing.Marvel Cinematic Universe, MCU) və ya qısaca MKK – Marvel Studios tərəfindən Marvel komiksləri əsasında ərsəyə gətirilmiş və özündə superqəhrəmanlar haqqında filmlər seriyasını birləşdirən kinematoqrafiya kainatı. Bu kainat bir neçə filmin ümumi sujet xəttində əlaqələndirilməsi nəticəsində yaradılmışdır.
Filmlər əsasən müstəqil süjetə malik olub və ayrı-ayrı superqəhrəmanlardan bəhs edir. Bundan başqa bu qəhrəmanların bir araya gəldiyi krossoverlərdə mövcuddur.
Növbəti illər üçün daha 7 filmin premyerası planlaşdırılıb: "Doktor Strenc: Dəlilik multikainatında", "Tor: Sevgi və İldırım", "Qara pantera: Əbədi Vakanda", "Marvellər", "Qalaktika mühafizəçiləri 3", "Qarışqa-adam və Arı: Kvantmaniya", "Fantastik dördlük".
İlk olaraq 2008-ci ildə Dəmir Adam filmi ilə başlayan Marvel Kinematoqrafiya Kainatı sonradan Halk, Tor, Black Window, Şahin Göz və Kapitan Amerika kimi super qəhrəmanlar qrupunun ortaya çıxmasını təmin etdi.[1][2] 2012-ci ildə 1-ci dönəmin son filmi olan Qisasçılar filmində bütün super qəhrəmanlar bir yerə toplanmışdılar. 2014 avqust ayında çıxan Qalaktika Mühafizəçiləri filmində isə ilk dəfə idi ki, Qisasçılar ortaya çıxmamışdılar.[3] 2019-cu ildə çıxan Qisasçılar: Final filmində isə dönəmin bütün super qəhrəmanları təkrar bir yerə toplanmışdılar.[4] 22 aprel 2019-cu ildə Marvel Studios prezidenti və kinematoqrafiya kainatının qurucusu Kevin Fayqi 3 dönəmi əhatə edən 23 Marvel filminə verdiyi rəsmi adın The Infinity Saga olduğunu açıqlamışdır.[5]
Bu kainatla əlaqəli istehsal olunmuş televiziya serialları da mövcuddur.[6]Marvel Kinematoqrafiya Kainatında yer alan filmlərlə paralel davam etmişdir. ABC kanalında Agents of S. H. I. E. L. D., Agent Carter və son olaraq da Inhumans serialı yayımlanmışdır. Netflix platformasında Daredevil, Jessica Jones, Luke Cage, Iron Fist, mini serial olan The Defenders və son olaraq da 2017-ci ilin noyabr ayında The Punisher adlı altı serial yayımlanmışdır. Hulu streaming platformunda isə Runaways və Helstrom serialları yayımlanmağa davam edir. Freeform kanalında isə Cloak & Dagger yayımlanmışdır. Son olaraq 21 iyul 2019-cu ildə San Diego Comic-Con International-da 12 noyabr 2019-cu ildə fəaliyyətə başlayan Disney+ streaming platformunda Marvel Kinematoqrafiya Kainatı 4-cü dönəm filmləri ilə paralel irəliləcəyi açıqlanan The Falcon and the Winter Soldier, WandaVision, Loki, Hawkeye və What If…? adında beş Marvel serialının yayımlanacağı bildirilmişdir.[7][8][9] 23 avqust 2019-cu ildə MarvelMs. Marvel, Moon Knight və She-Hulk adında üç serialı da Disney+ platformunda yayımlayacağını açıqlamışdır.[10]
