Bu məqalənin neytrallığı şübhə doğurur. |
Bu məqaləni vikiləşdirmək lazımdır. |
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Marqaret Mitçell (ing. Margaret Munnerlyn Mitchell; 8 noyabr 1900[3], Atlanta[1][2] – 16 avqust 1949[1][2][…], Atlanta[1][2]) — ABŞ-lı yazıçı. Marqaret Mitçell 1936-cı ildə nəşr etdirdiyi "Küləklə sovrulanlar" əsəri ilə məşhurlaşdı[4]
| Marqaret Mitçell | |
|---|---|
| ing. Margaret Munnerlyn Mitchell | |
 | |
| Təxəllüsü | Margaret Mitchell |
| Doğum tarixi | |
| Doğum yeri | Atlanta, ABŞ |
| Vəfat tarixi | |
| Vəfat yeri | |
| Vəfat səbəbi | nəqliyyatın insan üzərindən keçməsi[d] |
| Fəaliyyəti | yazıçı, romançı, ssenarist, jurnalist, nasir |
| Fəaliyyət illəri | 1936-cı ildən |
| Əsərlərinin dili | ingilis dili |
| Tanınmış əsərləri | |
 |
|
 Vikianbarda əlaqəli mediafayllar | |
1936-cı ildə nəşr olunan "Küləklə sovrulanlar" kitabı 1936-cı ildə "Ən görkəmli roman" nominasiyasında Milli Kitab Mükafatını[5] və 1937-ci ildə ABŞ-də 70-dən çox nəşri ilə Pulitser Mükafatını qazanıb və 37 dilə tərcümə olunub. 1939-cu ildə rejissor Viktor Fleminqin çəkdiyi eyniadlı film səkkiz Oskar qazandı.
Marqaret Mitçell 8 noyabr 1900-cü ildə Corciya ştatının Atlanta şəhərində vəkil Yucin Mitçell və tez-tez May Belle kimi tanınan sufrajist Maria İzabellanın ailəsində anadan olub. Yazıçının atası İrlandlı, ana tərəfi isə Fransızdır[6]. Onun iki qardaşı var idi: 1894-cü ildə körpəlikdə vəfat edən Rassel Stivens Mitçell və 1896-cı ildə anadan olan Aleksandr Stivens Mitçell[7][8].
Mitçell ailəsinin ata tərəfi 1777-ci ildə Corciya ştatının Uilks qraflığında məskunlaşan və Amerikaİstiqlal Müharibəsində vuruşan Şotlandiyanın Aberdinşir şəhərindən olan Tomas Mitçelldən gəlirdi. Onun babası, Atlantadan olan Rassel Krouford Mitçell 24 iyun 1861-ci ildə Konfederasiya Ştatları Ordusuna yazıldı və Hudun Texas Briqadasında xidmət etdi. Eynthem müharibəsində ağır yaralandı, "səmərəliliksizlik"ə görə vəzifəsindən azad edildi və Atlantada sanitariya işçisi kimi xidmət etməyə təyin edildi[9]. Vətəndaş müharibəsindən sonra o, Atlantanın sürətli yenidən qurulması üçün taxta materialları tədarük etməklə böyük bir sərvət qazandı. Rassel Mitçelin iki arvaddan on üç uşağı var idi; ən böyüyü Corciya Universitetinin Hüquq Məktəbini bitirmiş Yucin idi[10].
Gələcək yazıçı varlı aristokrat ailədə böyüyüb, tərbiyə almışdır. Uşaqlıq illərində o, anasının təkidi ilə dünya ədəbiyyatının qızıl fonduna daxil olmuş əsərləri mütaliə edərdi, amma zamanında çox dəbdə olan ucuz, bayağı məhəbbət romanlarını da acgözlüklə oxuyardı. On doqquz yaşlı gənc qız Northemptonun kollecində təhsil alırdı. Anasının ölümündən sonra, təhsilini yarımçıq qoyub doğma Atlanta şəhərinə, Şaftalı küçəsindəki böyük malikanəyə-ata ocağına dönür. O, Red Apşounla evlənir, lakin bir neçə ay sonra boşandılar.
