Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMartin Lourens Bulard (ing. Martyn Lawrence Bullard; 30 mart 1967, London) — ABŞ-da yaşayan ingilis interyer dizayneri.[1]
| Martin Bulard | |
|---|---|
 | |
| Doğum tarixi | 30 mart 1967 (58 yaş) |
| Doğum yeri | |
| Fəaliyyəti | yazıçı |
| martynlawrencebullard.com | |
Martin Bulard 30 mart 1967-ci ildə Londonda anadan olub. Gənc yaşlarından sənətə və dizayna maraq göstərib. Karyerasına aktrisa anasının vasitəsilə müxtəlif kinostudiyalarda dekorasiyalar hazırlamaqla başlayıb.[2] 1990-cı illərdə Bullard ABŞ-a köçərək Los Ancelesdə fəaliyyətini genişləndirdi. O, burada tanınmış şəxslər üçün interyer dizaynları hazırlamağa başladı və qısa müddətdə məşhur oldu. Onun klassik və müasir elementləri sintez edən üslubu Hollivud ulduzlarının diqqətini çəkdi.[3][4]
O, bir çox məşhur layihələri ilə tanınır. Martin Bulardın Hollivudun və moda dünyasının ən tanınmış simaları ilə işləyib. Onun dizayn etdiyi evlər və məkanlar arasında aşağıdakılar daxildir:
- Şer – O, məşhur müğənni üçün Mərakeş və Osmanlı üslubunda ev dizayn edib.
- Kayli Cenner – Cennerin malikanəsini lüks dizayn elementləri ilə bəzəyib.
- Tommy Hilfiger – Mayami villasını retro-modern üslubda yenidən dizayn edib.
- Kloi Kardaşyan və Kourtney Kardaşyan – Onların evlərini zərif interyerlərlə təchiz edib.
Qeyd edək ki, Ellen Pompeo, Eva Mendes, Şaron Osbourne və Elton Con kimi məşhurlar da onun müştəriləri arasındadır. Onun dizayn etdiyi məkanlar yalnız şəxsi villalar deyil, otel, restoran və kommersiya məkanlarını da əhatə edir. O, Beverli-Hillz, Palm Sprinqs və London kimi şəhərlərdə də interyer layihələrini həyata keçirib.[5][6]
Martin Bulard 2011-ci ildən 2013-cü ilə qədər Bravonun məşhur "Milyon Dollarlıq Dekorasiya" serialında rol alaraq, yüksək səviyyəli interyer dizaynerlərini tənqid etdi. 2012-ci ildə verdiyi müsahibədə məşhur müştərilərinin iştirak etdiyi şouda tez-tez iştirak edən Bullard bunları deyib: "Məşhurlar həyatlarını diqqət mərkəzində yaşayırlar. Buna görə də, evlərinin tam istirahət və məxfilik üçün müqəddəs yer olması vacibdir. İllərdir məşhur müştərilərimlə birlikdə ən böyük sevincim, Hollivuddakı hind sarayı, Malibudakı Toskana villası və ya Nyu-Yorkdakı İngilis kənd kotteci olsun, xəyallarını gerçəkləşdirmək ehtirasları olub. Mən onların köməkçisi olmaq və bu xəyalları dekorativ gerçəkliyə çevirmək üçün buradayam."[7]
- Martyn Lawrence Bullard; photographed by Tim Street-Porter; Live, Love & Decorate;4 October 2011; Rizzolli; ISBN 978-0-8478-3676-5
- Martyn Lawrence Bullard; "Design & Decoration;" 17 May 2016; Rizzoli; ISBN 978-0-8478-4738-9
- ↑ McKeough, Tim. "A Celebrity Designer in the Service of Glamour". May 25, 2011. New York Times. 25 may 2011. İstifadə tarixi: 16 sentyabr 2013.
- ↑ Walden, Celia. "Meet Mr Lawrence-Bullard, Hollywood's favourite interior designer". May 29, 2013. London: The Telegraph. 29 may 2013. 8 iyun 2013 tarixində orijinalından arxivləşdirilib. İstifadə tarixi: 16 sentyabr 2013.
- ↑ Law, Katie. "Martyn Lawrence Bullard: I've built my entire career on being a London boy in Hollywood". June 13, 2013. London Evening Standard. 13 iyun 2013. İstifadə tarixi: 17 sentyabr 2013.
- ↑ Tsang, Jacqueline. "Seeing stars: Interior designer Martyn Lawrence Bullard on making it big". South China Morning Post. mart 2013. İstifadə tarixi: 18 sentyabr 2013.
- ↑ Keeps, David. "STAR TURN: MARTYN LAWRENCE BULLARD'S HOLLYWOOD HOME". 2011. Elle Decor. 28 noyabr 2012. İstifadə tarixi: 19 sentyabr 2013.
- ↑ Carreon, Blue. "Martyn Lawrence-Bullard Interview on Fashion And Interior Design". May 26, 2011. Huffington Post. 26 may 2011. İstifadə tarixi: 19 sentyabr 2013.
- ↑ Reimer, Susan. "Bravo's 'Million Dollar Decorator' dishes out inspiration, advice". February 16, 2012. Baltimore Sun. İstifadə tarixi: 16 sentyabr 2013.
- martynlawrencebullard.com — rəsmi saytı