Mark Ceykobs (ing. Marc Jacobs; 9 aprel 1963[1][2][…] və ya 8 aprel 1963[3], Nyu-York, Nyu-York ştatı) — Amerikalı modelyer, "Marc Jacobs" brendinin yaradıcısı. O, 1997-ci ildən 2013-cü ilə qədər Louis Vuitton moda evinin bədii rəhbərliyini icra etmişdir. "İncəsənət və ədəbiyyat" ordeni kavaleri (2010).[5]
| Mark Ceykobs | |
|---|---|
| ing. Marc Jacobs | |
 | |
| Doğum tarixi | 9 aprel 1963[1][2][…] (62 yaş) və ya 8 aprel 1963[3] (62 yaş) |
| Doğum yeri | |
| Təhsili |
|
| Fəaliyyəti | dəb dizayneri, modelyer[d] |
| Fəaliyyət illəri | 1980–2012 |
| Mükafatları |
 |
| marcjacobs.com | |
 Vikianbarda əlaqəli mediafayllar | |
Mark Ceykobs 9 aprel 1963-cü ildə Nyu-Yorkda yəhudi ailəsində anadan olub. Onun atası o uşaq olarkən vəfat etdiyinə görə, anası və nənəsi tərəfindən böyüdülüb. Mark Ceykobs modaya və sənətə olan marağını gənc yaşlarından nümayiş etdirirdi. O, uşaqlıqdan toxuculuq və tikiş sənətinə maraq göstərib. Nənəsi ona ilk tikiş dərslərini keçib və bu, onun moda dünyasına olan sevgisini daha da gücləndirib.[6][7][8]
Mark Ceykobs ABŞ-ın ən nüfuzlu moda məktəblərindən biri olan "Parson’s School of Design"də təhsil alıb. Mark Ceykobs oxuduğu müddətdə ilk kolleksiyasını yaradaraq "Perry Ellis" Gənc Dizayner Mükafatını qazandı. Bu uğur, onun moda dünyasında tanınmasına səbəb oldu.[9]
Mark Ceykobsun ilk böyük işi 1984-cü ildə "Reuben Thomas" şirkəti ilə oldu. Burada "Sketchbook" adlı kolleksiya üzərində çalışdı. Daha sonra Robert Duffi ilə əməkdaşlıq edərək "Marc Jacobs International" brendini yaratdı.
- 1986-cı ildə, öz adını daşıyan ilk moda kolleksiyasını təqdim etdi.
- 1987-ci ildə "Perry Ellis Mükafatı"nı qazandı və bunu alan ən gənc dizayner oldu.
- 1992-ci ildə "Grunge" üslubunu modaya gətirən dizayner kimi tanındı.
_R._das_Carmelitas.JPG)
Mark Ceykobs 1997-ci ildə Louis Vuittonun yaradıcı direktoru oldu və brend üçün ilk hazır geyim kolleksiyasını hazırladı. Onun rəhbərliyi altında Louis Vuittonun klassik dizaynı modern üslubla birləşdirildi və lüks brend daha geniş auditoriyaya çatdı.'[10]
- "Stephen Sprouse" ilə əməkdaşlıq edərək məşhur graffiti çantalarını dizayn etdi.
- 2003-cü ildə Takaşi Murakami ilə birlikdə rəngli monoqram kolleksiyasını yaratdı.
- Riçard Prins və Yayoi Kusama kimi sənətçilərlə əməkdaşlıq etdi və brendi daha yaradıcı hala gətirdi.
Mark Ceykobs Louis Vuittonun dəbdəbəli, lakin daha yenilikçi və dinamik brendə çevrilməsində mühüm rol oynadı. 2013-cü ildə isə Louis Vuittondan ayrıldı və öz brendinə fokuslandı.[11] В результате фирма Джейкобса выплатила денежную компенсацию сыну шведа[12]
Mark Ceykobs öz adına məxsus "Marc Jacobs" brendi ilə müasir modaya yön verən kolleksiyalar hazırladı. Onun dizaynları özünəməxsus, cəsarətli və şəhər estetikasını əks etdirən tərzi ilə seçilir.
Brendin əsas xəttləri bunlardır:
- Marc Jacobs Collection – Lüks geyim və aksessuarlar
- Marc by Marc Jacobs – Daha gənc və sərfəli moda xətti (sonradan bağlandı)
- Marc Jacobs Beauty – Kosmetika və parfümeriya
Mark Ceykobsun geyim və aksesuar dizaynları pop mədəniyyətinin böyük bir hissəsinə çevrildi. Xüsusilə həddindən artıq böyük sviterlər, qrafik köynəklər və unikal ayaqqabılar onun imzasına çevrildi.
- ↑ 1 2 Marc Jacobs (nid.).
- ↑ 1 2 Nolen J. L. Marc Jacobs // Encyclopædia Britannica (ing.).
- ↑ 1 2 The Fine Art Archive. 2003.
- ↑ RKDartists (nid.).
- ↑ Полина Личагина. "Марк Джейкобс стал французским кавалером". FashionTime (rus). 27 yanvar 2010. 7 mart 2014 tarixində arxivləşdirilib. İstifadə tarixi: 26 iyul 2021.
- ↑ Wilson, Eric. "Marc Jacobs". The New York Times. İstifadə tarixi: 10 aprel 2013.
- ↑ "Fashion Icons". www.jewishvirtuallibrary.org. İstifadə tarixi: 12 yanvar 2025.
- ↑ Bloom, Nate. "Jewish Stars 5/21". en:Cleveland Jewish News. 21 may 2010.
- ↑ Larocca, Amy. "Lost and Found". New York. 21 avqust 2005. İstifadə tarixi: 7 sentyabr 2011.
- ↑ Who is who: Marc Jacobs Arxiv surəti 24 oktyabr 2007 tarixindən Wayback Machine saytında // Vogue
- ↑ "The Local: 'Marc Jacobs plagiarized my dad's scarf'". 27 fevral 2008 tarixində arxivləşdirilib. İstifadə tarixi: 12 mart 2010.
- ↑ "The Local: US fashion designer makes 'plagiarized' scarf payout". 5 may 2009 tarixində arxivləşdirilib. İstifadə tarixi: 12 mart 2010.