Red Apşoundan boşandıqdan sonra, özünü mətbuat aləmində jurnalist kimi sınamaq istəyir. Mitçell Atlanta Journalında işləməyə başladı və nəticədə aparıcı müxbir oldu.
1925-ci ildə ikinci dəfə ailə qurur. 1926-cı ildə ayaq biləyinin zədələnməsinə görə Mitçell qəzeti tərk edir.
"O, sevdiyi iki kişidən heç birini anlaya bilməmişdi, indi onların hər ikisini itirib"-bu cümlə ilə yazmağa başlayıb xanım Marqaret. Bu fraza romanın son bölümündə yer alıb. Son abzasdan başlayaraq yazmaq səriştəsi ona jurnalistikadan yadigar qalmışdı. Marqaret Mitçell oçerklərini də bu üslubda yazardı. "Küləklə sovrulanlar" on il müddətində yazılıb, zira, belə bir epik roman əlbəttə ki, bir neçə aya ərsəyə gələ bilməzdi. 1935-ci ilin dekabrında yazıçı romanın son variantını tamamladı. Romanın əlyazmasını nəşriyyata təqdim etdi. Bu məqamda bir faktı da qeyd etmək yerinə düşər, əlyazmada romanın adı "Sabah başqa gün olacaq" yazılmışdı. Son anda, yazıçı nəşriyyatdaca romanın adını dəyişdirib, kitabın adını Qədim Roma yazıçısı Horatsinin bir misrasından götürüb. Qəhrəmanın adını da son anda düşünüb tapıb.
Bir ildən sonra roman işıq üzü gördü, işıq üzü görər-görməz bestseller siyahısına düşdü və uzun illər boyu bu siyahıda qaldı. Romanın satışa çıxarıldığı birinci gün əlli min nüsxə satıldı. İl ərzində roman otuz bir dəfə çap olundu, bir ildə müəllifinə üç milyon dollar gəlir gətirdi.
1937-ci ildə roman Amerikanın nüfuzlu Pulitser mükafatına layiq görülür.
1949-cu ilin avqustun 11-də Marqaret Mitçell əri Con Marş ilə evdən çıxıb kinoteatra gedərkən onu maşın vurur və 5 gün sonra özünə gəlmədən dünyasını dəyişir.
Marqaret Mitçell Corciya ştatının Atlanta şəhərindəki Oakland qəbiristanlığında dəfn edilir. Onun əri Con Marş isə 1952-ci ildə vəfat edib və həyat yoldaşının yanında dəfn edilir.
- ↑ 1 2 3 4 Краткая литературная энциклопедия (rus.). Москва: Советская энциклопедия, 1962. Т. 4. С. 873.
- ↑ 1 2 3 4 Митчелл Маргарет // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.
- ↑ abART.
- ↑ Митчелл Маргарет // Большая советская энциклопедия: [в 30 т.] — 3-е изд (rus). Москва: Советская энциклопедия,. 1969.
- ↑ "5 Honors Awarded on the Year's Books: ..." (ingilis). The New York Times. February 26, 1937. p. 23.
- ↑ Палиевский, П. Маргарет Митчелл и её книга. // Митчелл М. Унесённые ветром. Роман. Т. 1 (rus). Москва: Художественная литература,. 1982. С. 5.
- ↑ Candler,, Allen D. Cyclopedia of Georgia / Allen D. Candler, Clement A. Evans (ingilis). Georgia: State Historical Association,. 1906. Vol. 2 of 3. — P. 602–605.
- ↑ Johnson,, Joan Marie. Southern Women at the Seven Sister Colleges: Feminist Values and Social Activism. 1875-1915. ISBN 9780820330952..
- ↑ Simpson,, Harold B. Hood's Texas Brigade: A Compendium (ingilis). Hillsboro,: Hill Jr. College Press,. 1977. P. 69. ISBN 0912172223..
- ↑ Garrett,, Franklin M. Atlanta and Environs: a chronicle of its people and events (ingilis). Athens, Georgia :: University of Georgia Press,. 1969. Vol. 1. — P. 819. —. ISBN 0820302635..