Marko Veşoviç — (28 avqust 1991[1][2], Podqoritsa[3]) — Monteneqrolu peşəkar futbolçu. Ağdamın "Qarabağ" klubunun və Monteneqro milli futbol komandasının müdafiəçisi.
| Marko Veşoviç | |
|---|---|
.jpg) | |
| Ümumi məlumatlar | |
| Doğum tarixi | 28 avqust 1991[1][2] (33 yaş) |
| Doğum yeri | |
| Vətəndaşlığı | |
| Boyu | 177 sm |
| Çəkisi | 64 kq |
| Mövqeyi | yarımmüdafiəçi |
 Vikianbarda əlaqəli mediafayllar | |
Markonun uşaq yaşlarında ilk klubu Serbiyanın "Mladost" komandası olur. Sonrada futbolçu ilk peşəkar müqavilə imzalayacağı "Budçnost"un uşaq komandasına qoşulur."Budçnost"un əsas heyətində 2008-ci ildə debüt edir. Burada 11 oyun keçirib bir qol vurur. 2008-ci ildə "Mladost Podgorica" klubuna icarəyə verilir. Burada 12 oyunda meydana çıxır və 3 qola imza atır. 2010-cu ilin iyununda o, "Srvena Zvezda" klubuna keçir. "Qırmızı-ağlar"la 17 oyun keçirir. Yeni komandasıyla ilk qolunu Sloveniya çempionu "Koper"lə yoldaşlıq oyununda vurur.
30 yanvar 2014-cü ildə o, məşqçi Canpyero Venturanın rəhbərliyi altında bir neçə gün sınaqdan keçirildikdən sonra İtaliyanın "Torino" komandası ilə, azad agent kimi müqavilə imzalayır.[4] O, "Torino"da rəsmi debütünü 9 mart 2014-cü ildə Milana səfər zamanı "İnter"ə qarşı keçirdir. 2013-14 mövsümünün sonunda o, "Torino"nun heyətində dörd oyun keçirdir.
2014-cu ilin yayında icarə ilə Xorvatiyanın "Riyeka" klubuna yollanır. Burada ilk ilində 17 dəfə meydana çıxır və 1 qol vurur. Növbəti ildə "Riyeka" futbolçunu tam olaraq transfer edir. Daha üç il "Riyeka"nın formasını geyinən futbolçu, daha 67 oyunda meydana çıxır və 10 qol vurur.
Futbolçu, 2018-ci ildə Polşanın "Legiya" klubuna transfer olunur. 2021-ci ilə qədər Polşada top qovan futbolçu 62 oyunda meydana çıxır və 2 qol vurur.
Futbolçu 2021-ci ilin iyul ayında 2 illik müqavilə ilə Qarabağ klubuna transfer edilir.[5]
- ↑ 1 2 worldfootball.net (çd.).
- ↑ 1 2 Marko Vesovic // As (isp.). Madrid: PRISA, 1967. ISSN 1888-6671
- ↑ 1 2 90minut.pl (pol.). 2003.
- ↑ FC Torino. "Vesovic al Toro". torinofc.it (italyan). 2022-11-21 tarixində arxivləşdirilib. İstifadə tarixi: 21 noyabr 2022.
- ↑ qol.az. "Marko Veşoviç rəsmən "Qarabağ"da - Video". qol.az (az.). 2023-07-27 tarixində arxivləşdirilib. İstifadə tarixi: 2022-11-21.