Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMaralyansarov[1][2][3] — Azərbaycan Respublikasının Ağdərə rayonunun Həsənqaya kənd inzibati ərazi dairəsində kənd.[4]
| Maralyansarov | |
|---|---|
| 40°19′19″ şm. e. 46°49′18″ ş. u. | |
| Ölkə |
 Azərbaycan |
| Region | Qarabağ iqtisadi rayonu |
| Rayon | Ağdərə rayonu |
| Tarixi və coğrafiyası | |
| Saat qurşağı | |
| Əhalisi | |
| Rəsmi dili | |
| Rəqəmsal identifikatorlar | |
| Telefon kodu | +994 26 |
| Poçt indeksi | AZ5900 |
| Nəqliyyat kodu | 32 |
  Maralyansarov | |
Budaqovun və Qeybullayevin müəllifliyi ilə dərc olunmuş "Qarabağda etnik məskunlaşma tarixi və toponimləri"[5] əsərində qeyd olunur ki, Qarabağda Sarov adlı iki kənd vardı: biri Maralyan Sarov, digəri Bəyim Sarov adlanırdı. Əsərdə qeyd olunur ki, Cənubi Azərbaycanın Ərdəbil əyalətinin Bərzənd mahalında Maraluy kəndindən çıxmış ailələrin XVI əsrdə məskunlaşması nəticəsində Maralyan kənd adı yaranmışdır. Əsərə əsasən, bu da Maraluy kənd adından və fars dilində cəm bildirən "-an" şəkilçisindən ibarətdir.[6][7] Qeyd etmək lazımdır ki, Azərbaycan Respublikasının ərazisində Maralyansarov adında keçmişdə digər kənd də rəsmən var idi və Tərtər rayonunun Bəyimsarov kənd inzibati-ərazi vahidinin tərkibində idi, amma Azərbaycan Respublikasının 5 oktyabr 1999-cu il tarixli Qanunu ilə rayonun yaşayış məntəqələri uçot məlumatından çıxarılması qərara alınmışdı[8].
Kənd Ağdərə rayonunun tərkibində olub. 1992-ci ildə Ağdərə rayonu ləğv edilib ərazisi qonşu rayonlar arasında bölüşdürüldükdən sonra kənd Tərtər rayonunun ərazisinə düşüb.
1992-ci ildən 10 noyabr 2020-ci ilə kimi Ermənistan Silahlı Qüvvələrinin işğalı altında olmuşdur. İkinci Qarabağ müharibəsinin nəticələrinə əsasən imzalanmış 10 noyabr 2020-ci il tarixli üçtərəfli bəyanata uyğun olaraq Maralyansarov kəndi Rusiya sülhməramlı qüvvələrinin nəzarətinə keçmişdir. 2023-cü il sentyabrın 19-20-də Azərbaycan Ordusunun Qarabağda keçirdiyi antiterror əməliyyatı nəticəsində Maralyansarov kəndi Azərbaycanın nəzarətinə qayıtmışdır.
5 dekabr 2023-cü ildə kənd Ağdərə rayonunun tərkibinə daxil edilib.[9]
- ↑ "Azərbaycanın Xəritəsi | Xəritə GoMap.Az". gomap.az. İstifadə tarixi: 16 may 2025.
- ↑ "Google Maps". Google Maps (ingilis). 20 may 2025 tarixində arxivləşdirilib. İstifadə tarixi: 16 may 2025.
- ↑ "Karabakh Digital Geoinformation System". qrgs.emlak.gov.az. İstifadə tarixi: 16 may 2025.
- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 28 fevral 2024. 14 mart 2024 tarixində arxivləşdirilib (PDF). İstifadə tarixi: 5 aprel 2024.
- ↑ ""Qarabağın etnik məskunlaşma tarixi və toponimləri" kitabı işıq üzü görüb". Azərbaycan Milli Elmlər Akademiyası (az.). 31.05.2023. İstifadə tarixi: 2025-05-16.
- ↑ B.Ə. Budaqov, Q.Ə. Qeybullayev. QARABAĞIN ETNİK MƏSKUNLAŞMA TARİXİ VƏ TOPONİMLƏRİ. Bakı: "Region Press" MMC. Baş redaktor: Z.N.Eminov. Elmi redaktoru: M.Ə.Abbasova. Rəyçilər: T.G.Həsənov, N.Q.Babayev. 2022. 358. ISBN 978-9952-561-12-8.
- ↑ B.Budaqov, Q.Qeybullayev Yuxarı Qarabağın Toponimləri Bakı.2005
- ↑ "Azərbaycan Respublikasının bəzi rayonlarının inzibati-ərazi bölgüsündə qismən dəyişikliklər edilməsi haqqında Azərbaycan Respublikasının Qanunu". Azərbaycan Respublikasının Ədliyyə Nazirliyi Hüquqi aktların vahid elektron bazası (az.). 5 oktyabr 1999-cu il. 2022-06-10 tarixində arxivləşdirilib. İstifadə tarixi: 2025-05-16.
- ↑ "Azərbaycan Respublikasının Ağdərə rayonunun yaradılması haqqında Azərbaycan Respublikasının Qanunu" (az.). president.az (28 dekabr 2023 tarixində nəşr olunub). 5 dekabr 2023. 27 dekabr 2023 tarixində arxivləşdirilib. İstifadə tarixi: 27 dekabr 2023.